18/07/2026
کمسن عرفات قتل کیس میں اہم پیشرفت
کمسن عرفات قتل کیس میں مندنی پولیس کی بروقت اور مؤثر کارروائی قابلِ تحسین ہے۔ قانون کی بالادستی اور عوام کے جان و مال کے تحفظ کے لیے ایسے اقدامات نہایت اہمیت کے حامل ہیں۔
ہم اس کامیاب کارروائی پر مندنی پولیس، بالخصوص ڈی ایس پی گل شید خان صاحب، ایس ایچ او صاحب اور اس آپریشن میں شریک تمام پولیس افسران و اہلکاروں کو دلی مبارکباد اور خراجِ تحسین پیش کرتے ہیں۔ اس کارروائی کے دوران زخمی ہونے والے پولیس اہلکاروں کی جلد اور مکمل صحت یابی کے لیے دعا گو ہیں۔ اللہ تعالیٰ انہیں شفاء کاملہ عطا فرمائے اور ان کی خدمات کو اپنی بارگاہ میں قبول فرمائے۔
ساتھ ہی ہمارا مطالبہ ہے کہ اس افسوسناک واقعے میں ملوث فرار ملزمان کو فوری طور پر گرفتار کرکے قانون کے کٹہرے میں لایا جائے، تاکہ متاثرہ خاندان کو جلد از جلد انصاف مل سکے اور معاشرے میں یہ واضح پیغام جائے کہ کسی بھی مجرم کے لیے قانون سے بچ نکلنا ممکن نہیں۔
اللہ تعالیٰ ہمارے معاشرے میں امن، انصاف اور قانون کی بالادستی قائم فرمائے۔ آمین۔
