Tehsil Administration Adenzai

Tehsil Administration Adenzai Daily reports of Tehsil Administration Adenzai

05 اکتوبر 2026ڈپٹی کمشنر دیر پائین جناب بشارت احمد کی خصوصی ہدایات پر ایڈیشنل اسسٹنٹ کمشنر آدینزئی جناب فرہاد اللہ نے یو...
05/10/2026

05 اکتوبر 2026
ڈپٹی کمشنر دیر پائین جناب بشارت احمد کی خصوصی ہدایات پر ایڈیشنل اسسٹنٹ کمشنر آدینزئی جناب فرہاد اللہ نے یومِ اساتذہ کے موقع پر سب ڈویژن آدینزئی کے مختلف سکولز کا دورہ کیا۔
دورے کے دوران اساتذہ کرام کی گراں قدر خدمات، شعبۂ تعلیم میں ان کے اہم کردار اور معاشرے کی تعمیر و ترقی کے لیے ان کی مخلصانہ کاوشوں کو خراجِ تحسین پیش کیا گیا۔ ایڈیشنل اسسٹنٹ کمشنر آدینزئی نے تعلیمی میدان میں نمایاں اور بہتر کارکردگی کا مظاہرہ کرنے والے اساتذہ کرام کی حوصلہ افزائی کرتے ہوئے ان میں اعزازی اسناد تقسیم کیں۔
اس موقع پر ایڈیشنل اسسٹنٹ کمشنر نے اساتذہ کرام کی خدمات کو سراہتے ہوئے کہا کہ معیاری تعلیم، طلبہ کی کردار سازی اور ایک باشعور معاشرے کی تشکیل میں اساتذہ کا کردار نہایت اہم اور قابلِ تحسین ہے۔
Deputy Commissioner Lower Dir
PMRU Khyber Pakhtunkhwa

05 اکتوبر 2026صوبائی حکومت کی ہدایات کی روشنی میں ڈپٹی کمشنر دیر پائین جناب بشارت احمد کی خصوصی ہدایات پر یومِ اساتذہ کے...
05/10/2026

05 اکتوبر 2026
صوبائی حکومت کی ہدایات کی روشنی میں ڈپٹی کمشنر دیر پائین جناب بشارت احمد کی خصوصی ہدایات پر یومِ اساتذہ کے حوالے سے آج سب ڈویژن آدینزئی میں ایک باوقار تقریب کا انعقاد کیا گیا۔ تقریب کی صدارت ایڈیشنل اسسٹنٹ کمشنر آدینزئی جناب فرہاد اللہ نے کی، جبکہ نیشنل کمیشن فار ہیومن ڈویلپمنٹ (NCHD) نے تقریب کے انعقاد میں تعاون کیا۔
تقریب کے دوران اساتذہ کرام کی گراں قدر خدمات، شعبۂ تعلیم میں ان کے اہم کردار اور معاشرے کی تعمیر و ترقی کے لیے ان کی کاوشوں کو خراجِ تحسین پیش کیا گیا۔ اس موقع پر اساتذہ کرام کی خدمات کے اعتراف میں انہیں خصوصی طور پر خراجِ عقیدت پیش کیا گیا۔
ایڈیشنل اسسٹنٹ کمشنر آدینزئی جناب فرہاد اللہ نے تقریب کے دوران اساتذہ کرام میں اعزازی اسناد تقسیم کیں اور معاشرے کی فکری، اخلاقی اور تعلیمی تربیت میں اساتذہ کے کلیدی کردار کو سراہا۔ اس موقع پر جناب اسد خان AD NCHDاور جناب مراد علی خان AD NCHDبھی موجود تھے۔
اس موقع پر اساتذہ کرام نے یومِ اساتذہ کے حوالے سے صوبائی حکومت کی جانب سے منعقدہ اس تقریب کو سراہتے ہوئے اسے ایک مثبت اور قابلِ تحسین اقدام قرار دیا۔ انہوں نے اساتذہ کی خدمات کے اعتراف اور حوصلہ افزائی پر صوبائی حکومت اور ایڈیشنل اسسٹنٹ کمشنر آدینزئی جناب فرہاد اللہ کا شکریہ ادا کیا۔
Deputy Commissioner Lower Dir
PMRU Khyber Pakhtunkhwa

01 اکتوبر2026ڈپٹی کمشنر دیر لوئر، جناب بشارت احمد صاحب کی خصوصی ہدایات کی روشنی میں ایڈیشنل اسسٹنٹ کمشنر ادینزئی، جناب ف...
01/10/2026

