30/07/2026
پریس ریلیز
پیپلز سٹوڈنٹس فیڈریشن (PSF) یونیورسٹی آف مالاکنڈ
مؤرخہ: 23 جولائی 2026
فیسوں میں حالیہ اضافے کو مسترد کرتے ہیں
پیپلز سٹوڈنٹس فیڈریشن یونیورسٹی آف مالاکنڈ انتظامیہ کی جانب سے ڈگری، DMC، سرٹیفکیٹس اور دیگر امتحانی خدمات کی فیسوں میں حالیہ اضافے کو سختی سے مسترد کرتی ہے اور اسے طلبہ دشمن اقدام قرار دیتی ہے۔
پی ایس ایف UOM کے ترجمان کے مطابق موجودہ مہنگائی اور معاشی مشکلات کے دور میں طلبہ پہلے ہی شدید مالی دباؤ کا شکار ہیں۔ ایسے حالات میں ڈگری فیس کو 2,000 روپے سے بڑھا کر 10,000 روپے کرنا اور DMC سمیت دیگر سروسز کی فیسوں میں نمایاں اضافہ طلبہ پر اضافی بوجھ ڈالنے کے مترادف ہے۔ مزید برآں، ہر سال 10 فیصد سالانہ اضافے کا فیصلہ بھی قابلِ قبول نہیں۔
پیپلز سٹوڈنٹس فیڈریشن یونیورسٹی انتظامیہ سے مطالبہ کرتی ہے کہ:
1. فیسوں میں کیا گیا حالیہ اضافہ فوری طور پر واپس لیا جائے۔
2. سابقہ فیس اسٹرکچر اور پرانے ریٹس بحال کیے جائیں۔
3. آئندہ کسی بھی قسم کی فیس میں اضافے سے قبل طلبہ نمائندوں اور متعلقہ اسٹیک ہولڈرز سے مشاورت کی جائے۔
پی ایس ایف UOM واضح کرتی ہے کہ اگر طلبہ کے جائز مطالبات کو نظرانداز کیا گیا تو تنظیم اپنے جمہوری اور آئینی حقِ احتجاج کو استعمال کرے گی اور طلبہ کے ساتھ مل کر بھرپور احتجاجی لائحہ عمل اختیار کرے گی۔
ترجمان
پیپلز سٹوڈنٹس فیڈریشن (PSF)
یونیورسٹی آف مالاکنڈ
