Assistant Director Community Development Chak Jhumra

25/09/2026

اسسٹنٹ ڈائریکٹر کمیونٹی ڈویلپمنٹ، سوشل ویلفیئر ڈیپارٹمنٹ، میڈم عائشہ ابراہیم نے پنجاب دھی رانی پروگرام کے تحت مستحق درخواست گزاروں کی تصدیق کے لیے گھر گھر جا کر فیلڈ ویری فکیشن کی۔
اس موقع پر درخواست گزاروں کی فراہم کردہ معلومات اور کوائف کی موقع پر جانچ پڑتال کی گئی۔
گھر گھر تصدیقی عمل کا مقصد پروگرام میں شفافیت اور میرٹ کو یقینی بنانا ہے۔
انہوں نے مستحق خاندانوں تک حکومتی سہولیات کی منصفانہ رسائی کو یقینی بنانے کے لیے تمام مراحل کی نگرانی کی۔

24/09/2026

محترمہ عائشہ ابراہیم، اسسٹنٹ ڈائریکٹر کمیونٹی ڈویلپمنٹ، سوشل ویلفیئر ڈیپارٹمنٹ نے گورنمنٹ اسپیشل ایجوکیشن سکول چک جھمرہ میں خصوصی بچوں میں حکومتِ پنجاب کے ہمت کارڈز تقسیم کیے۔
اس موقع پر انہیں سکول کی پرنسپل کی جانب سے بطور مہمانِ خصوصی مدعو کیا گیا تھا۔
انہوں نے خصوصی بچوں کی حوصلہ افزائی کی اور ان کی فلاح و بہبود کے لیے حکومتی اقدامات کو سراہا۔

08/09/2026

Tehsil Disability Assessment Board

اجلاس برائے تحصیل ڈس ایبلٹی اسیسمنٹ بورڈ

مورخہ 08 ستمبر 2026 بروز منگل، تحصیل ہیڈکوارٹر ہسپتال چک جھمرہ میں تحصیل ڈس ایبلٹی اسیسمنٹ بورڈ کا اجلاس منعقد ہوا۔

اجلاس کے دوران خصوصی افراد کا طبی معائنہ اور معذوری کی نوعیت کا جائزہ مقررہ قواعد و ضوابط کے مطابق لیا گیا، تاکہ مستحق افراد کو معذوری سرٹیفکیٹ کے اجراء اور سرکاری سہولیات تک رسائی میں آسانی فراہم کی جا سکے۔

اس موقع پر تمام درخواستوں کا شفاف، منصفانہ اور غیر جانبدارانہ انداز میں جائزہ لیا گیا۔

04/09/2026

03/09/2026

پبلک ویلفیئر سوسائٹی 188-RB کا دورہ

مورخہ 03 ستمبر 2026ء کو اسسٹنٹ ڈائریکٹر کمیونٹی ڈویلپمنٹ، سوشل ویلفیئر اینڈ بیت المال ڈیپارٹمنٹ، چک جھمرہ محترمہ عائشہ ابراہیم نے پبلک ویلفیئر سوسائٹی 188-RB کا دورہ کیا اور سوسائٹی کے صدر جناب ندیم شاہ سے ملاقات کی۔

دورانِ معائنہ یہ بات سامنے آئی کہ سوسائٹی کا ریکارڈ مناسب طور پر مرتب و محفوظ نہیں کیا گیا تھا اور اس وقت سوسائٹی کی جانب سے کوئی فلاحی سرگرمی بھی جاری نہیں تھی، جس کے باعث ادارہ غیر فعال پایا گیا۔

صدر سوسائٹی کو ہدایت کی گئی کہ سوسائٹی کا مکمل ریکارڈ باقاعدہ طور پر مرتب اور اپ ڈیٹ کیا جائے، ادارے کا بورڈ آویزاں کیا جائے اور فلاحی سرگرمیوں کا دوبارہ باقاعدہ آغاز کیا جائے۔

سوسائٹی کو مذکورہ امور کی تکمیل اور ادارے کو دوبارہ فعال بنانے کے لیے ایک ماہ کی مہلت دی گئی۔ مزید ہدایت کی گئی کہ مقررہ مدت کے اندر سوسائٹی کو فعال نہ کرنے اور محکمہ کی ہدایات پر عملدرآمد نہ ہونے کی صورت میں قواعد و ضوابط کے مطابق رجسٹریشن کی منسوخی/ڈی رجسٹریشن کے لیے مزید کارروائی عمل میں لائی جائے گی۔