01 اکتوبر2026
ڈپٹی کمشنر دیر لوئر، جناب بشارت احمد صاحب کی خصوصی ہدایات کی روشنی میں ایڈیشنل اسسٹنٹ کمشنر ادینزئی، جناب فرہاد اللہ کی زیرِ قیادت مختلف شعبہ ہائے صحت سے وابستہ طبی عملے اور ویٹرنری ماہرین پر مشتمل ٹیم نے علاقہ اسبنڑ نوچکے کا تفصیلی دورہ کیا۔
دورے کے دوران علاقے میں موجودہ صورتحال کا تفصیلی جائزہ لیا گیا اور طبی مشاہدات کی روشنی میں ضروری اقدامات عمل میں لاتے ہوئے مقامی آبادی کو بروقت طبی سہولیات اور ضروری رہنمائی فراہم کی گئی۔ مزید برآں، ممکنہ وجوہات اور کسی بھی متعدی یا جان لیوا وبائی مرض کی بروقت تشخیص کے لیے مختلف افراد سے ضروری طبی نمونے حاصل کیے گئے، جنہیں مزید تشخیصی معائنے کے لیے متعلقہ مراکز کو ارسال کیا جائے گا، تاکہ کسی بھی ممکنہ وبائی صورتحال کی بروقت نشاندہی اور مؤثر تدارک کو یقینی بنایا جا سکے۔
اس موقع پر ایڈیشنل اسسٹنٹ کمشنر ادینزئی کی زیرِ نگرانی عوام الناس، بالخصوص سکول کے طلبہ و طالبات میں صفائی ستھرائی، حفظانِ صحت اور احتیاطی تدابیر کے حوالے سے آگاہی مہم بھی چلائی گئی۔ عوام کو صحت کے اصولوں پر عمل درآمد، صفائی کا خصوصی خیال رکھنے اور کسی بھی غیر معمولی طبی علامات کی صورت میں فوری طور پر متعلقہ طبی مرکز سے رجوع کرنے کی ہدایت کی گئی۔
علاوہ ازیں، ویٹرنری ماہرین کی نگرانی میں علاقے میں موجود مختلف مویشیوں کے ضروری نمونے بھی حاصل کیے گئے اور ماہرین کی جانب سے مویشیوں کے طبی معائنے کے ساتھ ساتھ حفاظتی اسپرے کا عمل بھی انجام دیا گیا۔
ضلعی انتظامیہ کی جانب سے صورتحال کی مسلسل نگرانی جاری ہے، جبکہ متعلقہ طبی اور ویٹرنری محکموں کے باہمی تعاون سے ضروری احتیاطی و حفاظتی اقدامات کو یقینی بنایا جا رہا ہے۔
اہلِ علاقہ نے ضلعی انتظامیہ کی جانب سے بروقت اٹھائے گئے ان اقدامات کو سراہتے ہوئے انتظامیہ کا شکریہ ادا کیا۔ بالخصوص ایڈیشنل اسسٹنٹ کمشنر ادینزئی جناب فرہاد اللہ کی جانب سے علاقے میں طبی سہولیات کی فراہمی، عوامی آگاہی اور حفاظتی اقدامات کے لیے کی جانے والی کاوشوں کو قدر کی نگاہ سے دیکھا گیا۔
Deputy Commissioner Lower Dir
PMRU Khyber Pakhtunkhwa

01 اکتوبر2026ڈپٹی کمشنر دیر لوئر، جناب بشارت احمد صاحب کی خصوصی ہدایات کی روشنی میں ایڈیشنل اسسٹنٹ کمشنر ادینزئی، جناب ف...
01/10/2026

