District Public Prosecutor Buner

14/08/2026

ڈسٹرکٹ پبلک پراسیکیوٹر آفس بونیر میں 14 اگست 2026
79 واں یوم آزادی پاکستان جوش و خروش سے منایا گیا۔

پرچم کشائی اور کیک کاٹنے کی تقریب میں
محترم ڈسٹرکٹ پبلک پراسیکیوٹر صاحب سمیت
آفس کے تمام افسران اور اہلکاروں نے شرکت کی۔

ملک کی سلامتی اور ترقی کے لیے دعا کی گئی۔

پاکستان پائندہ باد 💚

05/08/2026

ڈسٹرکٹ پبلک پراسیکیوٹربونیر جناب امجد خان صاحب کی زیرِ قیادت دفتر ڈسٹرکٹ پبلک پراسیکیوٹر بونیر میں5 اگست "کشمیر استحصال" کے حوالے سے ایک خصوصی تقریب کا انعقاد کیا گیا۔

تقریب میں پراسیکیوشن کے افسران اور سٹاف نے شرکت کی۔ شرکاء نے کشمیری عوام کے ساتھ مکمل یکجہتی کا اظہار کیا اور بھارتی مظالم کی شدید مذمت کی۔

ڈسٹرکٹ پبلک پراسیکیوٹربونیر جناب امجد خان صاحب نے کہا کہ پاکستان کشمیری عوام کے حقِ خودارادیت کی جدوجہد میں ہمیشہ ان کے ساتھ کھڑا ہے۔

آخر میں کشمیری شہداء کے لیے فاتحہ خوانی اور ملک و قوم کی سلامتی کے لیے خصوصی دعا بھی کی گئی۔

01/08/2026

ڈائریکٹوریٹ آف پراسیکیوشن، خیبر پختونخواہ
مبارکباد پیغامِ
ڈائریکٹوریٹ آف پراسیکیوشن، خیبر پختونخواہ کی جانب سے 31 جولائی 2026 کو منعقدہ صوبائی سلیکشن بورڈ (PSB) کے تحت اسسٹنٹ پبلک پراسیکیوٹرز (بی پی ایس-17) کی ڈپٹی پبلک پراسیکیوٹرز (بی پی ایس-18) کے عہدوں پر ترقی پانے والے تمام افسران کو دلی مبارکباد پیش کی جاتی ہے۔
یہ ترقی پیشہ ورانہ قابلیت، دیانت داری، محنت اور محکمۂ پراسیکیوشن کے لیے خدمات کا اعتراف ہے۔ ادارہ ہذاکو یقین ہے کہ ترقی پا نے والےا فسران اپنی نئی ذمہ داریوں کو آئین و قانون کی بالادستی، انصاف کی مؤثر فراہمی، غیر جانبداری اور اعلیٰ پیشہ ورانہ معیار کے مطابق انجام دیتے ہوئے محکمۂ پراسیکیوشن کی کارکردگی اور ساکھ کو مزید مستحکم کریں گے۔
ڈائریکٹوریٹ آف پراسیکیوشن، خیبر پختونخواہ آپ کے آئندہ پیشہ ورانہ کامیابیوں کے لیے نیک تمناؤں کا اظہار کرتا ہے۔
محمد رفیق خان مہمند
ڈائریکٹر جنرل پراسیکیوشن
خیبر پختونخواہ

31/07/2026

ڈسٹرکٹ پبلک پراسیکیوٹربونیر جناب امجد خان صاحب اور ایس پی انوسٹیگیشن بونیر جناب فاروق زمان خان کی زیرِ صدارت پولیس اور پراسیکیوشن کے افسران کا ایک اہم اجلاس منعقد ہوا۔

