05/08/2026
درگئی۔
جنرل سیکرٹری جماعت اسلامی ضلع ملاکنڈ رضوان اللہ مہمند اور صدر نیشنل لیبر فیڈریشن ضلع ملاکنڈ رشید احمد قاضی نے پٹرولیم مصنوعات کی قیمتوں میں مسلسل اضافے، پٹرولیم لیوی اور ملاکنڈ ڈویژن میں ٹیکسوں کے نفاذ کے خلاف 7 اگست کو ملک گیر احتجاج کے سلسلے میں ٹرک ڈرائیور ایسوسی ایشن درگئی کے صدر حاجی جمیل سے ملاقات کی۔
ملاقات کے دوران رہنماؤں نے حاجی جمیل کو 7 اگست کو سوات موٹروے چکدرہ انٹرچینج پر ہونے والے احتجاجی دھرنے میں شرکت کی دعوت دی، جسے انہوں نے قبول کرتے ہوئے احتجاج میں بھرپور شرکت اور مکمل تعاون کی یقین دہانی کرائی۔
اس موقع پر حاجی جمیل نے پٹرولیم لیوی، ملاکنڈ ڈویژن میں ٹیکسوں کے نفاذ کے خلاف جماعت اسلامی کی جانب سے 7 اگست کو دی گئی ملک گیر احتجاج کی کال کی بھرپور حمایت کا اعلان کیا۔
