صدائے چکدرہ

06/08/2026

SSC Annual-I 2026
کے شاندار نتائج پر تمام پوزیشن ہولڈرز، ان کے والدین، اساتذہ کرام اور متعلقہ تعلیمی اداروں کو صدائے چکدرہ کی جانب سے دلی مبارکباد۔

سائنس گروپ
🥇 پہلی پوزیشن: ساویرا گل
🥈 دوسری پوزیشن: طوبیٰ ایمان
🥉 تیسری پوزیشن (مشترکہ): اویس احمد اور طلحہ داؤد

ہیومینٹیز گروپ
🥇 پہلی پوزیشن: فاطمہ زہرہ
🥈 دوسری پوزیشن: بلقیس غنی
🥉 تیسری پوزیشن: حفصہ شاہ

یہ کامیابی آپ کی محنت، لگن اور عزم کا ثمر ہے۔ دعا ہے کہ اللہ تعالیٰ آپ سب کو مزید کامیابیاں، علم میں برکت اور روشن مستقبل عطا فرمائے۔ آمین۔

🌹 صدائے چکدرہ کو اپنے علاقے کے ان ہونہار طلبہ و طالبات پر فخر ہے۔ اللہ تعالیٰ آپ سب کو ہمیشہ کامیاب و کامران رکھے

03/08/2026

وزیراعلیٰ خیبرپختونخوا محمد سہیل آفریدی کا سوات کا ہنگامی دورہ

وزیراعلیٰ خیبرپختونخوا محمد سہیل آفریدی گزشتہ روز ہونے والے دھماکے کے بعد سوات پہنچ گئے، جہاں انہوں نے شہداء کے اہلِ خانہ سے ملاقات، فاتحہ خوانی اور لواحقین سے دلی تعزیت کا اظہار کیا۔

وزیراعلیٰ نے سیدو شریف ٹیچنگ ہسپتال میں زخمیوں کی عیادت بھی کی اور بہترین طبی سہولیات کی فراہمی کی ہدایت جاری کی۔

بعدازاں انہوں نے سوات میں امن و امان کی صورتحال پر اعلیٰ سطحی اجلاس کی صدارت کی، جہاں انہیں سکیورٹی صورتحال اور جاری کارروائیوں پر بریفنگ دی گئی۔

وزیراعلیٰ کا کہنا تھا کہ دہشت گردی کے خلاف جنگ میں خیبرپختونخوا کے عوام اور پولیس کی قربانیاں رائیگاں نہیں جائیں گی، جبکہ امن کے قیام کے لیے تمام سیاسی، مذہبی قوتوں اور عوام کو متحد ہو کر کردار ادا کرنا ہوگا۔

انہوں نے مزید کہا کہ خیبرپختونخوا پولیس اور سی ٹی ڈی کو ہر ممکن وسائل فراہم کیے جا رہے ہیں، پولیس کی استعداد بڑھانے کے لیے 20 ارب روپے مختص کیے گئے ہیں، اور صوبے میں امن کی بحالی حکومت کی اولین ترجیح ہے۔

03/08/2026

چکدرہ میں H-MAK کے زیرِ اہتمام منعقدہ گرینڈ پراپرٹی ایکسپو میں صدائے چکدرہ کے ڈائریکٹر شاہ زیب نے خصوصی شرکت کی۔

اس موقع پر نعمان اعجاز اور جاوید خیال بھی موجود تھے۔ شرکاء نے ایکسپو میں لگائے گئے مختلف رہائشی و کمرشل منصوبوں کا جائزہ لیا اور سرمایہ کاری کے مواقع پر تبادلۂ خیال کیا۔

اس نوعیت کی سرگرمیاں نہ صرف مقامی کاروباری ماحول کو فروغ دیتی ہیں بلکہ سرمایہ کاروں اور عوام کو ایک ہی پلیٹ فارم پر معلومات اور مواقع فراہم کرنے میں بھی اہم کردار ادا کرتی ہیں۔

02/08/2026

إِنَّا لِلّٰهِ وَإِنَّا إِلَيْهِ رَاجِعُونَ

انتہائی افسوس کے ساتھ اطلاع موصول ہوئی ہے کہ سہصدہ کے رہائشی رضا خان آج اس دنیا سے رخصت ہو گئے ہیں۔

مرحوم کی نمازِ جنازہ آج دوپہر 2:15 بجے منڈوونو جنازہ گاہ میں ادا کی جائے گی۔

اللہ تعالیٰ مرحوم کی کامل مغفرت فرمائے، ان کی قبر کو جنت الفردوس کے باغوں میں سے ایک باغ بنا دے، درجات بلند فرمائے اور تمام لواحقین کو صبرِ جمیل عطا فرمائے۔ آمی

