04/09/2024
سول سوسائٹی مظفرآباد کے وفد کا عباس انسٹیٹیوٹ آف میڈیکل سائنسز (AIMS) ہسپتال کا دورہ۔
وفد کی قیادت صدر سول سوسائٹی مظفرآباد راجہ آفتاب صدیق ایڈوکیٹ نے کی جبکہ وفد میں شیخ نذیر احمد (ریٹائرڈ اسسٹنٹ رجسٹرار عدالت العالیہ و نائب صدر مرکزی سیرت کمیٹی مظفرآباد)، سیاسی و سماجی رہنما شاہد زرگر، عبدالواجد خان معروف صحافی و ایڈیٹر روزنامہ خبرنامہ، سید شبیر حسین شاہ (صحافی و نمائندہ جموں کشمیر ٹائمز )، شیخ سہیل صدیق سپوکس پرسن سول سوسائٹی مظفرآباد ، سماجی ورکر زاہد بشیر، جواد کیانی، احسن ایوب اعوان، شیخ منیر احمد، زبیر صدیق ایڈووکیٹ، اور خاتون صحافی و کمپئیر اے جے کے ریڈیو صائمہ اشرف کے علاوہ سٹوڈنٹ رہنما و سپوکس پرسن سول سوسائٹی مظفرآباد سکندر حبیب میر، شامل تھے
دورہ کے دوران ایگزیکٹیو ڈائریکٹر ایمز ڈاکٹر ممتاز صاحب نے ہسپتال کی کارکردگی کے ستھ ساتھب ہسپتال میں مریضوں کو دی جانی والی سہولیات پر پریزنٹیشن دی۔
پریزنٹیشن میں ہسپتال میں جاری ترقیاتی منصوبہ جات کے حوالہ سے بھی بریفنگ دی گئی۔
بریفنگ کے بعد وفد نے ہسپتال کی مختلف وارڈز کا اچانک وزٹ کیا اور صفائی ستھرائی کے ساتھ ساتھ علاج معالجہ کی سہولیات کو بھی دیکھا گیا نیز مریضوں سے ان کے تاثرات بھی معلوم کیے گئے۔
دوران میٹنگ و بریفنگ ایگزیکٹیو ڈائریکٹر ایمز نے بتایا کہ فنڈ کی انتہائی قلت کے باوجود ہسپتال کی ایمرجنسی میں کسی بھی قسم کی کوئی فیس وصول نہیں کی جاتی بلکہ ابتدائی طبعی امداد مکمل فری دی جاتی ہے اور اگر کوئی مریض ایڈمٹ ہو تو اسے وارڈ میں ریفر کرتے وقت ہسپتال کی جانب سے کینولہ اور 5 سے 6 سرنجز ہم اپنی طرف سے فری دے رہے ہیں۔ بریفنگ میں بتایا گیا کہ انتہائی معمولی فیس پر 24 گھنٹے ایمز لیبارٹری مریضوں کے ٹیسٹوں کے لیے کھلی رہتی ہے۔
ہسپتال میں دن (24گھنٹوں)میں 5 سے 6 بار صفائی کی جا رہی ہے۔ صاف ستھرے واش رومز مریضوں کے لیے دستیاب ہیں۔
ڈاکڑ ممتاز کا کہنا تھا کہ میں 24 میں سے کم از کم 16 گھنٹے یہاں ہسپتال میں موجود ہوتا ہوں اور تمام معاملات کی خود نگرانی کر رہا ہوں۔
دوران وزٹ وفد سول سوسائٹی نے نفرالوجی, پیڈز سرجری، سٹروک کی وارڈز کا وزٹ کیا۔
نوٹ : اس وزٹ کے دوران یہ چیز دیکھنے میں آئی کہ واقعی صفائی کا انتظام بہت بہترین ہو چکا ہے اور سسٹم میں بھی پازیٹیو تبدیلی آ رہی ہے بقول مریضوں و لواحقین کے عملہ بااخلاق اور کوآپریٹیو ہے ایگزیکٹیو ڈائریکٹر سمیت جملہ سپیشلسٹس تک رسائی با آسانی ہو رہی ہے۔
دوران میٹنگ وفد کی جانب سے کیے جانے والے اعتراضات اور سوالات کا بڑی خندہ پیشانی سے جواب دے کر وفد کو مطمئین کیا گیا۔۔
سول سوسائٹی مظفرآباد اس ایمز وزٹ کے بعد اس نتیجہ پر پہنچی کہ بہترین حکمت عملی اور بہتر مینجمنٹ کی بدولت ہسپتال میں سسٹم بہتر ہو رہا ہے اور کام اور علاج کا معیار بمعہ اخلاق عملہ بدریج پہلے سے بہتر ہو چکا ہے جو کہ ایک بہترین اور خوش آئند بات ہے۔
سول سوسائٹی وزیراعظم آزاد کشمیر اور وزیر صحت سے یہ بھرپور مطالبہ کرتی ہے کہ ایمز میں ادوایات کی مد میں بجٹ کا اضافہ کیا جائے ،سٹاف کی قلت کو پورا کرنے کے ساتھ ساتھ او پی ڈیز کے لیے فوری عمارت کا کام شروع کیا جائے تاکہ عوام کو علاج معالجہ کی سہولت با آسانی دستیاب ہو۔
