PML Gujrat

16/03/2021

عوام کے بنیادی مسائل کا حل ہمارا مشن ہے،خاندان کی روایات کے مطابق عوام کی خدمت جاری رہے گی۔ مونس الٰہی
سڑکیں، گلیاں و نالیاں، سیوریج کا نظام بہتر بنانے کیلئے لائحہ عمل مرتب کر لیا،یونین کونسل جھیورانوالی کے سابق بلدیاتی نمائندوں، سیاسی و سماجی شخصیات سمیت معززین علاقہ سے ملاقات کے موقع پر گفتگو۔

عوام کے بنیادی مسائل کا حل ہمارا مشن ہے،خاندان کی روایات کے مطابق عوام کی خدمت جاری رہے گی۔ مونس الٰہی سڑکیں، گلیاں و نالیاں، سیوریج کا نظام بہتر بنانے کیلئے...

04/01/2021

23/12/2020

کسانوں کے جائز مطالبات کو پورا کرنے کیلئے ہم نے ہر فورم پر آواز بلند کی، کسانوں کو خوشحال کرنا وقت کی ضرورت ہے: چودھری پرویزالٰہی
کورونا وبا ختم ہوتے ہی ضلع راولپنڈی کا دورہ اور ورکرز کنونشن سے خطاب کروں گا: زبیر احمد خان اور جنرل سیکرٹری پاکستان مسلم لیگ راولپنڈی فیاض تبسم کی ملاقات، ملکی سیاسی صورتحال اور تنظیم سازی پر تبادلہ خیال کیا گیا
لاہور(23دسمبر2020) سپیکر پنجاب اسمبلی چودھری پرویزالٰہی سے سپیکر چیمبر میں ضلعی صدر پاکستان مسلم لیگ راولپنڈی و پولیٹیکل کوآرڈی نیٹر سپیکر پنجاب اسمبلی زبیر احمد خان اور جنرل سیکرٹری پاکستان مسلم لیگ راولپنڈی فیاض تبسم نے ملاقات کی۔ اس موقع پر ملکی سیاسی صورتحال اور مسلم لیگ راولپنڈی کی ضلع میں اب تک ہونے والی تنظیم سازی پر تبادلہ خیال کیا گیا۔ چودھری پرویزالٰہی نے کہا کہ پاکستان مسلم لیگ پنجاب میں بلدیاتی الیکشن میں بھر پور حصہ لے گی اس سلسلہ میں عوامی خدمت کا جذبہ رکھنے والی شخصیات کو ترجیح دی جائے گی۔ انہوں نے کہا کہ کسانوں کے جائز مطالبات کو پورا کرنے کیلئے ہم نے ہر فورم پر آواز بلند کی ہے، کسانوں کو خوشحال کرنا وقت کی ضرورت ہے۔ سپیکر پنجاب اسمبلی چودھری پرویزالٰہی نے ضلعی تنظیم پر اطمینان کا اظہارکرتے ہوئے دونوں رہنماؤں کی کارکردگی کو سراہا۔ ضلعی صدر زبیر احمد خان نے چودھری پرویزالٰہی کو دورۂ راولپنڈی کی دعوت دی جس پر انہوں نے کہا کے کورونا وائرس کی وبا ختم ہوتے ہی ضلع راولپنڈی کا دورہ کروں گا اور ورکرز کنونشن سے خطاب بھی کروں گا۔ چودھری پرویزالٰہی نے کہا کہ کارکنان ہماری جماعت کا قیمتی اثاثہ ہیں، دورے کے دوران نہ صرف کارکنوں سے ملاقات بھی کروں گا بلکہ ان کے جائز مطالبات بھی پورے کئے جائیں گے

