Deputy Director Education District Diamer

Deputy Director Education District Diamer Official page of the Deputy Director Education District Diamer.

Sharing updates, notifications, educational activities, and initiatives to improve teaching and learning in the district."

مورخہ 20 اگست 2026 کو ڈپٹی ڈائریکٹر ایجوکیشن جناب رحیم اللّٰہ صاحب نے مڈل سکول اپر گینی اور گرلز پرائمری سکول اپر گینی ک...
21/08/2026

مورخہ 20 اگست 2026 کو ڈپٹی ڈائریکٹر ایجوکیشن جناب رحیم اللّٰہ صاحب نے مڈل سکول اپر گینی اور گرلز پرائمری سکول اپر گینی کی زیرِ تعمیر عمارات کا تفصیلی معائنہ کیا۔

مڈل سکول اپر گینی میں کلاس رومز کی عدم دستیابی کے باعث طلبہ کو درپیش تعلیمی مشکلات کے پیشِ نظر، ڈپٹی کمشنر دیامر کی جانب سے فراہم کردہ ٹینٹ موقع پر نصب کروایا گیا تاکہ تعمیراتی کام کی تکمیل تک طلبہ کے لیے تدریسی سرگرمیوں کا سلسلہ بلا تعطل جاری رکھا جا سکے۔

اس موقع پر زیرِ تعمیر گرلز پرائمری سکول کی عمارت کے کام کی پیش رفت کا بھی جائزہ لیا گیا اور طلبہ کو بہتر تعلیمی ماحول کی فراہمی کے لیے ضروری اقدامات پر توجہ دی گئی۔

الوداعی تقریب سرکاری ملازمت میں تبادلہ ایک فطری اور ناگزیر عمل ہے مگر بعض شخصیات اپنی خوش اخلاقی، ذمہ داری کے احساس، پیش...
29/07/2026

الوداعی تقریب

سرکاری ملازمت میں تبادلہ ایک فطری اور ناگزیر عمل ہے مگر بعض شخصیات اپنی خوش اخلاقی، ذمہ داری کے احساس، پیشہ ورانہ صلاحیت اور مثالی تعاون کے باعث ہمیشہ یاد رہتی ہیں۔
اسی جذبے کے تحت آج دفتر ڈپٹی ڈائریکٹر ایجوکیشن ضلع دیامر میں ضلع استور تبادلہ ہونے والے انجینئر جناب عبدالیسیر صاحب، سب انجینئر جناب قاسم صاحب اور سب انجینئر جناب مفید عالم صاحب کے اعزاز میں ایک پروقار الوداعی تقریب کا انعقاد کیا گیا۔
تقریب میں دفتر کے افسران اور عملے نے معزز مہمانوں کی پیشہ ورانہ خدمات، خلوص، محنت اور ادارے کے ساتھ ان کے مثالی تعاون کو سراہتے ہوئے انہیں خراجِ تحسین پیش کیا۔ شرکاء نے اس اعتماد کا اظہار کیا کہ معزز افسران اپنی صلاحیتوں، دیانت داری اور فرض شناسی کے ذریعے ضلع استور میں بھی اپنی ذمہ داریاں اسی لگن اور کامیابی سے انجام دیں گے۔
دفتر ڈپٹی ڈائریکٹر ایجوکیشن ضلع دیامر کی جانب سے جناب عبدالیسیر صاحب، جناب قاسم صاحب اور جناب مفید عالم صاحب کو نئی ذمہ داریوں پر دلی مبارکباد پیش کی جاتی ہے۔ دعا ہے کہ اللہ تعالیٰ انہیں صحت، خوشحالی، عزت، مزید ترقی اور ہر میدان میں کامیابی عطا فرمائے،
ہمیشہ خوش رہیں، کامیاب رہیں۔ اللہ تعالیٰ آپ کا حامی و ناصر ہو۔ آمین۔

نائب ناظم تعلیمات ضلع دیامر کا ہائی سکول نیاٹ کا دورہ6 جولائی 2026 کو جناب رحیم اللہ، ڈپٹی ڈائریکٹر ایجوکیشن ضلع دیامر ...
06/07/2026