01 اکتوبر2026
ڈپٹی کمشنر دیر لوئر، جناب بشارت احمد صاحب کی خصوصی ہدایات کی روشنی میں ایڈیشنل اسسٹنٹ کمشنر ادینزئی، جناب فرہاد اللہ کی زیرِ صدارت میڈیکل ٹیم کے ساتھ RHC گل آباد میں ایک اہم اجلاس منعقد ہوا۔ اجلاس کے دوران علاقہ اسبنڑ بوچکے میں اچانک اموات کی شرح میں حالیہ اضافے کا تفصیلی جائزہ لیا گیا اور اس حوالے سے ممکنہ وجوہات، موجودہ صورتحال اور ضروری انتظامی و طبی اقدامات پر تفصیلی تبادلۂ خیال کیا گیا۔
اجلاس میں علاقے کے عوام کو بروقت طبی سہولیات کی فراہمی اور صورتحال کی مؤثر نگرانی کے لیے اسبنڑ بوچکے میں میڈیکل کیمپ کے قیام کا منصوبہ بھی مرتب کیا گیا۔
بعد ازاں، ایڈیشنل اسسٹنٹ کمشنر ادینزئی جناب فرہاد اللہ کی قیادت میں میڈیکل ٹیم اسبنڑ بوچکے کے لیے روانہ ہوئی، جہاں ٹیم کی جانب سے موقع پر ضروری طبی معائنہ، ابتدائی تحقیقات اور عوام کو طبی آگاہی فراہم کی جائے گی۔ اس دورے کا مقصد اچانک اموات کے واقعات کا تفصیلی جائزہ لینا اور ممکنہ وجوہات کے تعین کے لیے ضروری معلومات و شواہد اکٹھے کرنا ہے۔
میڈیکل ٹیم کی جانب سے موقع پر صورتحال کا جامع جائزہ لینے کے بعد حاصل شدہ معلومات اور طبی مشاہدات کی بنیاد پر مزید ضروری اقدامات عمل میں لائے جائیں گے، تاکہ صورتحال کی اصل وجوہات کا تعین کیا جا سکے اور علاقے کے عوام کو بروقت طبی سہولیات اور ضروری رہنمائی فراہم کی جا سکے۔
Deputy Commissioner Lower Dir
PMRU Khyber Pakhtunkhwa
Chief Secretary Khyber Pakhtunkhwa

ویلج کونسل بوچکے ادئینزئی میں بروقت انسدادِ ڈینگی و ملیریا اسپرے ویلج کونسل بوچکے، تحصیل ادینزئی میں گزشتہ چند روز کے دو...
29/09/2026

ویلج کونسل بوچکے ادئینزئی میں بروقت انسدادِ ڈینگی و ملیریا اسپرے

ویلج کونسل بوچکے، تحصیل ادینزئی میں گزشتہ چند روز کے دوران ڈینگی اور ملیریا کے کیسز کی اطلاعات موصول ہونے کے باعث انسدادِ ڈینگی و ملیریا اسپرے

۔ ضلعی انتظامیہ، اسسٹنٹ کمشنر تحصیل ادینزئی اور ڈسٹرکٹ ہیلتھ آفیسر (DHO) نے بروقت کارروائی کرتے ہوئے علاقے میں انسدادِ ڈینگی و ملیریا اسپرے کروایا۔

اہلیانِ ویلج کونسل بوچکے ضلعی انتظامیہ، اسسٹنٹ کمشنر تحصیل ادینزئی اور ڈسٹرکٹ ہیلتھ آفیسر کے بروقت اقدام اور عوامی صحت کے حوالے سے فوری تعاون پر شکریہ ادا کیا۔ ۔

اہلیانِ علاقہ نے امید ظاہر کی ہے کہ ڈینگی اور ملیریا کی روک تھام کے لیے ضروری حفاظتی و طبی اقدامات آئندہ بھی تسلسل کے ساتھ جاری رکھے جائیں گے
Deputy Commissioner Lower Dir

. دیر پائین میں ـ ای ڈومیسائل کیسے حاصل کریں۔پہلا مرحلہ: درخواست دینے کے لیے ویب پورٹل https://cfc.kp.gov.pk/ یا موبائل...
25/09/2026

. دیر پائین میں ـ ای ڈومیسائل کیسے حاصل کریں۔

پہلا مرحلہ: درخواست دینے کے لیے ویب پورٹل https://cfc.kp.gov.pk/ یا موبائل ایپلیکیشن CFC-PK استعمال کریں۔

دوسرا مرحلہ:

18 سال سے کم عمر: والدین یا بہن بھائی درخواست دے سکتے ہیں۔

18 سال سے زیادہ عمر: افراد خود درخواست جمع کروا سکتے ہیں۔

ضروری دستاویزات:

درخواست دہندہ کا فارم-B یا CNIC

والدین کا CNIC

ڈیتھ سرٹیفکیٹ (میت کی صورت میں)

تصدیق کا طریقہ کار: درخواست کے بعد تصدیق کے لیے اپنے متعلقہ تحصیل آفس تشریف لے جائیں۔

منظوری: تصدیق کے بعد درخواست آگے ارسال کی جائے گی اور 1 سے 2 دنوں میں ڈومیسائل سرٹیفکیٹ منظور ہو جائے گا۔