21/12/2020

وزیر آباد کارڈیالوجی کا منظور شدہ بجٹ چھ ماہ سے نہیں دیاجارہا، کیا فائدہ ایسے بجٹ کا جو کمیٹیوں میں گھومتا رہے، چودھری پرویزالٰہی
فنڈز ریلیز نہ ہونے کی وجہ سے صورتحال کافی گھمبیر ہو گئی ہے، 200 مریض آپریشن کے انتظار میں ہیں اور سارے انتظامی امور زیر التواء ہیں: سپیکر پنجاب اسمبلی کا اجلاس کے دوران اظہارِ خیال
لاہور(21دسمبر2020) سپیکر پنجاب اسمبلی چودھری پرویزالٰہی نے کہا ہے کہ وزیر آباد کارڈیالوجی کا منظور کردہ فنڈز ابھی تک ریلیز نہ ہو سکا جس سے صورتحال گھمبیر ہو گئی ہے، وزیر آباد کارڈیالوجی کا منظور شدہ بجٹ چھ ماہ سے نہیں دیاجارہا، کیا فائدہ ایسے بجٹ کا جو کمیٹیوں میں گھومتا رہے، فنڈز ریلیز نہ ہونے کی وجہ سے 200 مریض آپریشن کے انتظار میں ہیں۔ ان خیالات کااظہار انہوں نے پنجاب اسمبلی کے اجلاس کے صدارت کرتے ہوئے کیا۔ انہوں نے مزید کہا کہ فنڈز کی عدم دستیابی سے ہسپتال کے سارے انتظامی امور زیر التواء ہیں، وزیراعظم عمران خان نے بھی اس منصوبے کی تعریف کی تھی۔ سپیکر نے کہا کہ انہوں نے وزیراعلیٰ پنجاب سے بھی وزیر آباد کارڈیالوجی کے بارے میں بات کی تھی مگر کچھ نہ بنا۔ انہوں نے کہا کہ حکومت کیا کررہی ہے اسمبلی سے پاس کردہ بجٹ کو کیوں نہیں جاری کیا جا رہا؟ اگر اسمبلی کے فیصلوں کو نہیں ماننا تو اس اسمبلی کا کیا فائدہ اسے بند کر دیاجائے۔ چودھری پرویزالٰہی نے کہا کہ پی ٹی آئی حکومت کے منصوبے پایہ تکمیل تک پہنچانے میں فنانس کمیٹی آف ڈویلپمنٹ بڑی رکاوٹ ہے۔ بعدازاں سپیکر نے معاملہ سپیشل کمیٹی نمبر بارہ کے سپرد کر دیا۔ قبل ازیں وقفہ سوالات میں محکمہ محنت و انسانی وسائل سے متعلق سوالات کیے گئے۔ صوبائی وزیر قانون محمد بشارت راجہ نے ایوان میں پانچ آرڈیننس جن میں آرڈیننس دی شوگر فیکٹریز (کنٹرول) (ترمیم)2020، آرڈیننس دی شوگر فیکٹریز (کنٹرول) (دوسری ترمیم)2020، آرڈیننس دی پنجاب لوکل گورنمنٹ(ترمیم)2020، آرڈیننس(ترمیم) 2020، The Companies Profits (Workers' Participation) آرڈیننس، دی پنجاب اوورسیز پاکستانیز کمیشن 2020 پیش کیے جنہیں سپیکر پنجاب اسمبلی نے پیش کرنے کی منظوری دی۔ بعد ازاں اسمبلی نے مذکورہ بالا تمام آرڈیننس میں 90 دن تک کیلئے توسیع کر دی۔ وزیر ِقانون محمد بشارت راجہ نے سات آرڈیننس ایوان میں پیش کیے،

