Civil THQ Level Hospital Dinga

13/05/2026

وزیرِ اعلیٰ پنجاب محترمہ مریم نواز شریف کے وژن کے تحت سول تحصیل ہیڈ کوارٹر ہسپتال ڈنگہ ضلع گجرات میں 14 مئی تا 17 مئی چار روزہ چیف منسٹر اسپیشل سکریننگ کیمپ کا انعقاد کیا جا رہا ہے۔

عوام الناس سے گزارش ہے کہ اس موقع سے بھرپور فائدہ اٹھائیں۔ اس کیمپ میں درج ذیل سہولیات مفت فراہم کی جائیں گی:
بلڈ سکریننگ
تپ دق (TB) کی جانچ
ہیپاٹائٹس سکریننگ
ایچ آئی وی ٹیسٹ
مستحق مریضوں کو ادویات کی مفت فراہمی
اپنی اور اپنے اہلِ خانہ کی صحت کے تحفظ کے لیے ضرور تشریف لائیں۔

06/05/2026

گرمیوں کا موسم شروع ہوتے ہی فوڈ پوائزننگ food poisoning کے کیسز تیزی سے بڑھ جاتے ہیں—خاص طور پر جب ہم پانی اور خوراک کی صفائی کا خیال نہیں رکھتے۔
اس موسم میں ڈائریا diarrhea اور الٹی (vomiting) بہت عام ہو جاتے ہیں، اور ان کی بڑی وجہ غیر محفوظ پانی، گندے برتن، اور ہاتھ نہ دھونا ہے۔ کئی بار مسئلہ صرف جراثیم نہیں بلکہ وہ “ٹاکسن” toxin ہوتے ہیں جو کھانے میں پہلے ہی بن چکے ہوتے ہیں، خاص طور پر وہ غذائیں جو زیادہ دیر تک پڑی رہیں یا گرم اور مرطوب ماحول میں رکھی گئی ہوں۔

دودھ اور گھی سے بنی پرانی اشیاء، چاٹ، کٹے ہوئے پھل، سلاد، مشروبات، اور خاص طور پر دوبارہ گرم کیے گئے چاول (reheated rice) ایسے آئٹمز ہیں جن میں بیکٹیریا اور ٹاکسن تیزی سے بنتے ہیں۔ اسی طرح شادی بیاہ یا بڑی تقاریب کا کھانا جو گھنٹوں پہلے تیار ہو کر ٹھنڈا پڑا رہے، وہ بھی فوڈ پوائزننگ کا بڑا سبب بن سکتا ہے۔

بچاؤ کے لیے چند سادہ اصول یاد رکھیں: ہمیشہ صاف پانی استعمال کریں، ہاتھ باقاعدگی سے دھوئیں، تازہ اور گرم کھانا کھائیں، اور باسی یا دیر سے رکھا ہوا کھانا حتیٰ الامکان avoid کریں۔ یاد رکھیں، تھوڑی سی احتیاط آپ کو اور آپ کے خاندان کو شدید بیماری سے بچا سکتی ہے۔
ڈاکٹر محمد اکمل
میڈیکل سپرنٹینڈنٹ ، تحصیل ہیڈ کوارٹر ہسپتال ڈنگہ

28/04/2026

25/04/2026

پریس ریلیز مورخہ 25 اپریل 2026
آج تحصیل لیول ہسپتال ڈنگہ میں سینئر صحافیوں کے ایک نمائندہ وفد نے دورہ کیا، جہاں میڈیکل سپرنٹنڈنٹ ڈاکٹر محمد اکمل چوہدری نے ان کا خیرمقدم کیا۔ اس موقع پر وفد کو ہسپتال کے مختلف شعبوں کا تفصیلی معائنہ کروایا گیا اور ادارے کے انتظامی و طبی نظام سے آگاہ کیا گیا۔

دورے کے دوران ہسپتال انتظامیہ کی جانب سے بتایا گیا کہ ادارہ گزشتہ چند برسوں میں اپنی کارکردگی، نظم و ضبط اور مریضوں کو فراہم کی جانے والی معیاری سہولیات کے باعث صوبائی سطح پر ایک ممتاز حیثیت اختیار کر چکا ہے۔ یہ کامیابی موجودہ انتظامیہ کی مستقل محنت، مؤثر نگرانی اور بہتر حکمت عملی کا نتیجہ ہے۔

ایم ایس ڈاکٹر محمد اکمل چوہدری نے بریفنگ میں بتایا کہ ہسپتال میں روزانہ بڑی تعداد میں مریضوں کا معائنہ کیا جاتا ہے اور انہیں بلا امتیاز یکساں معیار کی طبی سہولیات فراہم کی جا رہی ہیں۔ مزید یہ کہ مستحق مریضوں کو ادویات کی مفت فراہمی بھی یقینی بنائی جا رہی ہے تاکہ علاج کی سہولیات ہر فرد تک پہنچ سکیں۔

