04/04/2026
پاکستان مسلم لیگ (ن) ویمن ونگ سندھ کا گورنر ہاؤس میں اہم اجلاس
پاکستان مسلم لیگ (ن) ویمن ونگ سندھ کا ایک باوقار وفد گورنر ہاؤس سندھ پہنچا جہاں گورنر سندھ جناب نہال ہاشمی صاحب سے ملاقات کی گئی۔ وفد نے انہیں گورنر کا منصب سنبھالنے پر دلی مبارکباد پیش کی اور نیک تمناؤں کا اظہار کیا۔
وفد کی قیادت صدر ویمن ونگ سندھ محترمہ زاہدہ بھنڈ اور جنرل سیکریٹری محترمہ مہوش رحمان نے کی، جبکہ مختلف اضلاع اور ڈویژنز سے تعلق رکھنے والی خواتین عہدیداران بھی اس موقع پر شریک تھیں۔
ملاقات کے دوران ملکی سیاسی صورتحال، پارٹی تنظیم سازی اور بالخصوص خواتین کو درپیش مسائل پر تفصیلی تبادلہ خیال کیا گیا۔ وفد نے خواتین کے مسائل کو مؤثر انداز میں اجاگر کرتے ہوئے ان کے حل کے لیے عملی اقدامات کی ضرورت پر زور دیا۔
گورنر سندھ نہال ہاشمی صاحب نے وفد کی آمد کو خوش آئند قرار دیتے ہوئے یقین دہانی کروائی کہ خواتین کی فلاح، ان کے حقوق کے تحفظ اور سیاسی میدان میں ان کی فعال شمولیت کے لیے ہر ممکن تعاون فراہم کیا جائے گا۔
یہ ملاقات پاکستان مسلم لیگ (ن) ویمن ونگ سندھ کے عزم اور خواتین کی آواز کو مضبوط بنانے کی ایک اہم کڑی ثابت ہوئی۔