02/12/2020

عوام کی فلاح و بہبود کیلئے مل کر کام کرنا ہو گا: چودھری پرویزالٰہی
بطور وزیراعلیٰ آپ نے مثالی کام کیے، پنجاب اسمبلی آپ کی زیرصدارت احسن طریقے سے چل رہی ہے: غلام بی بی بھروانہ
سپیکر پنجاب اسمبلی سے رکن قومی اسمبلی غلام بی بی بھروانہ کی ملاقات، چودھری شجاعت حسین کی خیریت دریافت کی، ملکی و سیاسی صورتحال پر بھی گفتگو
لاہور(02دسمبر2020) سپیکر پنجاب اسمبلی چودھری پرویزالٰہی سے رکن قومی اسمبلی غلام بی بی بھروانہ نے یہاں ان کی رہائش گاہ پر ملاقات کی اور سابق وزیراعظم چودھری شجاعت حسین کی خیریت دریافت کی، ملاقات میں موجودہ ملکی و سیاسی صورتحال پر بھی تبادلہ خیال بھی کیاگیا۔ چودھری پرویزالٰہی نے کہا کہ عوام کی فلاح و بہبو دکیلئے مل کر کام کرنا ہو گا، کسانوں کو خوشحال کرنے کیلئے ان کے جائز مطالبات کو منظور کرنا ہو گا، تاجر اور کسان معیشت کو سنبھالا دینے میں اہم کردار ادا کر رہے ہیں۔ اس موقع پر غلام بی بی بھروانہ نے کہا کہ پنجاب اسمبلی آپ کی زیر صدارت احسن طریقے سے چل رہی ہے، جتنی قانون سازی آپ نے کی ہے باقی اسمبلیوں میں اتنی نہیں ہوئی، بطور وزیراعلیٰ پنجاب آپ نے مثالی کام کیے، ریسکیو 1122، مفت ادویات کی فراہمی، مفت تعلیم و کتابوں کی فراہمی تاریخی منصوبے ہیں، کسانوں کو ساڑھے بارہ ایکڑ تک زرعی ٹیکس معاف کر کے آپ نے کسانوں کی مشکلات میں نمایاں کمی کی ہے یہی وجہ ہے کہ لوگ آج بھی آپ کو سنہری حروف میں یاد کرتے ہیں.

19/11/2020

پاکستان کامثبت پہلو دنیا میں اجاگر کرنے میں اقلیتی برادری کابڑا کردار ہے: چودھری پرویزالٰہی
سپیکر پنجاب اسمبلی چودھری پرویزالٰہی سے ن لیگی ارکان قومی اسمبلی برجیس طاہر، عثمان ابراہیم اور سابق وفاقی وزیر اقلیتی امور اکرم مسیح گل کی ملاقات، چودھری شجاعت حسین کی خیریت دریافت کی
بطور وزیر اعلیٰ آپ نے کرسچن برادری کیلئے جو کام کئے ان کی مثال نہیں ملتی، کرسچن مینارٹی تہہ دل سے آپ کی مشکور ہے: اکرم مسیح گل
لاہور(19نومبر2020) سپیکر پنجاب اسمبلی چودھری پرویزالٰہی سے ن لیگ کے ارکان قومی اسمبلی محمد برجیس طاہر، بیرسٹر عثمان ابراہیم اور سابق وفاقی وزیر اقلیتی امور اکرم مسیح گل نے ان کی رہائش گاہ پر ملاقات کی اور چودھری شجاعت حسین کی خیریت دریافت کی۔ ملاقات میں موجودہ ملکی سیاسی صورتحال اور باہمی دلچسپی کے دیگر امور پر تبادلہ خیال کیا گیا۔ اس موقع پر اسلم پرویز گل بھی موجود تھے۔ چودھری پرویزالٰہی نے ن لیگی ارکان قومی اسمبلی کا شکریہ ادا کیا اور باہمی روابط بڑھانے پر اتفاق کیا۔ اکرم مسیح گل سے گفتگو کرتے ہوئے چودھری پرویزالٰہی نے کہا کہ دنیا میں پاکستان کامثبت پہلو اجاگر کرنے میں اقلیتی برادری کا بڑا کردار ہے، تارکین وطن بیرون ممالک میں پاکستان کے سفیر ہیں۔ اکرم مسیح گل نے کہا کہ بطور وزیراعلیٰ آپ نے کرسچن کمیونٹی کیلئے جو کام کئے ان کی مثال نہیں ملتی، اقلیتوں کیلئے پہلی بار وزارت قائم کی اور پاکستان کی تاریخ میں پہلی بار تعلیمی اداروں کو واپس کیا، چرچز کی تعمیر و بحالی کیلئے فنڈز قائم کیے اور کچی آبادیوں کو مالکانہ حقوق دیئے جس پر کرسچن کمیونٹی تہہ دل سے آپ کی مشکور ہے