رابطہ برائے رہنمائی: کسی بھی پریشانی یا مسئلے کی صورت میں فوکل پرسن ضلعی انتظامیہ دیر پائین سے رابطہ کریں: 0329-8000246

24 ستمبر 2026 ایڈیشنل اسسٹنٹ کمشنر آدینزئی، جناب فرہاد اللہ نے فلک سر، سوات میں مرحوم سید علی شاہ میاں کی لوکیشن کی نشان...
24/09/2026

24 ستمبر 2026
ایڈیشنل اسسٹنٹ کمشنر آدینزئی، جناب فرہاد اللہ نے فلک سر، سوات میں مرحوم سید علی شاہ میاں کی لوکیشن کی نشاندہی کے لیے کیے گئے ڈرون سرچ آپریشن میں حصہ لینے والی ٹیم کے ارکان کو اپنے دفتر میں مدعو کیا اور ان کی گراں قدر خدمات کے اعتراف میں تعریفی اسناد(Appreciation Certificate) سے نوازا۔
اس موقع پر ایڈیشنل اسسٹنٹ کمشنر نے فلک سر، سوات کے بلند و دشوار گزار پہاڑی مقام پر پیش آنے والے افسوسناک حادثے کے بعد مرحوم سید علی شاہ میاں کی لوکیشن کی نشاندہی کے لیے تقریباً 48 روز کی مسلسل کوششوں کے بعد کامیابی سے مکمل کیے گئے ڈرون سرچ آپریشن میں ٹیم کی خدمات، پیشہ ورانہ صلاحیتوں اور جذبۂ خدمت کو سراہا۔
انہوں نے ٹیم کی کاوشوں کو قابلِ تحسین قرار دیتے ہوئے نوجوانوں پر زور دیا کہ وہ اپنی فنی و پیشہ ورانہ صلاحیتوں کو مثبت، تعمیری، فلاحی اور امدادی سرگرمیوں کے لیے بروئے کار لاتے ہوئے معاشرے کی خدمت میں اپنا مؤثر کردار ادا کریں۔
اس موقع پر ٹیم ممبران نے اپنی خدمات کے اعتراف اور حوصلہ افزائی پر ایڈیشنل اسسٹنٹ کمشنر آدینزئی کا شکریہ ادا کیا۔
Deputy Commissioner Lower Dir

24 ستمبر 2026ڈپٹی کمشنر دیر پائین، جناب بشارت احمد کی خصوصی ہدایات کی روشنی میں ایڈیشنل اسسٹنٹ کمشنر آدینزئی، جناب فرہاد...
24/09/2026

24 ستمبر 2026
ڈپٹی کمشنر دیر پائین، جناب بشارت احمد کی خصوصی ہدایات کی روشنی میں ایڈیشنل اسسٹنٹ کمشنر آدینزئی، جناب فرہاد اللہ کی زیرِ صدارت سب ڈویژن آدینزئی میں ٹریڈ یونین کے نمائندگان کے ساتھ ایک اہم اور تفصیلی اجلاس منعقد ہوا۔
اجلاس کے دوران سب ڈویژن آدینزئی میں روزمرہ استعمال کی اشیائے ضروریہ، بالخصوص پٹرولیم مصنوعات، کی دستیابی، موجودہ ذخائر، روزانہ کی معمول کی کھپت اور سپلائی کی مجموعی صورتحال کا تفصیلی جائزہ لیا گیا۔ اس موقع پر مستقبل کی متوقع ضروریات کا بھی تخمینہ لگایا گیا تاکہ کسی بھی ممکنہ قلت یا سپلائی میں تعطل کی بروقت نشاندہی کرتے ہوئے مؤثر تدارک کو یقینی بنایا جا سکے۔
ایڈیشنل اسسٹنٹ کمشنر نے ہدایت کی کہ ان اشیائے ضروریہ کی دستیابی پر خصوصی توجہ مرکوز کی جائے جن کی سپلائی کا انحصار بیرونی اضلاع سے آنے والی ترسیلات پر ہے، تاکہ سپلائی چین میں کسی بھی ممکنہ رکاوٹ سے بروقت نمٹا جا سکے اور عوام کو اشیائے ضروریہ کی بلا تعطل فراہمی یقینی بنائی جا سکے۔
انہوں نے بڑے تاجروں، تھوک فروشوں، پٹرولیم ڈیلرز و تقسیم کنندگان اور دیگر اہم سپلائرز کے ساتھ مؤثر اور مسلسل رابطہ برقرار رکھنے کی ہدایت کرتے ہوئے کہا کہ اشیائے ضروریہ کے مناسب اور وافر ذخائر برقرار رکھے جائیں اور ضرورت کے مطابق پیشگی طور پر مزید سپلائی کے انتظامات کو یقینی بنایا جائے۔
ایڈیشنل اسسٹنٹ کمشنر نے واضح کیا کہ اشیائے ضروریہ کی مصنوعی قلت پیدا کرنے، غیر قانونی ذخیرہ اندوزی، ناجائز منافع خوری یا قیمتوں میں کسی بھی قسم کے غیر معمولی اور بلاجواز اضافے کی صورت میں ذمہ دار افراد کے خلاف متعلقہ قوانین کے تحت بلاامتیاز قانونی کارروائی عمل میں لائی جائے گی۔
ایڈیشنل اسسٹنٹ کمشنرآدینزئی نے ٹریڈ یونین کے نمائندگان پر زور دیا کہ وہ انتظامیہ کے ساتھ بھرپور تعاون کریں اور اشیائے ضروریہ کی دستیابی، مناسب قیمتوں پر فراہمی اور مؤثر سپلائی چین کو یقینی بنانے میں اپنا کردار ادا کریں۔
Deputy Commissioner Lower Dir
PMRU Khyber Pakhtunkhwa

