JKLF Media Dhirkot

04/09/2021

جموں کشمیر لبریشن فرنٹ ٹاؤن یونٹ کے زیر اہتمام دھیرکوٹ ریسٹ ہاؤس میں پہلی تربیتی نشست کی تصویری جھلکیاں۔
جموں کشمیر لبریشن فرنٹ کے سلوگن آذادی، انقلاب مساوات
اور انقلابی کارکن کی اخلاقی، سیاسی، معاشرتی ذمہ داریوں پر سیر حاصل گفتگو کی گئی
تربیتی نشست سے JKLF کے تحصیل صدر ذیشان کاشر اور سابق چیئرمین ایس ایل ایف راجہ غلام مجتبیٰ نے خطاب کیا جبکہ نظامت کے فرائض شہباز کشمیری نے سر انجام دیے۔

02/09/2021

جموں کشمیر لبریشن فرنٹ تحصیل دھیرکوٹ اور اس کی ذیلی تنظیمات ٹاؤن یونٹ، ارجہ یونٹ اور سٹی یونٹ کیطرف سے سٹی یونٹ راولاکوٹ کے نو منتخب صدر ثاقب اسلم، جنرل سیکرٹری عبداللہ نسیم، آرگنائزر مصطفی ذمان، پبلسٹی سیکرٹری وسیم نثار کو ان کے عہدے سنبھالنے پر مبارکباد پیش کرتے ہیں۔ اور اس امید کا اظہار کرتے ہیں کہ نو منتخب عہدیداران جموں کشمیر لبریشن فرنٹ کو ریاست جموں کشمیر کے عوام کی حقیقی انقلابی تنظیم بنانے میں اپنا بھرپور کردار ادا کریں گے۔
سیکرٹری نشرواشاعت JKLF تحصیل دھیرکوٹ

29/08/2021

13/02/2021

جموں کشمیر لبریشن فرنٹ و سٹوڈنٹس لبریشن فرنٹ دھیرکوٹ کے زیر اہتمام منعقدہ تاریخ ساز ریلی کی ویڈیو۔۔
ریلی کی قیادت SLF کے سابق چیئرمین و سابق زونل آرگنائزر JKLF راجہ غلام مجتبیٰ، بزرگ رہنما JKLF اشفاق باغی، راجہ نور خان، ایس ایل ایف کے سابق سیکرٹری جنرل راجہ ذیشان کاشر، طیب عباسی، SLF کے متحرک نوجوان رہنما راجہ شہباز کشمیری، راجہ حماد سجاد، JKLF کے راجہ جنید، ذیشان حمید، عاطف حنیف، ندیم عباسی اور دیگر کر رہے تھے۔