18/11/2020

ہفتہ شانِ رحمتہ للعالمینﷺ منانے کا بہترین طریقہ: تحفظ بنیاد اسلام بل کو فوری طور پر وزیراعلیٰ ہاؤس سے نکال کر گورنر کے پاس منظوری کیلئے بھیجا جائے: چودھری پرویزالٰہی
سیرت قرآن اکیڈمی کو بنانے کا اصل مقصد حضرت محمدﷺ کی شان اقدس اور اسوہ حسنہ کو اجاگر کرنا ہے، سیرت سکالرشپ دینے کا بہترین طریقہ یہ ہے جو بطور وزیراعلیٰ میں نے سیرت قرآن اکیڈمی سے جو کام کر کے شروع کیا تھا اس کو مکمل کرتے
شہبازشریف نے دس سال تک تالے لگائے رکھے، موجودہ حکومت کو بھی اڑھائی سال ہوگئے ابھی تک سیرت اکیڈمی میں کوئی خاطر خواہ کام نہ ہو سکا، پورا ربیع الاول کا مہینہ گزر گیا اور یہ اب ہفتہ شانِ مصطفیﷺ منا رہے ہیں
لاہور(18نومبر2020) سپیکر پنجاب اسمبلی چودھری پرویزالٰہی نے کہا ہے ہفتہ شانِ رحمتہ للعالمینﷺ منانے کا بہترین طریقہ یہ ہے کہ تحفظ بنیاد اسلام بل کو فوری طور پر وزیراعلیٰ ہاؤس سے نکال کر گورنر کے پاس منظوری کیلئے بھیجا جائے کیونکہ خاتم النبیین حضرت محمدﷺ کی شان میں گستاخی کرنے والوں کیلئے اس بل میں سزا بھی مقرر ہے۔ اپنی رہائش گاہ پر مختلف مکاتب فکر کے علماء کرام سے ملاقات کے موقع پر چودھری پرویزالٰہی نے کہا کہ دین کی خدمت اور شانِ رسولﷺ منانے کا اصل کام قانون کو پاس کرنے میں ہے، تحفظ بنیاد اسلام بل کے حق میں لاکھوں لوگوں نے جلوس بھی نکالے۔ انہوں نے کہا کہ پچاس کروڑ مالیت کے سیرت سکالرشپ دینے کا بہترین طریقہ یہ ہے کہ بطور وزیراعلیٰ میں نے سیرت قرآن اکیڈمی سے جوکام شروع کیے تھے اس کو مکمل کیا جاتا، سیرت اکیڈمی میں ایم فل اور سیرت رسولﷺ کی ریسرچ کلاسیں ہونی تھیں، ریسرچ سے پتہ چلنا تھا کہ خلفائے راشدین کا حکومت کرنے کا طریقہ کار کیا ہے اور اس سے آج کے حکمران کیسے فائدہ اٹھا سکتے ہیں، یہ سکالرشپ ایسے طلبہ کو دی جانی چاہئے، طلبہ کوئی اور مضمون پڑھیں گے تو ایسی سکالرشپ کا کیا فائدہ۔ چودھری پرویزالٰہی نے کہا کہ سیرت قرآن اکیڈمی کو بنانے کا اصل مقصد خاتم النبیین حضرت محمدﷺ کی شان اقدس، اسوہ حسنہ اور سیرت النبیﷺ کو اجاگر کرنا ہے۔ انہوں نے کہا کہ سیرت قرآن اکیڈمی کو شہبازشریف نے دس سال تک تالے لگائے رکھے جبکہ اڑھائی سال موجودہ حکومت کو ہوگئے لیکن ابھی تک سیرت اکیڈمی میں کوئی کام نہ ہو سکا، سیرت اکیڈمی کا جامعہ الازہر اور اسلامک یونیورسٹی آف مدینہ سے الحاق ہونے جا رہا تھا وہ بھی نہیں ہوا

