Urdu Poetry Club

16/04/2025

19/01/2022

دیکھ محبت کا دستور
تو مجھ سے میں تجھ سے دور

تنہا تنہا پھرتے ہیں
دل ویراں آنکھیں بے نور

دوست بچھڑتے جاتے ہیں
شوق لیے جاتا ہے دور

ہم اپنا غم بھول گئے
آج کسے دیکھا مجبور

دل کی دھڑکن کہتی ہے
آج کوئی آئے گا ضرور

کوشش لازم ہے پیارے
آگے جو اس کو منظور

سورج ڈوب چلا ناصرؔ
اور ابھی منزل ہے دور

ناصر کاظمی

14/01/2022

بے دلی کیا یونہی دن گزر جائیں گے۔۔
صرف زندہ رہے تو مر جائیں گے۔۔

09/01/2022

بڑی سوچیں میرے چہرے پہ چپکی رہ گئیں..

میں جواں عمری میں ہی صدیوں پرانا ہو گیا..

31/12/2021

ﺑﻦ ﺗﯿﺮﮮ ﮐﺎﺋﻨﺎﺕ ﮐﺎ ﻣﻨﻈﺮ
ﺍﮎ ﺩﺳﻤﺒﺮ ﮐﯽ ﺷﺎﻡ ﮨﻮ ﺟﯿﺴﮯ
ﺩﺭﺩ ﭨﮭﮩﺮﺍ ﮨﮯ ﺁ ﮐﮯ ﯾﻮﮞ ﺩﻝ ﻣﯿﮟ
ﻋﻤﺮ ﺑﮭﺮ ﮐﺎ ﻗﯿﺎﻡ ﮨﻮ ﺟﯿﺴﮯ..

23/12/2021

زندگی کے میلے میں خواہشوں کے ریلے میں
تم سے کیا کہیں جاناں اس قدر جھمیلے میں
وقت کی روانی ہے بخت کی گرانی ہے
سخت بے زمینی ہے سخت لا مکانی ہے
ہجر کے سمندر میں
تخت اور تختے کی ایک ہی کہانی ہے
تم کو جو سنانی ہے
بات گو ذرا سی ہے
بات عمر بھر کی ہے
عمر بھر کی باتیں کب دو گھڑی میں ہوتی ہیں
درد کے سمندر میں
ان گنت جزیرے ہیں بے شمار موتی ہیں
آنکھ کے دریچے میں تم نے جو سجایا تھا
بات اس دئے کی ہے
بات اس گلے کی ہے
جو لہو کی خلوت میں چور بن کے آتا ہے
لفظ کی فصیلوں پر ٹوٹ ٹوٹ جاتا ہے
زندگی سے لمبی ہے بات رت جگے کی ہے
راستے میں کیسے ہو
بات تخلیئے کی ہے
تخلیئے کی باتوں میں گفتگو اضافی ہے
پیار کرنے والوں کو اک نگاہ کافی ہے
ہو سکے تو سن جاؤ ایک روز اکیلے میں
تم سے کیا کہیں جاناں اس قدر جھمیلے ہیں

امجد اسلام امجد

20/12/2021

اندھیری رات میں رہتے تو کتنا اچھا تھا
ہم اپنی ذات میں رہتے تو کتنا اچھا تھا

دکھوں نے بانٹ لیا ہے تمہارے بعد ہمیں
تمہارے ہاتھ میں رہتے تو کتنا اچھا تھا

وصی شاہ

22/11/2021

‏تیرے قول و قرار سے پہلے
اپنے کچھ اور بھی سہارے تھے

"فیض احمد فیض"