28/07/2026
اسسٹنٹ کمشنر جہانگیرہ، اسکواڈرن لیڈر (ر) امان اللہ نے جہانگیرہ میں واقع ملک واٹر پارک کا معائنہ کیا۔
دورے کے دوران حفاظتی انتظامات اور حکومت کی جانب سے مقرر کردہ ضروری سہولیات کا جائزہ لیا گیا۔ معائنے میں حفاظتی انتظامات میں کمی پائے جانے پر عوامی مفاد اور شہریوں کی حفاظت کے پیشِ نظر ملک واٹر پارک کو موقع پر سیل کر دیا گیا۔
اس موقع پر واضح کیا گیا کہ حفاظتی ایس او پیز پر عملدرآمد میں کسی قسم کی غفلت برداشت نہیں کی جائے گی اور خلاف ورزی کی صورت میں قانون کے مطابق سخت کارروائی جاری رہے گی۔