15/11/2020

تحفظ اسلام بل روکا نہیں جانا چاہئے، علماء کے اندر تشویش پائی جاتی ہے: جلیل احمد شرقپوری

فرقہ واریت نے پاکستان کو بہت نقصان پہنچایا ہے، توہین رسالت پر کوئی سمجھوتہ نہیں ہو گا، اب یک آواز ہو کر تمام فورمز پر آواز بلند کرنا ہو گی: چودھری پرویزالٰہی

دستار اور سنت رسول کی بے حرمتی کرنے والے اور جلیل شرقپوری کے ساتھ ہونے والے واقعہ کے مرتکب ارکان اسمبلی کے خلاف کارروائی کی جائے: ملاقات میں مطالبہ

سپیکر چودھری پرویزالٰہی سے علماء کرام کی ملاقات، چودھری شجاعت حسین کی خیریت دریافت کی اور صحت یابی کیلئے خصوصی دعا بھی کروائی

لاہور(15نومبر2020) سپیکر پنجاب اسمبلی چودھری پرویزالٰہی سے ن لیگی رکن پنجاب اسمبلی جلیل احمد شرقپوری کی قیادت میں علماء کرام کے وفد نے ان کی رہائش گاہ پر ملاقات کی۔ وفد میں ریاض سلطان الحسن شاہ، مفتی سید عاشق حسین اور پیر اختر رسول قادری شامل تھے۔ تمام علماء کرام نے سابق وزیراعظم چودھری شجاعت حسین کی خیریت دریافت کی اور ان کی جلد اور مکمل صحت یابی کیلئے خصوصی دعا بھی کروائی۔ ن لیگی رہنما جلیل شرقپوری نے کہا کہ تحفظ اسلام بل پر اللہ تعالیٰ آپ کو جزائے خیر عطا فرمائے، انشاء اللہ تاریخ میں آپ کا نام اس حوالے سے ہمیشہ یاد رکھا جائے گا، تحفظ اسلام بل روکا نہیں جانا چاہئے، علماء میں اس حوالے تشویش پائی جاتی ہے۔ انہوں نے کہا کہ چودھری پرویزالٰہی وہ پہلے سیاسی رہنما ہیں جنہوں نے پنجاب اسمبلی سے قانون پاس کروا کر خاتم النبیین محمد رسول اللہﷺ، امہات المومنین اور دیگر صحابہ کرام رضوان اللہ علیہم اجمعین کے بارے میں نازیبا مواد پر مشتمل کتب پر فوری پابندی لگائی اور انہیں مارکیٹ سے ضبط بھی کروایا۔ پاکستان مسلم لیگ نے نہ صرف پنجاب اسمبلی بلکہ قومی اسمبلی سمیت ہر فورم پر اس سلسلے میں آواز اٹھائی جس پر ہم انہیں خراج تحسین پیش کرتے ہیں۔ چودھری پرویزالٰہی نے تمام علماء کرام کا شکریہ ادا کرتے ہوئے کہا کہ توہین رسالت پر کوئی سمجھوتہ نہیں ہوگا، فرقہ واریت پاکستان کو پہلے ہی بہت زیادہ نقصان پہنچا چکی ہے، اب ان تمام ایشوز پر ایک مسلمان ہو کر تمام ممکنہ فورمز پر ہمیں اکٹھے آواز بلند کرنا ہوگی تاکہ دنیا کو سمجھ آ سکے کہ اپنے نبی آخرالزماں محمد رسول اللہ ﷺ کی شان کی خاطر ہم سب ایک ہیں۔

