30/08/2026
*صوبائی حکومت کے احکامات اور ڈپٹی کمشنر چارسدہ جناب فضل الرحیم مروت کی ہدایات کی روشنی میں آج مورخہ 29 اگست 2026 کو اسسٹنٹ کمشنر چارسدہ وقاص الرحمٰن نے مختلف پٹرول پمپس کا تفصیلی معائنہ کیا۔*
معائنے کے دوران پٹرول کے ریٹس، گیج، آگ بجھانے کے آلات، قانونی دستاویزات اور موجودہ سٹاک کا جائزہ لیا گیا۔ اس دوران ایک پٹرول پمپ کا گیج مقررہ معیار سے کم پایا گیا، جس پر اسے موقع پر سیل کر دیا گیا۔
اسسٹنٹ کمشنر نے دیگر پٹرول پمپس کی انتظامیہ کو ہدایت کی کہ گیج، آگ بجھانے کے آلات اور دیگر تمام ضروری سہولیات کو درست حالت میں رکھا جائے اور سرکاری ضوابط کی مکمل پابندی یقینی بنائی جائے، بصورتِ دیگر سخت قانونی کارروائی عمل میں لائی جائے گی۔
