08/03/2026
📍امیر جماعتِ اسلامی ضلع اٹک سردار امجد علی خان نے پٹرولیم مصنوعات کی قیمتوں میں 55 روپے فی لیٹر اضافے کو مسترد کرتے ہوئے کہا ہے کہ جنگ مشرقِ وسطیٰ میں لڑی جا رہی ہے مگر مہنگائی کا بم پاکستانی عوام پر گرا دیا گیا ہے، انہوں نے کہا کہ پہلے ہی مہنگائی کے بوجھ تلے دبے عوام پر پٹرولیم مصنوعات کی قیمتوں میں یہ بھاری اضافہ کسی نئے عذاب سے کم نہیں، حکومت واضح کرے کہ کیا اس کا کام صرف مہنگائی میں اضافہ کرنا ہے یا حالات کو سنبھالنا بھی اس کی ذمہ داری ہے، انہوں نے مطالبہ کیا کہ حکومت فوری طور پر اپنے غیر ضروری اخراجات اور اللے تللے ختم کرے اور خصوصاً رمضان المبارک کے مقدس مہینے میں عوام کو ریلیف فراہم کرنے کے لیے عملی اقدامات کرے تاکہ پہلے سے معاشی دباؤ کا شکار عوام کو کچھ سہارا مل سکے۔
#اٹک