اس موقع پر تمام تھانہ جات کے ایس ایچ اوز اور تفتیشی افسران بھی موجود تھے۔
ڈپٹی پبلک پراسیکیوٹر مجیب الرحمان صاحب نے انسدادِ ریپ ایکٹ Anti-Rape Act 2021 کے تحت مقدمات کی تفتیش، شواہد کے تحفظ اور جلد سماعت کے طریقہ کار پر بریفنگ دی- اسسٹنٹ پبلک پراسیکیوٹر چنگیز خان صاحب نے منشیات کے مقدمات Narcotics Cases میں تفتیشی خامیاں دور کرنے اور سزاؤں میں اضافے کے قانونی پہلوؤں پر روشنی ڈالی- اسسٹنٹ پبلک پراسیکیوٹر عمران صاحب نے نابالغ انصاف کے نظام Juvenile Justice System Act کے تحت نابالغ ملزمان سے متعلق پولیس کی ذمہ داریوں اور عدالتی کارروائی کے بارے میں آگاہ کیا

اجلاس میں مقدمات کی جلد یکسوئی، تفتیش اور پراسیکیوشن میں بہتر کوآرڈینیشن اور قانون کی حکمرانی کو یقینی بنانے پر اتفاق کیا گیا۔

تمام افسران نے عوام کو فوری انصاف کی فراہمی کے عزم کا اعادہ کیا۔

30/07/2026

ضلع بونیر میں امن و امان کی صورتحال اور زیرِ تفتیش مقدمات کی جلد تکمیل کے حوالے سےڈسٹرکٹ پبلک پراسیکیوٹر بونیر جناب امجد خان صاحب اور ڈسٹرکٹ پولیس آفیسر بونیر جناب محمد عتیق شاہ صاحب کے درمیان ایک اہم ملاقات منعقد ہوئی۔
اس موقع پر پراسیکیوش کے دیگر افسران بھی موجود تھے ۔

ملاقات میں پولیس اور پراسیکیوشن کے درمیان رابطہ کو مزید مؤثر بنانے، مال خانہ کے ریکارڈ اور کیس پراپرٹی کی جانچ پڑتال، زیرِ التوا مقدمات کی جلد سماعت ، تفتیشی افسران کو قانونی رہنمائی کی فراہمی اور جرائم کے خاتمے کے حوالے سے تفصیلی تبادلہ خیال کیا گیا۔

دونوں افسران نے قانون کی حکمرانی قائم رکھنے اور عوام کو بہتر انصاف دینے کے عزم کا اعادہ کیا۔