14/11/2020

سپیکر پنجاب اسمبلی چودھری پرویزالٰہی سے وفاقی وزیر داخلہ اعجاز شاہ، مشیر خزانہ عبدالحفیظ شیخ اور سپیکر بلوچستان اسمبلی عبدالقدوس بزنجو کی ملاقات
چودھری شجاعت حسین کی خیریت دریافت کی، وہ ایک منجھے ہوئے نفیس سیاستدان ہیں، اللہ انہیں جلد صحت یابی عطا فرمائے
ملاقات میں موجودہ ملکی سیاسی صورتحال اور باہمی دلچسپی کے امور پر بھی تبادلہ خیال
لاہور(14نومبر2020) سپیکر پنجاب اسمبلی چودھری پرویزالٰہی سے وفاقی وزیر داخلہ بریگیڈیئر (ر) اعجاز شاہ، وزیراعظم کے مشیر برائے خزانہ ڈاکٹر عبدالحفیظ شیخ اور سپیکر بلوچستان اسمبلی میر عبدالقدوس بزنجو نے ان کی رہائش گاہ پر ملاقات کی۔ اس موقع پر وارث بیگ، سیکرٹری پنجاب اسمبلی محمد خان بھٹی اور جی ایم سکندر بھی موجود تھے۔ ملاقات میں موجودہ ملکی سیاسی صورتحال اور باہمی دلچسپی کے امور پر بھی تبادلہ خیال کیا گیا۔ بریگیڈیئر (ر) اعجاز شاہ، ڈاکٹر عبدالحفیظ شیخ اور عبدالقدوس بزنجو نے چودھری شجاعت کی خیریت دریافت کی۔ انہوں نے کہا کہ چودھری شجاعت حسین ایک منجھے ہوئے سیاستدان اور نفیس شخصیت کے مالک ہیں، وہ پاکستان کا اثاثہ ہیں اور اس وقت ملکی سیاست میں ان کی بصیرت کی اشد ضرورت ہے، مشکل وقت میں ان کی دانشمندی سے بہت آسان حل نکل آتے ہیں۔ چودھری پرویزالٰہی نے ان کا شکریہ ادا کرتے ہوئے بتایا کہ الحمدللہ چودھری شجاعت حسین کی تیزی سے رو بہ صحت ہیں، مستند ڈاکٹروں کی ٹیم بہت اچھے طریقے سے ان کی دیکھ بھال میں مصروف ہے، انشاء اللہ وہ جلد گھر واپس آ جائیں گے.

13/11/2020

چودھری شجاعت حسین، پرویزالٰہی بڑے باپ کے بیٹے ہیں، عمران خان کو ہی ووٹ دیں گے، نوازشریف اس بارے سوچیں بھی نہ: شیخ رشید
کسان کو خوشحال کرنے کیلئے ان کو مراعات دینا ہوں گی، گندم کی قیمت 2 ہزار روپے فی من مقرر کی جائے: چودھری پرویزالٰہی
سپیکر پنجاب اسمبلی چودھری پرویزالٰہی سے وفاقی وزیر ریلوے شیخ رشید احمد کی ملاقات، چودھری شجاعت حسین کی خیریت دریافت کی
لاہور(13نومبر2020) سپیکر پنجاب اسمبلی چودھری پرویزالٰہی سے عوامی مسلم لیگ کے سربراہ وفاقی وزیر ریلوے شیخ رشید احمد نے یہاں ان کی رہائش گاہ پر ملاقات کی۔ ایک گھنٹہ سے زائد رہنے والی ملاقات میں موجودہ ملکی سیاسی صورتحال اور باہمی دلچسپی کے امور پر تبادلہ خیال کیا گیا اور سابق وزیراعظم چودھری شجاعت حسین کی خیریت دریافت کی۔ ملاقات کے بعد چودھری پرویزالٰہی اور شیخ رشید احمد نے میڈیا سے گفتگو کرتے ہوئے کہا کہ شیخ رشید کا یہ اپنا گھر ہے جب مرضی آئیں ہم ان کو ویلکم کریں گے۔ چودھری شجاعت حسین کی طبیعت الحمدللہ پہلے سے بہت بہتر ہے۔ انہوں نے کہا کہ کسانوں کو خوشحال کرنے کیلئے ضروری ہے کہ ان کو مراعات دی جائیں، یہی وجہ ہے کہ پنجاب اسمبلی کی سپیشل کمیٹی نے گندم کی امدادی قیمت دو ہزار روپے فی من مقرر کرنے کی سفارش کرتے ہوئے چیف سیکرٹری پنجاب کو خط لکھ دیا ہے، اگر کسانوں کو مراعات نہ دی گئیں تو کسان بھی شہروں کا رخ کریں گے، کسان خوشحال ہو گا تو گندم وافر ہوگی۔ شیخ رشید نے اس موقع پر کہا کہ چودھری شجاعت حسین اور چودھری پرویزالٰہی میرے بھائی ہیں، یہ میرا اپنا گھر ہے، میرا بچپن یہیں گزرا ہے، میری سیاست سے یہ گھر بہت بڑا ہے۔ چودھری شجاعت حسین اور چودھری پرویزالٰہی بڑے باپ کے بیٹے ہیں جب تک عمران خان ہیں انہی کو ووٹ دیں گے، نوازشریف اس بارے میں سوچیں بھی نہیں۔ انہوں نے کہا کہ گلگت بلتستان میں پی ٹی آئی پہلے نمبر پر، پیپلزپارٹی دوسرے، آزاد تیسرے نمبر پر اور اس کے بعد ن لیگ نظر آ رہی ہے، مارچ میں سینیٹ الیکشن کے بعد ملک میں سیاسی استحکام آ جائے گا۔

