14/08/2026
یومِ آزادی نمبردار کنونشن 🇵🇰
14 اگست یومِ آزادی کے موقع پر نمبردار ایسوسی ایشن ضلع گوجرانوالہ کے زیرِ اہتمام ضلع کونسل ہال گوجرانوالہ میں شاندار نمبردار کنونشن کا انعقاد کیا گیا۔
کنونشن میں ضلع گوجرانوالہ کے تمام معزز نمبرداران نے بھرپور شرکت کی، بالخصوص تحصیل نوشہرہ ورکاں کے نمبرداران صاحبان نے ریلی کی شکل میں شرکت کرکے تقریب کی رونق کو دوبالا کر دیا۔
اس موقع پر ڈی سی گوجرانوالہ جناب نوید احمد صاحب، اے ڈی سی آر جناب ڈاکٹر طیب حیات صاحب، اے سی صدر جناب فیصل مجید صاحب اور دیگر معزز افسران نے بطورِ مہمانِ خصوصی شرکت کی۔ نمبرداران کی جانب سے معزز مہمانوں کا پرتپاک استقبال کیا گیا۔
ڈی سی گوجرانوالہ جناب نوید احمد صاحب نے نمبرداران سے خطاب کرتے ہوئے ان کی کارکردگی کو سراہا اور کہا کہ "نمبردار دیہات اور انتظامیہ کے درمیان ریڑھ کی ہڈی کی حیثیت رکھتے ہیں۔"
نمبردار کنونشن کے دوران معزز افسران اور نمبرداران صاحبان نے مل کر یومِ آزادی کا کیک کاٹا اور وطنِ عزیز کی سلامتی، ترقی اور خوشحالی کے لیے دعائیں کیں۔
کنونشن کے اختتام پر اے سی صدر جناب فیصل مجید صاحب نے نمبرداران صاحبان کو کامیاب کنونشن کے انعقاد پر مبارکباد پیش کی۔
ہم اپنے تمام معزز مہمانانِ گرامی اور معزز نمبرداران صاحبان کے تہہ دل سے مشکور ہیں جنہوں نے اپنی قیمتی شرکت سے نمبردار کنونشن کو کامیاب اور یادگار بنایا بلخصوص ضلع وزیر آباد سے آئے معززین نمبرداران صاحبان کے بے حد مشکور ہیں
🇵🇰 پاکستان زندہ باد 🇵🇰
👑 نمبردار اتحاد پائندہ باد 👑
منجانب:
چوہدری تصور حسین چیمہ نمبردار
کوآرڈینیٹر سوشل میڈیا
نمبردار ایسوسی ایشن ضلع گوجرانوالہ
Deputy Commissioner Gujranwala
Maryam Nawaz Sharif
Board of Revenue, Punjab