12/02/2021

12 فروری۔۔۔ ارجہ کی تاریخ کا تاریخی پروگرام۔

11/02/2021

دھیرکوٹ: جموں کشمیر لبریشن فرنٹ و سٹوڈنٹس لبریشن فرنٹ کے زیر اہتمام مقبول بٹ شہیدؒ و شہدائے چکوٹھی کے ایام شہادت کی مناسبت سے وحدت جموں کشمیر ریلی و عزم جدوجہد جلسہ عام کا انعقاد۔ ریلی کی قیادت ایس ایل ایف کے سابق چیئرمین وسابق زونل آرگنائزر راجہ غلام مجتبیٰ، لبریشن فرنٹ کے بزرگ رہنما اشفاق باغی، راجہ نورخان، ایس ایل ایف کے سابق سیکرٹری جنرل ذیشان کاشر،JKLFارجہ یونٹ کے صدر راجہ ذیشان حمید، لبریشن فرنٹ کے رہنما عاطف حنیف، طیب عباسی، سردار ندیم عباسی،راجہ جنید افسر، سجاد الیاس، ایس ایل ایف کے رہنما راجہ شہباز، حماد سجاد، راجہ عمیر اور دیگر کر رہے تھے۔ شرکائے ریلی نے خودمختار جموں کشمیر کے حق میں اور غیر ملکی تسلط کے خلاف فلک شگاف نعرے بازی کی۔ پوسٹ گریجوایٹ کالج دھیرکوٹ سے شروع ہونے والی ریلی جوں ہی فاضلیہ چوک میں پہنچی تو دھیرکوٹ بازار کے تاجران نے شٹر ڈاؤن کر کے ریلی کا بھرپور استقبال کیا۔ ریلی نے شہر بھر کا چکر لگا کر مقبول بٹ شہیدؒ چوک میں جلسہ عام کی شکل اختیار کر لی۔ جلسہ عام کی صدارت بزرگ رہنما اشفاق باغی نے کی جبکہ مہمان خصوصی ایس ایل ایف کے سابق چیئرمین و سابق زونل آرگنائزر JKLFراجہ غلام مجتبیٰ تھے۔ تقریب کی نظامت کے فرائض ایس ایل ایف کے سابق سیکرٹری جنرل ذیشان کاشر نے ادا کئے۔ جلسہ عام سے خطاب کرتے ہوئے مقررین نے مقبول بٹ شہیدؒ و شہدائے چکوٹھی کو زبردست الفاظ میں خراج عقیدت و تحسین پیش کیا۔ مقررین نے کہا کہ مقبول بٹ شہید ؒ نے مادر وطن کی آزادی کی جدوجہد کی بنیاد اپنی قربانی سے رکھ کر ریاست جموں کشمیر کے عوام ہی نہیں بلکہ پوری دنیا کے محکوم انسانوں کو یہ پیغام دیا ہے قوموں کی آزادی کے حصول کی جدوجہد میں تختہ دار کو چوم لینا سعادت مندی کی علامت ہے۔ مقررین نے کہا کہ موجودہ وقت اور حالات اس بات کے متقاضی ہیں کہ جموں کشمیر کے عوام اپنے بنیادی انسانی حق، حق خودارادیت کے حصول کیلئے مقبول بٹ شہیدؒ اور شہدائے چکوٹھی کے متعین کردہ اصولوں پر گامزن ہو کر اپنی جدوجہد کو منظم کریں۔ مقررین نے کہا کہ غاصب قوتوں نے مقبول بٹ کو شہید کیا، پھر 1992ء میں چکوٹھی کے مقام پر منحوس خونی لکیر روندنے کی کوشش میں مصروف عمل درجن کے قریب لوگوں کو شہید کیا لیکن نہ جدوجہد میں کوئی کمی آئی نہ ہی انقلابیوں کے پایہ استقلال میں کوئی لغزش۔ انہوں نے کہا کہ آج کے دن ہم مقبول بٹ شہیدؒ اور شہدائے چکوٹھی کو خراج عقیدت و تحسین پیش کرتے ہوئے اس عزم کا اعادہ کرتے ہیں کہ مادر وطن جموں کشمیر کی بکھری وحدت کو یکجا کر کے اسے ایک آزاد، خودمختار، باوقار و خوشحال مملکت کا درجہ دلانے تک جدوجہد کے اس عمل کو جاری و ساری رکھیں گے۔
مقررین نے پاکستانی زیر انتظام جموں کشمیر کی حکومت کی طرف سے 11فروری کو عام تعطیل کا اعلان کرنے کے عمل کا خیر مقدم کرتے ہوئے اسے مقبول بٹ شہیدؒ کے نظریات کی فتح قرار دیا۔ رہنماؤں نے کہا کہ پاکستانی زیر انتظام جموں کشمیر و گلگت بلتستان کو باہم ملا کر دو صوبوں پر مشتمل کشمیری عوام کی نمائندہ، انقلابی، جمہوری آئین ساز اسمبلی کا قیام وقت کی اہم ضرورت ہے۔ انہوں نے کہا کہ پاکستانی زیر انتظام جموں کشمیر کے وزیر اعظم اگر اس سلسلہ میں کوئی عملی قدم اٹھاتے ہیں تو ہم ان کا ساتھ دینے کیلئے تیار ہیں۔

09/02/2021

باغ ریڑہ ڈگری کالج میں جموں کشمیر سٹوڈنٹس لبریشن فرنٹ کی یونٹ سازی مکمل. نو منتخب عہدیداران سے ضلعی صدر سجاد جنت نے حلف لیا۔ اس تقریب کے مہمان خصوصی سیکرٹری جنرل JKLF سردار محمد شعیب خان تھے جنہوں نے طلباء سے اپنے خطاب میں تحریک آزادی جموں کشمیر کی موجودہ صورتحال پر تفصیلی روشنی ڈالتے ہوئے ایس ایل ایف کے کردار کی وضاحت کی۔

09/02/2021

مقبول بٹ شہید و شہدائے چکوٹھی کی برسی کے سلسلے میں دھیرکوٹ میں JKLF اور SLF کی تیاریاں جاری.
پروگرام کے شیڈول کا اعلان کر دیا گیا
10 فروری۔۔۔۔۔ شام 6 بجے دھیرکوٹ بازار میں مشعل بردار ریلی نکالی جائے گی۔ جو فاضلیہ چوک سے شروع ہو کر پورے بازار کا چکر لگاتے ہوئے مقبول بٹ شہید چوک میں اختتام پذیر ہو گی۔
11_فروری۔۔۔۔۔۔ صبح 11:30 پر وحدت جموں کشمیر ریلی الشفاء ہسپتال چوک سے شروع کی جائے گی جو پورے بازار کا چکر لگا کر 12 بجے مقبول بٹ شہید چوک میں پہنچے گی اور مقبول بٹ شہید چوک پر ٹھیک 12 بجے جلسہ عام منعقد ہو گا
11 فروری ۔۔۔۔۔ شہداء کے ایصال ثواب کیلئے دعائیہ تقریب کا انعقاد 1:30 بجے سہہ پہر ہو گا۔ جس کے بعد لنگر تقسیم کیا جائے گا۔