24/07/2026

صدائے چکدرہ

ایڈووکیٹ عالم خان کو ایڈیشنل ایڈووکیٹ جنرل منتخب ہونے پر دلی مبارکباد
ایڈیشنل ایڈووکیٹ جنرل کا منصب کسی بھی وکیل کے لیے ایک اعزاز اور بڑی ذمہ داری ہوتا ہے، جہاں وہ صوبائی حکومت کی جانب سے عدالتوں میں قانونی نمائندگی اور اہم آئینی و قانونی معاملات میں خدمات انجام دیتے ہیں۔
ہم دعاگو ہیں کہ ایڈووکیٹ عالم خان اپنی نئی ذمہ داریاں دیانت، انصاف اور پیشہ ورانہ صلاحیتوں کے ساتھ نبھائیں اور عوام و صوبے کی بہترین خدمت کریں۔

صدائے چکدرہ کی جانب سے انہیں دل کی اتھاہ گہرائیوں سے مبارکباد، نیک تمناؤں اور روشن مستقبل کے لیے دعا۔
اللہ تعالیٰ مزید کامیابیاں، عزت اور استقامت عطا فرمائے۔ آمین۔

23/07/2026

23/07/2026

آدینزئی ٹریڈ یونین کے صدر خواجہ فیض الغفور نے ٹیکس کے خلاف کامیاب شٹر ڈاؤن ہڑتال میں بھرپور شرکت اور مکمل تعاون پر آدینزئی اور ملاکنڈ ڈویژن کی پوری تاجر برادری کا دلی شکریہ ادا کیا۔
انہوں نے کہا
تاجروں کے اتحاد، شعور اور قربانی نے ثابت کر دیا ہے کہ ملاکنڈ ڈویژن میں ٹیکس کسی صورت منظور نہیں۔ اور آئندہ لائحہ عمل طے کیا جائے گا ـ

23/07/2026

صرف 4 دن میں ڈیزل 44 روپے فی لیٹر مہنگا!

جمعہ 30 روپے، پیر 7 روپے اور منگل مزید 7 روپے اضافے کے بعد ڈیزل کی قیمت میں مجموعی طور پر 44 روپے فی لیٹر اضافہ ہو چکا ہے۔

ڈیزل کی قیمت میں یہ غیر معمولی اضافہ نہ صرف ٹرانسپورٹ کے کرایوں بلکہ اشیائے خورونوش، تعمیراتی سامان اور روزمرہ استعمال کی متعدد اشیاء کی قیمتوں پر بھی براہِ راست اثر ڈال سکتا ہے۔

صدائے چکدرہ عوامی مسائل کو اجاگر کرنے کے اپنے عزم پر قائم ہے۔

آپ کے خیال میں اس اضافے کے بعد کیا ٹرانسپورٹ کرایوں اور اشیائے ضروریہ کی قیمتوں میں مزید اضافہ ہوگا؟ اپنی رائے کمنٹس میں ضرور دیں۔

#ڈیزل #مہنگائی #پاکستان

22/07/2026

یہ کون سی جگہ ہے؟

کیا آپ اس خوبصورت مقام کو پہچانتے ہیں؟ 😍
اگر ہاں، تو کمنٹ میں اس جگہ کا نام ضرور بتائیں۔

21/07/2026

چکدرہ کی تاریخ میں پہلی بار مکمل شٹر ڈاؤن
آج چکدرہ میں وفاقی ٹیکسوں کے خلاف مکمل شٹر ڈاؤن کے دوران شہر بھر میں غیر معمولی منظر دیکھنے میں آیا۔ مرکزی بازار، مارکیٹیں، دکانیں، ہوٹل، ریسٹورنٹس، میڈیکل اسٹورز اور دیگر کاروباری مراکز مکمل طور پر بند رہے، جبکہ سڑکوں پر خاموشی اور عوامی اتحاد نمایاں نظر آیا۔

اس موقع پر چکدرہ کا حسین موسم بھی اپنی خوبصورتی بکھیرتا رہا۔ ہلکی بارش، ٹھنڈی ہوائیں اور بادلوں سے ڈھکا آسمان اس تاریخی دن کے مناظر کو مزید دلکش بنا رہے تھے۔ عوامی یکجہتی اور قدرت کے حسین نظاروں کا یہ امتزاج چکدرہ کی حالیہ تاریخ میں ایک یادگار لمحہ بن گیا۔

🎥 اس ویڈیو میں دیکھیے چکدرہ کے مکمل شٹر ڈاؤن، عوامی اتحاد اور بارش سے نکھرے دلکش موسم کی خوبصورت جھلکیاں۔

صدائے چکدرہ