04/04/2024
وفاقی وزیر چوہدری سالک حسین صاحب کی ایران کے سفیر سے ملاقات اور اس سے متعلق اظہارِ خیال
"ایران کے سفیر رضا امیری مقدم سے ملاقات ہوئی۔ وزارت سنبھالنے پر انہوں نے مبارکباد دی۔ پاکستان اور ایران ہمسایہ ممالک ہیں اور ان کے درمیان تعاون بہت اہمیت کا حامل ہے۔پاکستان اور ایران کو آئی ٹی کے شعبے میں تعاون بڑھانے کی تجویز پر تفصیلی گفتگو ہوئی۔ ایرانی سفیر نے پاکستان کو ایران کی وزارت کوآپریٹوز اور ڈائریکٹوریٹ دفاتر جیسے اداروں سے جوڑنے کی پیشکش کی ایسا کرنے کے لیے دونوں ممالک کے متعلقہ محکموں کو باہمی روابط بڑھانے ہوں گے۔ ایران میں دی جانے والی فنی تربیت سے پاکستان بھی فائدہ اٹھانا چاہتا ہے۔ اس کے علاوہ روزگار کے مواقع، افرادی قوت اور دیگر شعبہ جات میں بھی تعاون بڑھانا ضروری ہے۔ رضا امیری مقدم نے بتایا کہ ایرانی صدر جلد وزیراعظم پاکستان کی دعوت پر پاکستان کا دورہ کریں گے۔ دورے میں تجارتی، سیاحتی اور اقتصادی تعاون بڑھانے کے معاہدے کیے جائیں گے۔ پاکستان اور ایران کے درمیان تجارت کو جلد از جلد بڑھانے کے اقدامات کیے جائیں گے۔"