10/11/2020

عالمی امن کو درپیش خطرے کے تدارک کے مستقل بندوبست کیلئے توہین رسالت کی تشہیرپر پابندیاں عائد کی جائیں، پنجاب اسمبلی میں قرارداد منظور
ڈیڑھ ارب مسلمانوں کی دل آزار ی کو اظہار رائے کی آزادی کا نام نہیں دیا جا سکتا، پنجاب اسمبلی کا ایوان وفاقی حکومت اور حکومت پنجاب کی جانب سے ہفتہ رحمتہ للعالمین ﷺ منانے کا خیر مقدم کرتا ہے
سپیکر چودھری پرویز الٰہی کی زیر صدارت اجلاس میں فرانس میں توہین آمیز خاکو ں کی تشہیراور فرانسیسی صدر کی جانب سے متنازعہ بیان کے خلاف مذمتی قرار دار متفقہ طور پر منظور
مونجی کی فصل کی امدادی قیمت 23 سو روپے فی من مقرر کی جائے: پنجاب اسمبلی میں قرار داد متفقہ طور پر منظور
لاہور(10نومبر2020) پنجاب اسمبلی نے فرانس میں توہین آمیز خاکو ں کی تشہیراور فرانسیسی صدر کی جانب سے متنازعہ بیان کے خلاف مذمتی قرار دار متفقہ طور پر منظور کر لی۔ قرارداد پیش کرنے سے قبل وزیر قانون محمد بشارت راجہ، اپوزیشن لیڈر حمزہ شہباز شریف، ارکان اسمبلی خدیجہ عمر، سید حسن مرتضیٰ اور محمد معاویہ اعظم نے سپیکر چودھری پرویزالٰہی سے رولز آف پروسیجر صوبائی اسمبلی 1997ء کے قاعدہ 234 کے تحت قاعدہ 115 اور دیگر متعلقہ قواعد کو معطل کرکے قرار داد پیش کرنے کی اجازت طلب کی جس پر سپیکر نے ووٹنگ کروائی اور قواعد کی معطلی کی تحریک متفقہ طور پر منظور کر لی گئی۔ بعد ازاں وزیر قانون محمد بشارت راجہ نے قرارداد پیش کرتے ہوئے کہا کہ صوبائی اسمبلی پنجاب کا یہ ایوان فرانس میں توہین آمیز خاکوں کی تشہیر اور فرانسیسی صدر کی جانب سے اس پر متنازعہ بیان کی پرزور الفاظ میں مذمت کرتا ہے، اس طر ح کے واقعات سے نہ صرف دنیا بھر کے ڈیڑھ ارب سے زائد مسلمانوں کے جذبات مجروح ہوتے ہیں بلکہ عالمی امن، بھائی چارہ اور بین المذاہب ہم آہنگی بھی شدید خطرے سے دو چار ہو جاتے ہیں۔ اس ایوان کی رائے ہے کہ اظہار رائے کی آزاد ی کی غلط تشریح کی جاتی ہے، ڈیڑھ ارب مسلمانوں کی دل آزاری کو اظہار رائے کی آزادی کا نام نہیں دیا جا سکتا، کینیڈا کی وزیراعظم نے بھی تسلیم کیا ہے کہ اظہار رائے کی آزادی بغیر حدود و قیود کے نہیں ہو سکتی اور اس سے مختلف برادریوں کی بلاوجہ دل آزاری نہیں کی جانی چاہئے۔

