Assistant Commissioner Revenue/Executive Magistrate Shangla.

31/08/2026

صوبائی حکومت خیبر پختونخوا کی احکامات اور کمشنر شانگلہ کی خصوصی ہدایات پر اسسٹنٹ کمشنر (ریونیو) شانگلہ نے کروڑہ کا تفصیلی دورہ کیا۔

گورنمنٹ ہائی سکول کروڑہ کا معائنہ:

اسسٹنٹ کمشنر نے گورنمنٹ ہائی سکول کروڑہ کا اچانک انسپکشن کیا۔ دورانِ انسپکشن سٹاف کی حاضری، طلباء کی حاضری، تدریسی سرگرمیوں، کلاس رومز کی صفائی اور دیگر بنیادی سہولیات کا جائزہ لیا گیا۔

اسسٹنٹ کمشنر نے اساتذہ کو ہدایت کی کہ طلباء کے تعلیمی معیار پر کوئی سمجھوتہ نہ کیا جائے اور سکول میں نظم و ضبط اور صفائی کو یقینی بنایا جائے۔

کروڑہ بازار میں پرائس چیکنگ:

دورے کے دوران اسسٹنٹ کمشنر نے کروڑہ بازار میں پرائس چیکنگ کی۔ دورانِ چیکنگ ایل پی جی گیس، اشیائے خوردونوش اور سبزیوں کی قیمتوں کا تفصیلی جائزہ لیا گیا اور سرکاری نرخنامہ چیک کیا گیا۔

موقع پر زائد نرخ وصول کرنے اور سرکاری نرخنامہ آویزاں نہ کرنے پر متعدد ایل پی جی ڈیلرز پر بھاری جرمانے عائد کیے گئے جبکہ کئی دکانوں کو موقع پر سیل کر دیا گیا۔

اس موقع پر اسسٹنٹ کمشنر نے کہا کہ ضلعی انتظامیہ شانگلہ کا عزم ہے کہ ناجائز منافع خوری، ذخیرہ اندوزی اور سرکاری نرخنامے کی خلاف ورزی کسی صورت برداشت نہیں کی جائے گی، جبکہ عوامی مفاد کے تحفظ کے لیے بلاامتیاز کارروائیاں جاری رہیں گی۔

22/08/2026

صوبائی حکومت کی خصوصی ہدایات اور ڈپٹی کمشنر شانگلہ کے احکامات کی روشنی میں اسسٹنٹ کمشنر (ریونیو) سید علی وجاہت نے آج بنیادی مرکز صحت (BHU) اولنڈر کا اچانک اور تفصیلی معائنہ کیا۔

اس موقع پر اسسٹنٹ کمشنر نے:
- عملے کی حاضری اور ڈیوٹی روسٹر چیک کیا
- ادویات کے اسٹاک اور اسٹور کا جائزہ لیا
- مرکز صحت میں صفائی ستھرائی اور روزمرہ امور کا معائنہ کیا
- مریضوں سے ملاقات کرکے فراہم کی جانے والی طبی سہولیات کے بارے میں دریافت کیا

اسسٹنٹ کمشنر نے واضح ہدایات جاری کرتے ہوئے کہا کہ عوام کو صحت کی معیاری اور بروقت سہولیات فراہم کرنا حکومت کی اولین ترجیح ہے۔ ڈیوٹی میں غفلت، غیر حاضری اور ادویات میں کسی قسم کی کمی ہرگز برداشت نہیں کی جائے گی، خلاف ورزی کی صورت میں محکمانہ کارروائی عمل میں لائی جائے گی۔

Deputy Commissioner Shangla

22/08/2026

صوبائی حکومت کی خصوصی ہدایات اور ڈپٹی کمشنر شانگلہ کے احکامات کی روشنی میں، اسسٹنٹ کمشنر (ریونیو) نے ہاکاس کمپنی کو ہدایت کی کہ داموڑئی، شاہ پور کے مقام پر شدید طور پر ٹوٹ پھوٹ کا شکار اور ناہموار سڑک کو فوری طور پر صاف کر کے ہموار کیا جائے۔

اسسٹنٹ کمشنر ریوینیو نے خود موقع پر موجود رہے اور سڑک کی صفائی و ہمواری کے کام کی خود نگرانی کی تاکہ کام معیاری اور بروقت مکمل ہو۔

اس اقدام کا مقصد مقامی آبادی کو درپیش مشکلات کا خاتمہ اور آمدورفت کو آسان، رواں اور محفوظ بنانا ہے۔

