30/09/2025
Press Release
محکمہ خوراک نے غذر کے بالائی علاقوں کے رہائشیوں کی مشکلات کو کم کرنے کے لئیے متبادل راستے سے چھوٹی گاڑیوں کے زریعے کی ترسیل شروع کردی ھے۔ مرکزی شاہراہ راؤشن گوپس کے مقام پر گزشتہ ڈیڑھ مہینے سے بند ھے۔جس کے باعث بالائی غذر خصوصاََ ضلع گوپس۔یاسین میں گندم کی قلت پیدا ہوگئی ہے ۔محکمہ خوراک ان علاقوں میں موسم سرما کی آمد سے قبل گندم کی فراہمی یقینی بنانے کے لیے بھرپور اقدامات کر رہا ہے ۔جب مرکزی سڑک بحال ہو گئ تو مکمل لوڈ کے ساتھ گندم ان علاقوں میں پہنچائی جائے گی۔ تاہم ایمرجنسی کی صورتحال کو مدنظر رکھتے ہوئے بڑی گاڑیوں کے زریعے بلاک تک اور وہاں سے آگے چھوٹی گاڑیوں کے زریعے باقاعدہ تمام سٹیشنوں تک گندم پہنچائی جائے گی۔ سکریٹری خوراک گلگت۔بلتستان جناب صفدر خان صاحب کی خصوصی ہدایات کی روشنی میں ڈائریکٹر خوراک جناب محمد جعفر صاحب کے زیر نگرانی اسسٹنٹ ڈائریکٹر/ڈسٹرکٹ فوڈ کنٹرولر ضلع غذر جناب خالد حسین نے آج تمام ٹھیکیداروں اور ان کے نمائندوں کی موجودگی میں باقاعدہ لوڈنگ کا آغاز کر دیا ہے۔ بڑے سٹیشن یاسین اور گوپس کیلئے پہلے ہی اسلام آباد سے لوڈنگ شروع ہو چکی ہے۔ یاد رہے۔کہ گزشتہ ڈیڑھ ماہ سے سڑک کی بندش کی وجہ سے گندم کا بحران شدت اختیار کر چکا تھا۔ محکمہ خوراک کی کوشش ہے۔کہ اگلے چار سے پانچ روز میں گندم کی فراہمی کو یقینی بناکر بحران پہ قابو پایا جاۓگا ۔
از دفتر اسسٹنٹ ڈائریکٹر خوراک/ ڈسٹرکٹ فوڈ کنٹرولر ضلع غذر