نائب ناظم تعلیمات ضلع دیامر کا ہائی سکول نیاٹ کا دورہ
6 جولائی 2026 کو جناب رحیم اللہ، ڈپٹی ڈائریکٹر ایجوکیشن ضلع دیامر نے بوائز ہائی سکول نیاٹ اور اس کے قریبی پرائمری سکول کا سرکاری دورہ کیا تاکہ محکمانہ ہدایات پر عمل درآمد کا جائزہ لیا جا سکے اور تعلیمی اداروں کی تدریسی و انتظامی کارکردگی کا معائنہ کیا جا سکے۔
دورے کے دوران انہوں نے مختلف جماعتوں کا معائنہ کیا، تدریسی عمل کا مشاہدہ کیا ، کلاس روم مینجمنٹ، اسباق کی تدریس، طلبہ کی تعلیمی سرگرمیوں میں شرکت، حاضری اور نظم و ضبط کا جائزہ لیا۔ انہوں نے طلبہ سے بھی ملاقات کی، ان کی تعلیمی استعداد کا اندازہ لگایا اور انہیں باقاعدگی سے سکول آنے، محنت سے تعلیم حاصل کرنے اور کلاس روم کی سرگرمیوں میں بھرپور حصہ لینے کی تلقین کی۔
ڈپٹی ڈائریکٹر نے سکول سٹاف سے تفصیلی میٹنگ کیا، جس میں انہوں نے معیاری تدریس، مؤثر سبق بندی، مسلسل تعلیمی جائزے اور محکمہ تعلیم کی جاری کردہ تمام ہدایات پر بروقت عمل درآمد کی اہمیت پر زور دیا۔ انہوں نے سکول انتظامیہ کو ہدایت کی کہ سرکاری ریکارڈ کی مناسب دیکھ بھال، تعلیمی نگرانی کو مزید مؤثر بنانے اور صاف، محفوظ اور طلبہ دوست تعلیمی ماحول کی فراہمی کو یقینی بنایا جائے۔
سکولوں کی مجموعی کارکردگی کا جائزہ لیتے ہوئے ڈپٹی ڈائریکٹر نے ہیڈ ماسٹر اور تدریسی عملے کی مخلصانہ کاوشوں کو سراہا۔ انہوں نے اس بات پر زور دیا کہ مسلسل نگرانی، پیشہ ورانہ ذمہ داری اور باہمی تعاون ہی تعلیمی معیار اور طلبہ کے سیکھنے کے نتائج کو بہتر بنانے کی بنیاد ہیں۔ انہوں نے یقین دہانی کرائی کہ محکمہ تعلیم ضلع دیامر تعلیمی اداروں کے جائز مسائل کے حل اور ضلع بھر میں معیاری تعلیم کے فروغ کے لیے ہر ممکن تعاون جاری رکھے گا

📢 اہم اعلانگلگت بلتستان جنرل الیکشن 2026 کے سلسلے میں مورخہ 5 اور 6 جون 2026 کو سرکاری تعطیل ہوگی۔🗳️ 7 جون 2026 کو اپنے...
04/06/2026

📢 اہم اعلان
گلگت بلتستان جنرل الیکشن 2026 کے سلسلے میں مورخہ 5 اور 6 جون 2026 کو سرکاری تعطیل ہوگی۔
🗳️ 7 جون 2026 کو اپنے ووٹ کا استعمال ضرور کریں۔
آئیے مل کر ایک پرامن، شفاف اور مضبوط جمہوری نظام کے قیام میں اپنا کردار ادا کریں۔
آپ کا ووٹ، آپ کی طاقت!

امتِ مسلمہ بالخصوص اہلِ گلگت بلتستان کے تمام مسلمانوں کو عیدُالاضحیٰ کی پُرخلوص خوشیاں مبارک ہوں۔اللہ تعالیٰ اس مبارک عی...
28/05/2026

امتِ مسلمہ بالخصوص اہلِ گلگت بلتستان کے تمام مسلمانوں کو عیدُالاضحیٰ کی پُرخلوص خوشیاں مبارک ہوں۔
اللہ تعالیٰ اس مبارک عید کے صدقے ہماری قربانیوں، عبادات اور دعاؤں کو اپنی بارگاہ میں قبول فرمائے، وطنِ عزیز میں امن، اتحاد اور بھائی چارے کو فروغ دے، اور ہم سب کو سنتِ ابراہیمیؑ کی حقیقی روح اپنانے کی توفیق عطا فرمائے۔
عید مبارک! 🌙✨

مورخہ 15 مئی 2026 کو ڈپٹی ڈائریکٹر ایجوکیشن ضلع دیامر نے سی اینڈ ڈبلیو ڈیپارٹمنٹ اور ورک ڈویژن ایجوکیشن ڈیپارٹمنٹ ضلع د...
15/05/2026