28/07/2026

22/07/2026

ڈائریکٹوریٹ آف پراسیکیوشن، خیبر پختونخواہ
21 جولائی 2026
ڈائریکٹوریٹ آف پراسیکیوشن، خیبر پختونخواہ کے زیرِ اہتمام 21 جولائی 2026 کو پشاور، مردان، بنوں اور ملاکنڈ ڈویژنز کی پراسیکیوشن کارکردگی کا جائزہ لینے کے لیے ایک اعلیٰ سطحی اجلاس منعقد ہوا۔
اجلاس میں جناب طارق سعید، اسپیشل اسسٹنٹ/ایڈوائزر برائے وزیراعلیٰ خیبر پختونخواہ اور جناب اکرام اللہ خان، ایڈیشنل چیف سیکرٹری، محکمہ داخلہ و قبائلی امور، حکومت خیبر پختونخوا نے شرکت کی۔
اجلاس کی صدارت ڈائریکٹر جنرل پراسیکیوشن، جناب محمد رفیق خان مہمند نے کی، جبکہ متعلقہ ریجنل ڈائریکٹرز پراسیکیوشن، ضلعی پبلک پراسیکیوٹرز اور دیگر متعلقہ افسران بھی اجلاس میں شریک ہوئے۔
اجلاس میں سال 2026 کے پہلے چھ ماہ کے دوران پشاور، مردان، بنوں اور ملاکنڈ ڈویژنز کی پراسیکیوشن کارکردگی کا تفصیلی جائزہ لیا گیا۔
ڈائریکٹر جنرل پراسیکیوشن اور ریجنل ڈائریکٹرز نے جامع پریزنٹیشنز پیش کیں، جن میں:
-فوجداری مقدمات کی جانچ پڑتال
-ابتدائی قانونی رائے
-مقدمات کے فیصلے
-سزاؤں اور بریت کی شرح
-مقدمات کے اخراج
-اپیلوں کی پیش رفت
-ضلعی سطح کی کارکردگی
-درپیش چیلنجز
-پراسیکیوشن نظام کو مزید مؤثر اور فعال بنانے کے لیے کیے گئے اقدامات
اجلاس میں چالان مقررہ قانونی مدت کے اندر عدالتوں میں جمع کرانے کی اہمیت پر خصوصی زور دیا گیا تاکہ فوجداری مقدمات، بالخصوص زیرِ حراست ملزمان سے متعلق مقدمات، بروقت نمٹائے جا سکیں اور انصاف کی مؤثر و بروقت فراہمی کو یقینی بنایا جا سکے۔
ضلعی پبلک پراسیکیوٹرز نے اپنی کارکردگی، درپیش انتظامی و قانونی چیلنجز اور پراسیکیوشن نظام کو مزید مؤثر بنانے کے حوالے سے تجاویز پیش کیں۔
اجلاس میں تحقیقاتی اداروں کے ساتھ مؤثر رابطہ، شواہد کے معیار کو بہتر بنانے، افرادی قوت، بنیادی سہولیات اور مقدمات کے مؤثر انتظام سے متعلق امور پر بھی تفصیلی غور و خوض کیا گیا۔
ہدایات
اجلاس کے اختتام پر جناب طارق سعید، اسپیشل اسسٹنٹ/ایڈوائزر برائے وزیراعلیٰ خیبر پختونخوا اور جناب اکرام اللہ خان، ایڈیشنل چیف سیکرٹری، محکمہ داخلہ و قبائلی امور، حکومت خیبر پختونخوا نے پراسیکیوشن افسران کی کارکردگی کو سراہتے ہوئے ہدایت کی کہ وہ اپنی سرکاری ذمہ داریوں کی انجام دہی میں اعلیٰ پیشہ ورانہ صلاحیت، دیانت داری، غیر جانبداری، مکمل لگن (Dedication) اور ذاتی دلچسپی کا مظاہرہ کریں۔
انہوں نے بالخصوص منشیات (Narcotics) سے متعلق مقدمات کی مؤثر، بروقت اور میرٹ پر پیروی کو یقینی بنانے پر زور دیتے ہوئے کہا کہ منشیات ایک سنگین سماجی ناسور ہے جو معاشرے، بالخصوص نوجوان نسل کے مستقبل کے لیے ایک بڑا خطرہ ہے۔ انہوں نے ہدایت کی کہ پراسیکیوشن افسران منشیات کے مقدمات کی مضبوط قانونی تیاری، مؤثر عدالتی پیروی اور تحقیقاتی اداروں کے ساتھ قریبی رابطے کے ذریعے مجرمان کو قانون کے مطابق سزا دلانے کے لیے اپنی تمام تر پیشہ ورانہ صلاحیتیں بروئے کار لائیں، تاکہ حکومت خیبر پختونخوا کے منشیات سے پاک معاشرے کے وژن کو عملی جامہ پہنایا جا سکے اور معاشرے کو اس ناسور سے نجات دلانے میں پراسیکیوشن اپنا مؤثر اور فعال کردار ادا کرے۔
ڈائریکٹوریٹ آف پراسیکیوشن، خیبر پختونخواہ
"قانون کی حکمرانی، بروقت انصاف اور عوامی اعتماد کے فروغ کے لیے پُرعزم"