ضلعی انتظامیہ عوامی فلاح و بہبود کے منصوبوں کی خود نگرانی کر رہی ہے اور عوام کو ہر ممکن ریلیف فراہم کرنا حکومت کی اولین ترجیح ہے۔

Deputy Commissioner Shangla

17/08/2026

پیش رفت رپورٹ: GCF-WFP ICRM پراجیکٹ — ضلع شانگلہ

ضلع شانگلہ میں GCF-WFP ICRM پراجیکٹ کے تحت مسلم ہینڈز کے زیرِ اہتمام "ادارہ جاتی مضبوطی اور جوابدہی کے نظام" کے موضوع پر دو روزہ تربیتی کورس مورخہ 12 تا 13 اگست 2026 منعقد کیا گیا۔ تربیتی کورس کا مقصد ولیج کمیٹیوں (VCs) کی ادارہ جاتی صلاحیت، قیادت، جوابدہی، شفافیت اور تنظیمی نظام کو مزید مضبوط بنانا تھا، تاکہ مضبوط، فعال، جوابدہ اور پائیدار کمیونٹی اداروں کا قیام عمل میں لایا جا سکے۔

تربیتی سیشن میں ایڈیشنل ڈپٹی کمشنر (ریلیف) فدا حسین، اسسٹنٹ کمشنر ریونیو سید علی وجاہت، WFP کے نمائندگان سعید رحمان اور ضیاء، مسلم ہینڈز کے نمائندہ سید علی ہاشمی، ولیج کمیٹیوں، ضلعی انتظامیہ اور لوکل گورنمنٹ کے نمائندگان نے شرکت کی۔

تربیتی سیشن کے دوران شرکاء کو بہتر حکمرانی، شفافیت، جوابدہی، مؤثر قیادت اور مضبوط ادارہ جاتی نظام کے حوالے سے عملی رہنمائی اور تربیت فراہم کی گئی۔ اس کا مقصد ولیج کمیٹیوں کو اس قابل بنانا تھا کہ وہ اپنے علاقوں میں کمیونٹی کی مؤثر شمولیت، شفاف فیصلہ سازی اور موسمیاتی تبدیلی کے اثرات سے نمٹنے کے لیے لچکدار اقدامات میں مؤثر کردار ادا کر سکیں۔

یہ سرگرمی ضلع شانگلہ کے 14 ہدف شدہ دیہات میں مضبوط، شفاف، جوابدہ اور پائیدار کمیونٹی اداروں کے قیام اور کمیونٹی کی قیادت میں موسمیاتی تبدیلی کے حوالے سے لچکدار اقدامات کو فروغ دینے کی جانب ایک اہم پیش رفت ہے۔
Deputy Commissioner Shangla

14/08/2026

🇵🇰 یومِ آزادی پاکستان — 14 اگست 2026

اسسٹنٹ کمشنر ریونیو شانگلہ سید علی وجاہت کی یومِ آزادی کے موقع پر مختلف تقریبات میں شرکت:

یومِ آزادی پاکستان کے موقع پر اسسٹنٹ کمشنر ریونیو شانگلہ سید علی وجاہت نے مختلف تقریبات میں شرکت کی اور قومی جوش و جذبے کے ساتھ جشنِ آزادی منایا۔

1۔ پرچم کشائی اور قومی ترانہ
یومِ آزادی کے موقع پر سکول میں پرچم کشائی کی تقریب منعقد کی گئی جس کے بعد قومی ترانہ پیش کیا گیا۔ اس موقع پر شرکاء نے قومی جذبے اور حب الوطنی کا بھرپور اظہار کیا۔

2۔ گورنمنٹ سینٹینل ماڈل ہائی سکول الپوری میں یومِ آزادی کی تقریب
اسسٹنٹ کمشنر ریونیو شانگلہ نے گورنمنٹ سینٹینل ماڈل ہائی سکول الپوری میں منعقدہ یومِ آزادی کی پروقار تقریب میں شرکت کی۔ تقریب میں مختلف لائن ڈیپارٹمنٹس کے افسران و اہلکاران، پولیس حکام، اساتذہ اور طلباء نے شرکت کی۔

تقریب کے دوران طلباء نے تقاریر، نعت اور ملی نغمے پیش کیے، جبکہ اسسٹنٹ کمشنر ریونیو نے سکول انتظامیہ کی جانب سے تقریب کے بہترین انعقاد کو سراہا۔ اس موقع پر بہترین کارکردگی کا مظاہرہ کرنے والے طلباء میں انعامات بھی تقسیم کیے گئے۔

