17/09/2025
بانڈی میرا، وی سی باغ: پیپلز پارٹی نے انتشار ختم کر کے امن قائم کر دیا
مرتضیٰ جاوید عباسی کی جانب سے گیس پائپ لائن منصوبے کے افتتاح کے موقع پر مسلم لیگ (ن) کے دو گروپوں میں شدید تصادم ہوا۔ یہ تصادم معمولی نوعیت کا نہیں تھا بلکہ یہ خدشہ تھا کہ یہ جھگڑا کسی بڑے سانحے کی شکل اختیار کر سکتا ہے۔
ایسے وقت میں پاکستان پیپلز پارٹی کی قیادت نے بروقت مداخلت کرتے ہوئے ثالثی کا کردار ادا کیا اور حالات کو قابو میں کیا۔ خاص طور پر صدر گلیات زون سردار محمد آصف اور سینئر نائب صدر گلیات زون سردار محمد عارف نے کلیدی کردار ادا کرتے ہوئے جھگڑے کو ختم کرایا۔
ان کے ساتھ ساتھ سیکرٹری گلیات زون نزیر عباسی، سیکرٹری اطلاعات گلیات زون شکیل عباسی، سوشل میڈیا انچارج ونگ پی پی پی ضلع ایبٹ آباد میر عابد عباسی، سینئر نائب صدر ویلج کونسل باغ محمد اشرف عباسی اور رابطہ سیکرٹری ویلج کونسل باغ محمد شوکت مغل بھی موجود رہے جنہوں نے ثالثی کے عمل میں اہم کردار ادا کیا۔
پاکستان پیپلز پارٹی ویلج کونسل باغ کے عوام ان تمام قائدین کی بروقت مداخلت اور کاوشوں پر ان کے تہہ دل سے شکر گزار ہیں۔ پیپلز پارٹی نے ایک بار پھر یہ ثابت کیا ہے کہ وہ اصولوں، عوامی خدمت اور امن و بھائی چارے کی سیاست پر یقین رکھتی ہے
