Government H/S Chak No.109/DB Tehsil Yazman District Bahawalpur

28/05/2026

🇵🇰 یومِ تکبیر مبارک | 28 مئی 🇵🇰

آج کا دن پاکستان کے ناقابلِ تسخیر دفاع اور قومی خودداری کی علامت ہے۔ 28 مئی 1998 کو ہمارا ملک دنیا کی پہلی اسلامی ایٹمی قوت بنا۔

ہمارا عزم:
آئیے آج کے دن عہد کریں کہ ایٹمی صلاحیت کی طرح ہم اپنے طلبہ کو علم، تحقیق اور ٹیکنالوجی کے میدان میں بھی دنیا بھر میں سرفہرست بنائیں گے۔ کیونکہ قلم اور کتاب ہی کسی قوم کے مستقل دفاع کی اصل ضامن ہیں۔

پاکستان زندہ باد! 💚

28/05/2026

السلام علیکم ،صبح بخیر ،بہاول پور !!
اللہ رب العزت تمام امتِ مسلمہ کی قربانیوں اور عبادات کو اپنی بارگاہ میں قبول و منظور فرمائے۔ سنتِ ابراہیمی کے ہر بال اور ہر قطرے کے بدلے آپ کے نامہ اعمال میں بے شمار نیکیاں اور رحمتیں لکھ دے۔ آمین۔

23/05/2026

18/05/2026

کافی لوگ کمنٹ کر رہے کہ بچے نائنتھ، ٹینتھ تک پہنچ گئے ہیں لیکن انہیں ابھی تک صحیح ریڈنگ اور رائٹنگ نہیں آتی۔
یہ بات حیران کن ہے اور سوچنے والی بھی کہ اتنے سال اسکول آنے کے باوجود اگر بچہ بنیادی چیزیں ہی نہ سیکھ سکے تو پھر کہیں نہ کہیں کمزوری استاد کی بھی ہے۔

سلیبس اپنی جگہ اہم ہے، لیکن ایک ایسا بچہ جو الفاظ جوڑ نہیں سکتا، جملہ پڑھ نہیں سکتا یا بنیادی لکھائی نہیں جانتا، اسے صرف کلاس کے ساتھ زبردستی چلانے سے مسئلہ حل نہیں ہوگا۔
ہم اکثر بچے کو کورس کے ساتھ گھسیٹتے رہتے ہیں جبکہ وہ اندر سے بیسک لیول پر ہی کھڑا ہوتا ہے۔

میری نظر میں جس بھی کلاس میں ایسا بچہ ہو — چاہے ون میں ہو، فائیو میں یا نائنتھ میں — سب سے پہلے اس کی بنیاد مضبوط کرنے کی ضرورت ہے۔
ایسے بچوں کا ایک الگ گروپ بنائیں۔
اردو میں حروف، دو حرفی، تین حرفی الفاظ، جوڑ توڑ اور مشکل الفاظ کی ریڈنگ سے آغاز کریں۔
انگلش میں الفابیٹس، فونکس، ساؤنڈز، CVC words اور blending پر کام کریں۔

اچھی بات یہ ہو گی کہ اگر بچہ عمر میں بڑا ہو تو وہ چھوٹے بچوں کی نسبت یہ چیزیں بہت جلد سیکھ لے گا
بس ضرورت اس بات کی ہے کہ کوئی اسے وقت دے، توجہ دے اور بنیاد سے پکڑے۔

یہ کام یقیناً اساتذہ کے لیے آسان نہیں، بلکہ کافی مشکل ہے۔
لیکن اگر ہم چند منٹ روز ایسے بچوں کو دے دیں تو شاید بچہ واقعی کچھ سیکھ جائے۔
(کچھ توجہ والدین بھی کر لیں)
باقی کلاس کو سلیبس کے مطابق پڑھاتے رہیے، مگر ان بچوں کو بھی نظر انداز نہ کیجیے جو ابھی لرننگ کے بنیادی مرحلے میں ہیں۔

کیونکہ صرف سلیبس مکمل کرا دینا تعلیم نہیں۔
اگر بچہ پورا سال اسکول آنے کے باوجود بنیادی ریڈنگ اور رائٹنگ بھی نہ سیکھ سکے تو ہمیں خود سے سوال کرنا چاہیے کہ آخر ہم نے بچے کو سکھایا کیا؟

اور سب سے بڑی بات کہ آخر ایک بچہ نائنتھ یا ٹینتھ تک پہنچ کیسے گیا جبکہ وہ بنیادی ریڈنگ اور رائٹنگ بھی نہیں سیکھ سکا؟
کیا اتنے سالوں میں اسے ایک بھی ایسا استاد نہیں ملا جو سلیبس سے ہٹ کر اس کی بنیاد مضبوط کرنے کی کوشش کرتا؟

17/05/2026

ذی الحج کا چاند نظر آگیا ہے ، کل بروز پیر پاکستان میں یکم ذی الحج ہوگی اور عید الاضحیٰ بدھ 27 مئی کو ہوگی۔
چیئرمین مرکزی رویت ہلال کمیٹی کا اعلان ۔

16/05/2026

Strongly agreed with it.

09/05/2026

سوچ کو بدلیں گے تو بات بنے گی