مورخہ 15 مئی 2026 کو ڈپٹی ڈائریکٹر ایجوکیشن ضلع دیامر نے سی اینڈ ڈبلیو ڈیپارٹمنٹ اور ورک ڈویژن ایجوکیشن ڈیپارٹمنٹ ضلع دیامر کے سائیڈ انجینئرز کے ہمراہ بوائز ہائی سکول دیور تھک اور پرائمری سکول بونر داس کا تفصیلی معائنہ کیا۔
سب سے پہلے آپ اپنی ٹیم کے ہمراہ بوائز ہائی سکول دیور تھک تشریف لے گئے جہاں ڈیزاسٹر مینجمنٹ کے تحت تعمیر کیے گئے پروٹیکٹیو بند کے کام کی تکمیل پر تفصیلی جائزہ لیا گیا۔ یاد رہے کہ یہ بند ایمرجنسی بنیادوں پر ڈیزاسٹر مینجمنٹ کے تحت تعمیر کروایا گیا تھا تاکہ سکول کی عمارت اور طلبہ کو ممکنہ خطرات سے محفوظ بنایا جا سکے۔ آ پ نے تعمیراتی کام کے معیار اور بروقت تکمیل پر اطمینان کا اظہار کرتے ہوئے متعلقہ حکام اور عملے کی کاوشوں کو سراہا
بعد ازاں آپ نے پرائمری سکول بونر کا دورہ کیا جہاں تعمیراتی کام دوبارہ شروع کروایا گیا۔ واضح رہے کہ یہ منصوبہ درخواست گزاری کی وجہ سے تعطل کا شکار تھا۔ ڈپٹی ڈائریکٹر ایجوکیشن نے اس مسئلے کے حل کے لیے ڈپٹی کمشنر دیامر سے رابطہ کیا اور ان کی خصوصی کاوشوں سے معاملہ خوش اسلوبی سے حل ہوگیا، جس کے نتیجے میں تعمیراتی کام دوبارہ بحال کر دیا گیا۔
ڈپٹی ڈائریکٹر ایجوکیشن نے اس موقع پر کہا کہ تعلیمی اداروں کی بہتری، محفوظ ماحول کی فراہمی اور زیر التواء منصوبوں کی بروقت تکمیل ان کی اولین ترجیحات میں شامل ہے تاکہ طلبہ کو بہتر تعلیمی سہولیات میسر آ سکیں۔

Writing ڈپٹی ڈائریکٹر ایجوکیشن ضلع دیامر کا گورنمنٹ ہائی سکول گونر فارم کا اہم دورہ ...
04/05/2026

Writing
ڈپٹی ڈائریکٹر ایجوکیشن ضلع دیامر کا گورنمنٹ ہائی سکول گونر فارم کا اہم دورہ آج ڈپٹی ڈائریکٹر ایجوکیشن ضلع دیامر نے بوائز ہائی سکول گونر فارم کا اچانک دورہ کیا۔ دورے کے دوران تعلیمی ماحول، طلبہ کی کارکردگی اور سکول کی مجموعی صورتحال کا تفصیلی جائزہ لیا گیا۔
ڈی ڈی ای صاحب نے اساتذہ کے ساتھ ملاقات میں تدریسی معیار کو مزید بہتر بنانے پر زور دیا اور جدید طریقۂ تدریس اپنانے کی ہدایت کی۔ انہوں نے کلاس رومز کا معائنہ بھی کیا اور طلبہ سے سوالات کر کے ان کی تیاری کو جانچا۔
سکول انتظامیہ نے مختلف مسائل اور ضروریات سے آگاہ کیا، جن کے حل کے لیے مثبت یقین دہانی کروائی گئی۔ آخر میں ڈی ڈی ای صاحب نے سکول کی کارکردگی کو سراہتے ہوئے مزید محنت کی تلقین کی۔

ڈپٹی ڈائریکٹر ایجوکیشن کا داریل کے تعلیمی اداروں کے دورہ کا دوسرا دنڈپٹی ڈائریکٹر ایجوکیشن ضلع دیامر جناب رحیم اللّٰہ ص...
24/04/2026

ڈپٹی ڈائریکٹر ایجوکیشن کا داریل کے تعلیمی اداروں کے دورہ کا دوسرا دن
ڈپٹی ڈائریکٹر ایجوکیشن ضلع دیامر جناب رحیم اللّٰہ صاحب نے ڈسٹرکٹ کوآرڈینیٹر ایجوکیشن فیلوز جناب عبد الغفار صاحب کے ساتھ مورخہ 23 اپریل 2026 کا دن بھی داریل کے مختلف تعلیمی اداروں کا تفصیلی معائنہ کرتے ہوئے گزارا۔
دونوں آفیسرز حضرات نے اپنے آج کے دورے کا آغاز گورنمنٹ بوائز ہائی سکول شاہی محل سے کیا، جس کے بعد گرلز پرائمری سکول شاہی محل، بوائز ہائی سکول منیکال ، بوائز ہائی سکول گبر داریل اور پرائمری سکول یشوٹ داریل کا دورہ کیا۔
دورے کے دوران آپ نے کلاس رومز میں جا کر نہ صرف طلبہ کی تعلیمی استعداد کا جائزہ لیا گیا بلکہ سکولوں میں دستیاب بنیادی سہولیات، تدریسی عمل اور مجموعی تعلیمی ماحول کا بھی بغور معائنہ کیا۔
بعد ازاں، آپ نے داریل کے تمام سکولوں کے ہیڈ ماسٹرز صاحبان، اسسٹنٹ ایجوکیشن آفیسرز صاحبان اور پرائمری سکولوں کے انچارج صاحبان کے ساتھ ایک اہم اجلاس کی صدارت کی، جس میں تعلیمی بہتری کے پہلوؤں، درپیش مسائل اور ان کے ممکنہ حل پر تفصیلی گفتگو کی گئی۔
ڈپٹی ڈائریکٹر صاحب نے تعلیمی معیار کو مزید بہتر بنانے، اساتذہ کی حاضری یقینی بنانے اور طلبہ کی کارکردگی میں بہتری لانے پر خصوصی زور دیا۔

