28/03/2023
بورےوالا عوامی مسائل کے حل کے لئے کھلی کچہری دوسرے دن بھی جاری #بوریوالا
اراضی ریکارڈ سینٹر میں کھلی کچہری کا انقعاد جس میں اسسٹنٹ کمشنر بوریوالا ڈاکٹر شزارحمان نے عوامی مسائل اور شکایات سن کر موقع پر ہی فوری حل کے احکامات جاری کیے۔اس موقع پر اسسٹنٹ کمشنر بوریوالا ڈاکٹر شزارحمان نے کہا کہ مارک کردہ درخواستوں پر قانونی کاروائی کو یقینی بنایا جائے۔ ریونیو دفاتر میں آنے والے شہریوں کے مسائل ترجیحی بنیادوں پر حل کریں۔کھلی کچہری کا مقصد انصاف کی فراہمی کو یقینی بنانا ہے اور عوام اور ریونیو کے درمیان باہمی روابط کو بہتر بنانا ہے۔مزید انہوں نے کہا کہ کھلی کچہری کا مقصد سروس ڈیلیوری کے معیار کو بہتر بنانا ہے۔ شہریوں کے مسائل کے فوری حل سے ہی ریونیو افسران پر عوام کا اعتماد بحال ہو گا۔ کھلی کچہری میں آنے والے تمام شہری ہمارے لئے باعث احترام ہیں اور شہریوں کے مسائل کا حل اولین ذمہ داری ہے جس کے لیے تمام اقدامات کیے جا رہے ہیں۔مزید اسسٹنٹ کمشنر بوریوالا ڈاکٹر شزارحمان نے کہا کہ عوام الناس اپنی شکایات کے سلسلہ میں بلا جھجک مجھ سے مل سکتے ہیں اور عوامی شکایات کے حل کے لیے کھلی کچہریوں کا سلسلہ جاری رہے گا۔اس کھلی کچہری کے دوران تحصیلدار سرکل بورےوالا شاہد نواب گجر اور سرکل بورےوالا کے پٹواری بھی موجود تھے۔۔