01/09/2026

الفلاح ویلفیئر آرگنائزیشن کے زیراہتمام ماحول کو بہتر اور سرسبز بنانے کے لیے جناح پارک میں ایک شجرکاری مہم کا انعقاد کیا گیا، جس میں اسسٹنٹ ڈائریکٹر سوشل ویلفیئر ڈیپارٹمنٹ عائشہ ابراہیم نے خصوصی شرکت کرتے ہوئے پودا لگایا۔ اس مہم کا بنیادی مقصد فضائی آلودگی کا خاتمہ، شہریوں کو صاف ماحول فراہم کرنا اور پودوں کی افادیت اجاگر کرنا تھا، جبکہ شرکاء نے مستقبل میں بھی ایسے فلاحی و ماحولیاتی اقدامات جاری رکھنے کا عزم کیا۔

27/08/2026

27 اگست 2026 بروز جمعرات، اسسٹنٹ ڈائریکٹر کمیونٹی ڈویلپمنٹ عائشہ ابراہیم کی زیرِ صدارت تحصیل چک جھمرہ میں رجسٹرڈ این جی اوز کے ساتھ ماہانہ اجلاس منعقد کیا گیا۔

اجلاس میں این جی اوز کو ای بز پورٹل کے استعمال اور متعلقہ امور کے حوالے سے آگاہی فراہم کی گئی، جبکہ ریکارڈ کی بروقت تکمیل، مناسب انداز میں محفوظ رکھنے اور اپ ڈیٹ رکھنے پر خصوصی زور دیا گیا۔

این جی اوز کی جانب سے منعقد کی جانے والی فلاحی سرگرمیوں کی تصویری و دستاویزی شہادت باقاعدگی سے محکمہ کے ساتھ شیئر کرنے کی ہدایت کی گئی۔ اس کے علاوہ این جی اوز کو نئی اور مؤثر فلاحی سرگرمیوں کے آغاز اور عوامی خدمت کے دائرہ کار کو مزید وسیع کرنے کی ترغیب دی گئی۔

اجلاس کے دوران فلاحی خدمات کو مزید مؤثر بنانے کے لیے مختلف تجاویز اور مفید آئیڈیاز بھی شیئر کیے گئے، جبکہ محکمہ سوشل ویلفیئر اور این جی اوز کے درمیان باہمی رابطے اور تعاون کو مزید مضبوط بنانے پر زور دیا گیا۔

26/08/2026

جشنِ میلادِ مصطفیٰ ﷺ

سوشل ویلفیئر سوسائٹی 189 آر بی کی جانب سے 12 ربیع الاول کے بابرکت موقع پر محفلِ میلادِ مصطفیٰ ﷺ کا انعقاد کیا گیا۔
محفل میں نعتِ رسولِ مقبول ﷺ پیش کی گئی اور سیرتِ طیبہ پر روشنی ڈالی گئی۔
شرکاء نے حضور اکرم ﷺ سے اپنی محبت و عقیدت کا اظہار کیا۔
محفل کے اختتام پر حاضرین میں میٹھے چاول بطورِ تبرک تقسیم کیے گئے۔

26/08/2026

جشنِ عید میلاد النبی ﷺ

پبلک ویلفیئر سوسائٹی 189 آر بی کی جانب سے جشنِ عید میلاد النبی ﷺ کے سلسلہ میں ایک پُروقار جلوس کا انعقاد کیا گیا۔
جلوس میں اہلِ علاقہ، بچوں اور نوجوانوں نے بھرپور شرکت کی اور آقائے دو جہاں حضرت محمد مصطفیٰ ﷺ سے اپنی محبت و عقیدت کا اظہار کیا۔
شرکاء نے درود و سلام اور نعتِ رسولِ مقبول ﷺ پیش کیں، جبکہ فضا ذکرِ مصطفیٰ ﷺ سے معطر رہی۔
اس موقع پر سیرتِ طیبہ ﷺ اور آپ ﷺ کی تعلیمات کو عام کرنے اور اپنی زندگیوں میں اپنانے کا پیغام دیا گیا۔