See less

18/07/2026

ڈائریکٹر جنرل پراسیکیوشن خیبرپختونخواجناب محمد رفیق صاحب کی ہدایات اور ڈسٹرکٹ پبلک پراسیکیوٹر بونیر جناب امجد خان کی نگرانی میں ڈپٹی پبلک پراسیکیوٹر جناب محمد اللہ صاحب کی مؤثر پیروی اور تفتیشی افسر کی بہترین تفتیش کے نتیجے میں ڈسٹرکٹ سیشن جج بونیر کی عدالت نے مقدمہ سرکار بنام سرتاج (FIR نمبر 111، مورخہ 26.3.2024، دفعات 302 PPC اور 15AA، تھانہ سٹی سواڑی) میں تفصیلی سماعت کے بعد جرم ثابت ہونے پر ملزم کو سزائے موت کا حکم جاری کیا۔ملزم کی سزا انصاف کی جیت ہے اس طرح انصاف کی فراہمی کے لیے پراسیکیوشن کی یہ کاوشیں جاری رہیں گی۔ ڈی پی پی بونیر

16/07/2026

ڈائریکٹر جنرل پراسیکیوشن خیبرپختونخواجناب محمد رفیق صاحب کی ہدایات اور ڈسٹرکٹ پبلک پراسیکیوٹر بونیر جناب امجد خان کی نگرانی میں *سینئر پبلک پراسیکیوٹر جناب نور سلام صاحب اور تفتیشی افسر کی مؤثر پیروی کے نتیجے میں ایڈیشنل سیشن جج-I بونیر کی عدالت نے مقدمہ سرکار بنام سہیل احمد (FIR نمبر 417، مورخہ 01.08.2024، دفعات 302,311,376 PPC اور 15AA، تھانہ ڈگر) میں تفصیلی سماعت کے بعد جرم ثابت ہونے پر ملزم کو 302،376 ت پ میں دو مرتبہ عمر قید اور 53CPA میں 5 سال سزا کا حکم جاری کیا۔ملزم کی سزا انصاف کی جیت ہے اس طرح انصاف کی فراہمی کے لیے پراسیکیوشن کی یہ کاوشیں جاری رہیں گی۔ ڈی پی پی بونیر

14/07/2026

ڈائریکٹر جنرل پراسیکیوشن خیبرپختونخوا جناب محمد رفیق خان مہمندصاحب کی خصوصی ہدایات کی روشنی میں ڈسٹرکٹ پبلک پراسیکیوٹر بونیر جناب امجد خان نے ڈپٹی پبلک پراسیکیوٹر جناب مجیب الرحمن اور پروبیشن آفیسر کے ہمراہ ضلع جیل بونیر کا دورہ کیا۔ دورے کے دوران جیل عملے کی پے رول میٹنگ میں شرکت کی گئی اور قیدیوں کی بحالی و رپورٹس کا جائزہ لیا گیا۔ جیل کچن کا معائنہ کر کے قیدیوں کو فراہم کی جانے والی خوراک کے معیار کا جائزہ لیا گیا۔ اس موقع پر *GBV اور CPA کے مقدمات* سمیت *انڈر ٹرائل قیدیوں اور ڈسچارج ہونے والے کیسز* کے حوالے سے بھی تفصیلی گفتگو ہوئی۔ جیل میں موجود قیدیوں سے ملاقات کر کے انہیں لیگل ایڈ کے تحت مفت قانونی معاونت کی فراہمی سے متعلق آگاہ کیا گیا۔ ملاقات میں اس بات پر اتفاق کیا گیا کہ پراسیکیوشن اور جیل انتظامیہ مل کر کام کریں گے تاکہ قیدیوں کو ان کے قانونی حقوق ملیں اور انصاف کا عمل شفاف و تیز ہو۔ ملاقات کا مقصد قیدیوں کے قانونی حقوق کی فراہمی، مقدمات کی جلد تکمیل اور انصاف کی فراہمی کے عمل کو مزید مؤثر بنانا تھا۔