05/10/2026
باجوڑ پولیس۔
مورخہ۔ 05 اکتوبر 2026
*باجوڑ. تھانہ خار پولیس کی کارروائی۔ اندھے قتل کیس میں مرکزی ملزم گرفتار، مزید دو شریک ملزمان کی گرفتاری کیلئے کارروائیاں جاری۔*
باجوڑ. تھانہ خار کی حدود میں 15 ستمبر کو پیش آنے والے اندھے قتل کا واقعہ جسمیں ایک سابقہ پولیس اہلکار مسمی غلام جان کو کسی نامعلوم ملزمان نے قتل کیا تھا، میں اہم پیش رفت کرتے ہوئے مرکزی ملزم بہادر خان کو گرفتار کرلیا۔
تفصیلات کے مطابق ڈسٹرکٹ پولیس آفیسر باجوڑ خان زیب مہمند نے واقعہ کا سختی سے نوٹس لیتے ہوئے ملزمان کی گرفتاری کیلئے ایس پی انوسٹیگیشن باجوڑ اجمل خان کی قیادت میں خصوصی انوسٹیگیشن ٹیم تشکیل دی تھی، جس میں سرکل ڈی ایس پی سعید الرحمن، ایس ایچ او تھانہ خار گل زادہ اور OII اسلام الدین سمیت دیگر اہلکار شامل تھے، نے کامیاب تفتیشی کارروائی کے دوران اندھے قتل میں ملوث ملزمان تک رسائی حاصل کی اور آج مرکزی ملزم بہادر خان کو باقاعدہ گرفتار کرلیا۔ ٹیم نے مسلسل محنت، پیشہ ورانہ تفتیش اور جدید تکنیکی ذرائع کی مدد سے مرکزی ملزم تک رسائی حاصل کی۔
انوسٹیگیشن ٹیم کے مطابق گرفتار ملزم کی نشاندہی پر قتل میں ملوث مزید دو شریک ملزمان کی بھی شناخت ہوگئی ہے، جن کی گرفتاری کیلئے چھاپہ مار کارروائیاں جاری ہیں۔
ابتدائی تفتیش کے مطابق واقعے کی وجہ عناد فریقین کے درمیان قرض کے لین دین کا تنازعہ سامنے آیا ہے۔
باجوڑ پولیس کا عزم ہے کہ جرائم میں ملوث عناصر کو قانون کے کٹہرے میں لایا جائے گا اور کسی بھی شہری کے جان و مال کے تحفظ پر کوئی سمجھوتہ نہیں کیا جائے گا۔
ترجمان باجوڑ پولیس
