29/08/2022
ترجمان ڈیرہ چوہدری عبدالمالک کوٹلہ ارب علی خان ابرار چوہدری نے شہباز جلالپور جٹاں قتل کیس میں چوہدری فاروق کلاچور کی جانب سے چوہدری عابد رضا پر لگائے جانے والے بے بنیاد الزامات پر سخت رد عمل کا اظہار کرتے ہوئے اپنے بیان میں کہا ہے کہ فاروق کلاچور کا شور و وایلا اس بات کا واضع ثبوت ہے کہ ق لیگی قیادت نے اسکی کارستانیوں کی وجہ سے فاروق کلاچور کے سر سے دست شفقت اٹھا لیا ہے، جلالپور جٹاں قتل کیس سے بچنے کے جب سارے حربے ناکام ہو گئے تو موصوف چوہدری عابد رضا صاحب کا نام لے کر چوہدری برادران سے مدد مانگنے لگے، اللّہ کی ذات بڑی بے نیاز ہے ظالم کا ساتھ دینے والا بھی اسکے ظلم میں برابر کا شریک ہوتا ہے انھوں نے مزید کہا کہ قاتلوں کی سوشل میڈیا پر چئخیں اس بات کو ظاہر کرتی ہیں کہ گجرات پولیس مقدمہ کی تفتیش میرٹ پر کر رہی ہے، اور یہ بات بھی خوش آئند ہے کہ پاکستان کے سب سے بڑے صوبے کی بھاگ دوڑ سنبھالنے کے بعد اب شاید چوہدری برادران نے بھی ظلم و بربریت کا بازار گرم کرنے والوں کو نشان عبرت بنانے کا فیصلہ کر لیا ہے، انھوں نے کہا کہ جلالپور جٹاں میں عام عوام کا احتجاج اس بات کا واضح ثبوت ہے کہ اب عوام اپنے حق کےلئے اٹھ کھڑے ہوئے ہیں، سیاسی جماعتوں کو بھی اب ایسے جرائم پیشہ عناصر سے کنارہ کشی اختیار کرنی چاہیے، انشاءاللّہ مقتول شہباز کی فیملی کے ساتھ کھڑے ہیں اور قاتلوں کو سزا ملنے تک چین سے نہیں بیٹھیں گے۔