3۔ سویٹ ہوم میں جشنِ آزادی

اسسٹنٹ کمشنر ریونیو شانگلہ نے سویٹ ہوم میں بھی جشنِ آزادی کی تقریب میں شرکت کی اور کیک کاٹا۔ انہوں نے طلباء کے جذبے، محنت اور کاوشوں کو سراہتے ہوئے ان کے ساتھ یومِ آزادی کی خوشیاں منائیں۔
Deputy Commissioner Shangla

13/08/2026

11/08/2026

مون سون شجرکاری مہم 2026

تحصیل شاہپور میں مون سون شجرکاری مہم 2026 کا باقاعدہ آغاز کر دیا گیا۔ اسسٹنٹ کمشنر ریونیو شانگلہ سید علی وجاہت نے SDFO کروڑہ اور تحصیلدار شاہپور کے ہمراہ پودا لگا کر مہم کا افتتاح کیا۔

اس موقع پر اسسٹنٹ کمشنر ریونیو نے کہا کہ درخت ہماری زندگی، ماحول اور آنے والی نسلوں کا قیمتی سرمایہ ہیں۔ شجرکاری نہ صرف قدرتی ماحول کو خوبصورت بناتی ہے بلکہ موسمیاتی تبدیلی کے اثرات کم کرنے میں بھی اہم کردار ادا کرتی ہے۔

انہوں نے عوام سے اپیل کی کہ مون سون شجرکاری مہم میں بھرپور حصہ لیں، زیادہ سے زیادہ پودے لگائیں اور ان کی حفاظت و نگہداشت کو یقینی بنائیں۔

آئیں! مل کر تحصیل شاہپور کو سرسبز و شاداب بنائیں۔
Deputy Commissioner Shangla

11/08/2026

🇵🇰 یومِ آزادی 14 اگست 2026

تحصیل شاہپور میں یومِ آزادی پاکستان کی تقریبات کی تیاریوں کے حوالے سے اسسٹنٹ کمشنر ریونیو شانگلہ سید علی وجاہت کی زیرِ صدارت اہم اجلاس منعقد ہوا، جس میں ایس پی ہیڈکوارٹر، پولیس حکام، ڈپٹی ڈی ای او، ایس ڈی ای او، نائب تحصیلدار شاہپور اور بازار صدور نے شرکت کی۔

اجلاس میں صفائی ستھرائی، سیکیورٹی، تعلیمی اداروں کی شرکت، بازاروں کی سجاوٹ اور دیگر انتظامات کا جائزہ لیا گیا۔

اسسٹنٹ کمشنر نے تمام متعلقہ اداروں کو ہدایت کی کہ یومِ آزادی کی تقریبات کو شایانِ شان اور قومی جذبے کے ساتھ منعقد کرنے کے لیے تمام ضروری انتظامات بروقت مکمل کیے جائیں۔
Deputy Commissioner Shangla

05/08/2026

ڈپٹی کمشنر شانگلہ محمد عبداللہ شاہ کی خصوصی ہدایات پر اسسٹنٹ کمشنر ریونیو شانگلہ سید علی وجاہت نے کروڑہ بازار کا دورہ کیا۔

دورے کے دوران مختلف دکانوں بشمول تندور اور پیٹرول پمپ کا معائنہ کیا گیا۔ اس موقع پر اشیائے خوردونوش اور سبزیوں کی قیمتوں، تندور دوکانات میں صفائی ستھرائی اور وزن و ریٹ، زائدالمیعاد اشیاء کی دستیابی اور سرکاری نرخ ناموں پر عملدرآمد کا جائزہ لیا گیا۔

معائنے کے دوران متعدد دکانداروں اور نانبائیوں کو سرکاری نرخوں کی خلاف ورزی، ناقص انتظامات اور دیگر بے ضابطگیوں پر موقع پر جرمانے عائد کیے گئے جبکہ انہیں سختی سے ہدایت کی گئی کہ عوام کو معیاری اشیائے ضروریہ مقررہ نرخوں پر فراہم کرنے کی مکمل پابندی کو یقینی بنائیں۔ بصورت دیگر ان کے خلاف مزید سخت قانونی کارروائی عمل میں لائی جائے گی۔

Deputy Commissioner Shangla

04/08/2026

Deputy Commissioner Shangla