In pursuance of the directions of the Worthy Deputy Commissioner, Dir Lower, the Additional Assistant Commissioner, Aden...
24/09/2026

In pursuance of the directions of the Worthy Deputy Commissioner, Dir Lower, the Additional Assistant Commissioner, Adenzai, is closely monitoring the ongoing immunization campaign in the area. Special attention is being accorded to refusal cases, and all such cases are being appropriately followed up and covered accordingly.

In this connection, a refusal cases at the University Public School, Chakdara, was successfully addressed and covered by the concerned team under the supervision of the Additional Assistant Commissioner, Adenzai.
Deputy Commissioner Lower Dir
PMRU Khyber Pakhtunkhwa
Chief Secretary Khyber Pakhtunkhwa

24 ستمبر 2026ڈپٹی کمشنر دیر پائین، جناب بشارت احمد کی خصوصی ہدایات کی روشنی میں ایڈیشنل اسسٹنٹ کمشنر آدینزئی، جناب فرہاد...
24/09/2026

24 ستمبر 2026
ڈپٹی کمشنر دیر پائین، جناب بشارت احمد کی خصوصی ہدایات کی روشنی میں ایڈیشنل اسسٹنٹ کمشنر آدینزئی، جناب فرہاد اللہ نے انسدادِ پولیو مہم کے آخری روز سب ڈویژن آدینزئی کی یونین کونسل باڈوان میں پولیو ٹیموں کی صبح کی اسمبلی اور روانگی کے انتظامات کا معائنہ کیا۔
اس موقع پر ایڈیشنل اسسٹنٹ کمشنر نے پولیو ٹیموں کو ہدایات جاری کرتے ہوئے کہا کہ انسدادِ پولیو مہم کے دوران مقررہ مائیکرو پلان کے عین مطابق گھر گھر جا کر پانچ سال سے کم عمر تمام بچوں کو پولیو سے بچاؤ کے قطرے پلانے کو یقینی بنایا جائے۔ انہوں نے بالخصوص رہ جانے والے بچوں کی بروقت نشاندہی، مؤثر فالو اَپ، دوبارہ رسائی اور مہم سے متعلق تمام ریکارڈ کی درست، مکمل اور بروقت تکمیل پر خصوصی توجہ دینے کی ہدایت کی۔
بعد ازاں تمام پولیو ٹیمیں سیکیورٹی اہلکاروں کی ہمراہی میں اپنے مقررہ علاقوں کی جانب روانہ ہو گئیں، جہاں وہ مائیکرو پلان کے مطابق پانچ سال سے کم عمر بچوں کو پولیو سے بچاؤ کے قطرے پلانے کی ذمہ داریاں انجام دے رہی ہیں۔
Deputy Commissioner Lower Dir
PMRU Khyber Pakhtunkhwa
Chief Secretary Khyber Pakhtunkhwa

Address

Tehsil Complex Chakdara
Chakdara

Website

Alerts

Be the first to know and let us send you an email when Tehsil Administration Adenzai posts news and promotions. Your email address will not be used for any other purpose, and you can unsubscribe at any time.

Shortcuts

Share

Category