ڈپٹی ڈائریکٹر ایجوکیشن کا داریل کے تعلیمی اداروں اور امتحانی مرکز کا اہم دورہمورخہ 22 اپریل کو ڈپٹی ڈائریکٹر ایجوکیشن (D...
22/04/2026

ڈپٹی ڈائریکٹر ایجوکیشن کا داریل کے تعلیمی اداروں اور امتحانی مرکز کا اہم دورہ
مورخہ 22 اپریل کو ڈپٹی ڈائریکٹر ایجوکیشن (DDE) ضلع دیامر نے داریل کے مختلف تعلیمی اداروں اور سیکنڈری سطح کے امتحانی مرکز کا اچانک اور تفصیلی دورہ کیا۔ اس دورے کا بنیادی مقصد مجموعی نظام تعلیم کا جائزہ ، امتحانات کے شفاف، منصفانہ اور منظم انعقاد کو یقینی بنانا تھا۔
دورے کے دوران بوائز ہائی سکول سمیگال، گرلز پرائمری سکول سمیگال، پرائمری سکول گماری، بوائز مڈل سکول بدن، گرلز پرائمری سکول بدن اور بوائز مڈل سکول تبورڑ کا معائنہ کیا گیا۔ اس کے علاوہ ہائیر سیکنڈری سکول گماری میں قائم امتحانی مرکز کا بھی تفصیلی جائزہ لیا گیا۔
ڈپٹی ڈائریکٹر صاحب نے امتحانی عمل کے مختلف پہلوؤں کا باریک بینی سے مشاہدہ کیا۔
اس موقع پر انہوں نے ہدایت کی کہ امتحانات کے دوران شفافیت، دیانتداری اور نظم و ضبط کو ہر صورت برقرار رکھا جائے اور میرٹ کی بالادستی کو یقینی بنایا جائے۔
یہ دورہ محکمہ تعلیم ضلع دیامر کے اس عزم کی واضح عکاسی کرتا ہے کہ تعلیمی معیار کو بہتر بنایا جائے، امتحانی نظام کو مزید مضبوط بنایا جائے اور طلبہ کو ایک محفوظ اور سازگار تعلیمی ماحول فراہم کیا جائے۔

ڈپٹی ڈائریکٹر ایجوکیشن کا امتحانی مراکز کا دورہآج نائب ناظم تعلیمات ضلع دیامر نے ٹاؤن ایریا کے مختلف اسکولوں میں قائم سی...
21/04/2026

ڈپٹی ڈائریکٹر ایجوکیشن کا امتحانی مراکز کا دورہ
آج نائب ناظم تعلیمات ضلع دیامر نے ٹاؤن ایریا کے مختلف
اسکولوں میں قائم سیکنڈری کلاسز کےامتحانی مراکز جس میں بوائز ہائی سکول تکیہ چلاس اور ماڈل ہائی سکول چلاس کا تفصیلی معائنہ کیا۔ اس موقع پر انہوں نے امتحانی عمل، طلبہ کی حاضری، نظم و ضبط اور انتظامی امور کا بغور جائزہ لیا۔
اہم نکات
• طلبہ کے امتحانی ماحول اور سہولیات کا مشاہدہ
• امتحانی عملے سے ملاقات اور رہنمائی
• شفافیت اور معیاری امتحانی نظام کو یقینی بنانے کا عزم
ڈپٹی ڈائریکٹر صاحب نے اس موقع پر امتحانی عملے کو ھدایت کی کہ امتحانات کی شفافیت اور معیار کو ہر صورت برقرار رکھا جائے

Address

Chilas

Opening Hours

Monday 08:30 - 16:30
Tuesday 08:30 - 16:30
Wednesday 08:29 - 16:30
Thursday 08:30 - 16:30
Friday 08:30 - 16:30

Website

Alerts

Be the first to know and let us send you an email when Deputy Director Education District Diamer posts news and promotions. Your email address will not be used for any other purpose, and you can unsubscribe at any time.

Shortcuts

Share

Category