10/11/2020

چودھری شجاعت حسین کی عیادت کیلئے جسٹس (ر) ثاقب نثار، سردار ایاز صادق، خواجہ سعد رفیق اور دیگر شخصیات کی ہسپتال آمد
چودھری پرویزالٰہی، مونس الٰہی، شافع حسین اور سالک حسین سے ہسپتال میں مختلف رہنماؤں کی بھی ملاقاتیں، چودھری شجاعت حسین کی صحت پہلے سے بہت بہتر ہے، سی ٹی سکین کیا گیا، پانچویں روز چہل قدمی بھی کی
اسلام آباد میں چودھری وجاہت حسین سے جنرل چشتی، غوث علی شاہ، سینیٹر طلحہ محمود، مشال ملک اور دیگر کی ملاقات، چودھری شجاعت حسین کی مکمل صحت یابی کیلئے دعا
لاہور(10نومبر2020) پاکستان مسلم لیگ کے صدر و سابق وزیراعظم چودھری شجاعت حسین کی سروسز ہسپتال میں صحت پہلے سے بہت بہتر ہے، ڈاکٹروں نے بتایا کہ چودھری شجاعت حسین کا سی ٹی سکین کر لیا گیا ہے، انہوں نے آج پانچویں روز چہل قدمی بھی کی۔ دریں اثناء ہسپتال میں مزاج پرسی کیلئے مختلف سیاسی و سماجی شخصیات کی آمد کا سلسلہ جاری ہے جہاں انہوں نے سپیکر پنجاب اسمبلی چودھری پرویزالٰہی، مونس الٰہی، شافع حسین اور سالک حسین سے چودھری شجاعت حسین کی طبیعت بارے دریافت کیا اور ان کی جلد مکمل صحت یابی کیلئے نیک تمناؤں کا اظہار کیا ان میں سابق چیف جسٹس پاکستان جسٹس (ر) ثاقب نثار، سابق سپیکر قومی اسمبلی سردار ایاز صادق، خواجہ سعد رفیق، میاں مصباح الرحمن، صوبائی وزراء مراد راس، میاں اسلم اقبال، راجہ راشد حفیظ، جی ایم سکندر، سعید اکبر نوانی ایم پی اے، حافظ کاظم رضا نقوی، قاسم علی قاسمی، سابق صوبائی وزیر زعیم حسین قادری اور سابق نائب ناظم ادریس حنیف جبکہ اسلام آباد میں چودھری وجاہت حسین سے ملاقات کرنے والوں میں جنرل چشتی، سابق وزیراعلیٰ سندھ سید غوث علی شاہ، سینیٹر طلحہ محمود، حریت رہنما یٰسین ملک کی اہلیہ مشال ملک، سعودی سفیر کے سیکرٹری وقار عزیز، اکرام بیگ، مسلم لیگی رہنما مہ جبیں اور سلیم ٹونی بھی شامل تھے۔ چودھری شجاعت حسین کی عیادت کی۔ چودھری پرویزالٰہی، مونس الٰہی، شافع حسین اور سالک حسین نے اظہار تشکر کرتے ہوئے کہا ہے کہ وہ چودھری شجاعت حسین کی جلد از جلد مکمل صحت یابی کیلئے دعاؤں کا سلسلہ بھی جاری رکھیں