انہوں نے اس بات پر زور دیا کہ ہسپتال کا تمام عملہ پیشہ ورانہ ذمہ داری اور خدمتِ خلق کے جذبے کے تحت اپنی خدمات انجام دے رہا ہے، جبکہ مستقبل میں سہولیات کے معیار کو مزید بہتر بنانے کے لیے اقدامات جاری رکھے جائیں گے۔

دورے کے اختتام پر صحافتی وفد نے ہسپتال کی مجموعی کارکردگی کو سراہا اور اس امید کا اظہار کیا کہ تحصیل لیول ہسپتال ڈنگہ آئندہ بھی عوام کو معیاری طبی سہولیات کی فراہمی میں اپنی مثبت روایت برقرار رکھے گا۔

24/04/2026

آج مورخہ 24 اپریل 2026 کو اسسٹنٹ کمشنر کھاریاں کی زیر صدارت ہیلتھ کونسل، تحصیل ہیڈ کوارٹر ہسپتال ڈنگہ کا اہم اجلاس منعقد ہوا، جس میں مریضوں اور ان کے لواحقین کو فراہم کی جانے والی سہولیات کے فروغ سے متعلق امور کا تفصیلی جائزہ لیا گیا۔

اجلاس میں چیئرمین ہیلتھ کونسل احمد شیر گوندل، میڈیکل سپرنٹنڈنٹ ڈاکٹر محمد اکمل، ڈپٹی ڈسٹرکٹ ہیلتھ آفیسر کھاریاں ڈاکٹر اسامہ طاہر، چیف آفیسر میونسپل کمیٹی ڈنگہ چوہدری عرفان احمد گوندل سمیت دیگر افسران نے شرکت کی اور اس عزم کا اعادہ کیا کہ ہسپتال میں آنے والے مریضوں اور ان کے تیمارداروں کو معیاری اور مؤثر طبی سہولیات کی فراہمی کو ہر صورت یقینی بنایا جائے گا اور اس مقصد کے لیے تمام دستیاب وسائل بھرپور انداز میں بروئے کار لائے جائیں گے۔

11/04/2026

پولیو کے خلاف قومی مہم کا آغاز 💉🇵🇰

ڈپٹی کمشنر Noor ul Ain Qureshi اور سی ای او ڈی ایچ اے گجرات Dr. Syed Ata ul Manum کی زیر نگرانی، THQ ہسپتال ڈنگہ میں 13 اپریل سے 16 اپریل تک پولیو مہم کا انعقاد کیا جا رہا ہے۔

یہ پیغام میڈیکل سپرنٹنڈنٹ Dr. Muhammad Akmal کی جانب سے ہے کہ تمام والدین اپنے 5 سال سے کم عمر بچوں کو پولیو کے قطرے لازمی پلوائیں تاکہ ہم سب مل کر اس موذی مرض کا خاتمہ کر سکیں۔ 🙏

پولیو سے بچاؤ، صحت مند پاکستان کی ضمانت ہے۔
آئیں اس مہم کو کامیاب بنائیں! 🌟

08/04/2026

محترمہ وزیر اعلیٰ پنجاب Maryam Nawaz صاحبہ کی ہدایات کی روشنی میں، ڈپٹی کمشنر Gujrat اور اسسٹنٹ کمشنر Kharian کی زیر نگرانی ہسپتال میں جامع ڈیپ کلیننگ مہم کامیابی سے مکمل کی گئی۔

اس مہم کے دوران ہسپتال کے تمام شعبہ جات بشمول ایمرجنسی، وارڈز، او پی ڈی، لیبارٹری، آپریشن تھیٹر، راہداریوں، واش رومز، اسٹورز اور بیرونی احاطہ کی مکمل صفائی، دھلائی اور جراثیم کش اسپرے کے ذریعے ڈس انفیکشن کیا گیا۔ صفائی کے عمل کو مؤثر بنانے کے لیے خصوصی ٹیموں نے ہر حصے کا تفصیلی جائزہ لیا اور اعلیٰ معیار کے مطابق صفائی کو یقینی بنایا۔

انتظامیہ اس عزم کا اعادہ کرتی ہے کہ ہسپتال میں صفائی، نظم و ضبط اور بہترین طبی سہولیات کی فراہمی کو ہر صورت برقرار رکھا جائے گا۔

01/05/2025

تحصیل ہیڈ کوارٹر لیول گورنمنٹ ہسپتال ڈنگہ میں عوام کیلئے جدید طبی سہولیات — 24 گھنٹے دستیاب!
ہمارے میڈیکل سپرنٹینڈنٹ جناب ڈاکٹر محمد اکمل صاحب کی زبانی تفصیلات جانیں۔