06/09/2026
کبھی کبھی یہ خیال دل میں آتا ہے کہ نبی کریم ﷺ اُن لوگوں کی بھی فکر کرتے تھے جن سے آپ ﷺ کبھی ملنے والے نہیں تھے... اور کسی طرح، ہم بھی اُنہی لوگوں میں شامل ہیں۔ صدیوں بعد، میں یہاں بیٹھا اُس ہستی سے محبت کر رہا ہوں جن کا دل اپنی اُمت کو اپنی حیاتِ مبارکہ سے کہیں آگے تک کے امتیوں کیلئے فکر مند تھا۔
پھر جب میں طائف کے بارے میں پڑھتا ہوں تو بس دل میں یہی آتا ہے... آخر کوئی اُن سے محبت کیے بغیر کیسے رہ سکتا ہے؟ لوگوں نے انہیں ٹھکرایا، انہیں تکلیف دی، ان کا خون بہایا، لیکن اس کے باوجود انہوں ﷺ نے بدلے کے بجائے رحمت کو اختیار کیا۔
ذرا تصور کریں، انسان اُن لوگوں کی طرف سے زخمی ہو جن کے لیے اس نے خیر چاہی ہو، اور پھر بھی یہ امید رکھے کہ اللہ انہی لوگوں اور ان کی اولاد کے ذریعے خیر پیدا فرمائے گا۔
میں نے کبھی اُن کی آواز نہیں سنی، اُن کی مسکراہٹ نہیں دیکھی، اُن کے ساتھ چلنے کا موقع نہیں ملا... پھر بھی صرف پیارے نبی حضرت محمد ﷺ کا نام لینا میرے دل کو ایک عجیب سا سکون دیتا ہے۔ مجھے نہیں معلوم کہ اس طرح کی محبت کو الفاظ میں کیسے بیان کیا جائے۔
جتنا میں اُن کے بارے میں سیکھتا ہوں، اتنا ہی سمجھ آتا ہے کہ اللہ تعالیٰ نے
