09/07/2026
اظہارِ تشکر
ایگزیکٹیو انجینئر پبلک ہیلتھ انجینئرنگ (PHE) لوئر چترال، ایس ڈی او PHE دروش، انجینئرز اور تمام PHE اسٹاف کی جانب سے دروش کی معزز عوام، ضلعی انتظامیہ، ڈپٹی کمشنر لوئر چترال، شہنگار، چکدام، دامہ گول، ازوردم اور دروش کے دیگر علاقوں کےغیور عوام اور ان کے معزز سیاسی نمائندگان کا تہہ دل سے شکریہ ادا کیا جاتا ہے۔
حالیہ سیلاب اور واٹر سپلائی کی مین لائن میں شدید بلاکیج اور پانی کی معطلی کے دوران آپ سب نے جس ذمہ داری اور صبر و تحمل کا مظاہرہ کیا، وہ قابلِ ستائش ہے۔ خصوصاً ان تمام سیاسی نمایندگان کا خصوصی شکریہ جنہوں نے موقع پر پہنچ کر بحالی کے کام کی نگرانی کی، ہماری ٹیم کی حوصلہ افزائی کی اور ہر ممکن تعاون فراہم کیا۔
دروش کی غیور عوام نے بھی اس مشکل وقت میں جس صبر و تحمل، تعاون اور اعتماد کا مظاہرہ کیا، اس پر ہم ان کے بے حد شکر گزار ہیں۔ عوام کے تعاون، دعاؤں اور اعتماد نے ہماری ٹیم کو دن رات مسلسل محنت کرنے کا حوصلہ دیا، جس کی بدولت بحالی کا کام ممکن ہوا۔
ہم امید کرتے ہیں کہ آئندہ بھی دروش کی غیور عوام، ضلعی انتظامیہ، معزز سیاسی نمائندگان اور تمام متعلقہ ادارے اسی جذبۂ تعاون کے ساتھ ہمارا ساتھ دیتے رہیں گے تاکہ عوام کو بروقت اور معیاری خدمات کی فراہمی یقینی بنائی جا سکے ۔
اللہ تعالیٰ آپ سب کو جزائے خیر عطا فرمائے۔
ایگزیکٹو انجینئر (PHE) لوئر چترال
ایس ڈی او (PHE) دروش
