Balochistan National Party Tehsil Gawadar

26/05/2026

🌙 Eid Mubarak from Meer Hammal Kalmati ✨
May this joyous occasion bring peace, prosperity, happiness, and endless blessings to you and your family. May Allah accept our prayers and fill our hearts with love and gratitude. 🤍

22/05/2026

*بی این پی کے مرکزی رہنما سابق صوبائی وزیر میر حمل کلمتی* کے فنڈ سے مکمل ہونے والے ایوب بازار مژانی کے بجلی منصوبے کا باقاعدہ افتتاح *چیرمین ڈسٹرکٹ کونسل گوادر شئے مختار* نے کر دیا۔ افتتاح کے بعد علاقے میں بجلی کی فراہمی باقاعدہ طور پر شروع ہو گئی۔

اس موقع پر علاقہ مکینوں نے سابق صوبائی وزیرمیر حمل کلمتی، چیرمین ڈسٹرکٹ کونسل شئےمختار اور کیسکو کے ایکسین حسین بخش کا شکریہ ادا کیا۔ عوام کا کہنا تھا کہ ان کی خصوصی کاوشوں اورتعاون سے علاقے کو بجلی جیسی بنیادی سہولت میسر آئی، جس سے مقامی آبادی کو بڑی سہولت حاصل ہوگی
اہلیان مژانی تحصیل گوادر

22/05/2026

پیشکان: بلوچستان نیشنل پارٹی کے مرکزی رہنما اور سابق صوبائی وزیر میر حمل کلمتی نے پیشکان میں متعدد خاندانوں سے تعزیت کی اور مرحومین کے ایصالِ ثواب کے لیے فاتحہ خوانی کی۔

میر حمل کلمتی نے سید اکبر کی رہائش گاہ پر جا کر ان کے جوان سال بیٹے کے انتقال پر گہرے دکھ کا اظہار کیا اور مرحوم کے بلند درجات کے لیے دعا کی۔

بعد ازاں انہوں نے نیشنل پارٹی پیشکان کے رہنما ھوت محمد حسن، ماسٹر قادر اور ملا ابراہیم کے گھروں میں بھی حاضری دی۔ انہوں نے لواحقین سے ہمدردی کا اظہار کرتے ہوئے مرحومین کی مغفرت اور پسماندگان کے لیے صبرِ جمیل کی دعا کی۔

تعزیتی وفد میں ڈسٹرکٹ کونسل کے چیئرمین شئے مختار، میر انور، شمس الحق کلمتی کے علاوہ بی این پی پیشکان کے مقامی عہدیداران اور علاقے کے معززین بھی شامل تھے۔

پیشکان ٹاؤن نیوز

21/05/2026

`گوادر ـــ`

آج بمورخــہ `21 جنوری 2026` کو گورنمنٹ گرلز ہائر سیکنڈری اسکول گوادر میں ضلع بھر کے مختلف اسکولوں کے اساتذہ کیلئے منعقد کیا گیا سولہ روزہ سی پی ڈی ٹریننگ کا اختتامی سیشن منعقد ہوا ـ

سولہ روزہ ٹریننگ کے اختتامی سیشن میں سابق صوبائی وزیر مائیگیری و سابق ایم پی اے گوادر `میر حمل کلمتی` نے بطور مہمان خصوصی شرکت کی جبکہ چیرمین کونسل گوادر `شئے مختار` ، سابق ڈی او ای فیمیل گوادر `بلقیس سلیمان`، منیجر ای ایس پی یونیسف گوادر `عادل نودیزئ` ڈسٹرکٹ کوارڈنیٹر آر ٹی ایس ایم ضلع گوادر `ساجد بلوچ` و ماسٹر ٹرینر `ساجد پھلان` دیگر ٹریننگ کے اختتامی سیشن میں وہاں پر موجود تھے ـ
اختتامی سیشن کے موقع پر منیجر ای ایس پی عادل نودیزئ نے ٹریننگ بارے مختصراً بات کی اور ٹریننگ کے مقاصد بیان کئے
ٹریننگ میں ماسٹر ٹرینرز نے مختلف اسکولوں کے فیمیل اساتذہ کو چار اھـم سبجیکٹ پر ٹریننگ دی گئی ـ جس میں سائینس ، ریاضی ، انگلیش اور پیڈاگوجی شامل ہیں ـ ہر ایک سبجیکٹ کیلئے چار دن مقرر کیا گیا جس میں مختلف پہلوؤں پر ٹیچرز کو ٹریننگ دی گئی ـ

ٹریننگ کے اختتامی دن ماسٹر ٹرینرز کی جانب سے مہمانوں کو ٹریننگ بارے مختصراً بات کی جبکہ شرکاء کی جانب سے بھی ٹریننگ کیلئے تعریفی کلمات ادا کئے گئے اور شرکاء نے یہی امید کا اظہار کیا کہ اس طرح کے ٹریننگ ہر سہ ماہی میں ہوں تاکہ ضلع بھر کے اساتذہ کو نئے تقاضوں کے ھم آہنگ تربیت دی جاسکے ـ

سیشن کے اختتام میں سابق ایم پی گوادر `میر حمل کلمتی` ، ضلعی چیرمین `شئے مختار و میڈم بیلقیس و منیجر ای ایس پی یونیسف عادل نودیزئی نے شرکاء سے خطاب کرتے ہوئے شریک اساتذہ سے مخاطب ہوتے ہوئے کہنا تھا کہ سولہ روزہ ٹریننگ میں آپ سب نے جو بھی نئی چیزیں سیکھی ہیں کو اپنے بچّوں کو منتقل کریں تاکہ وہ بھی نئے چیزیں سیکھیں اور اسی کے عین مطابق بچوں کو پڑھائیں تاکہ نئے دور کے مطابق وہ خود کو ڈھل سکیں ـ
سابق ایم پی اے گوادر `میر حمل کلمتی` نے سی پی ڈی/ای ایس پی یونیسف کا شکریہ ادا کیا اور کہا کہ یونیسف کی شراکت بلوچستان کے تعلیمی ترقی میں کلیدی حیثیت کا عامل ہے انہوں نے یونیسف کی پوری ٹیم کا شکریہ ادا کرتے ہوئے کہنا تھا کہ میں نے بہت سے اسکولوں کا دورہ کیا اور یہی نوٹ کیا کہ وہاں ای ایس پی یونیسف کی جانب سے اسکول بہتری منصوبہ کے تحت بنیادی کام کئے ہیں جبکہ وہ ٹیچرز کی تربیت کیلئے بھی اپنا بھرپور کردار ادا کررہا ہے ـ ٹریننگ کیلئے بہتر انتظام کرنے پر سی پی ڈی منیجر صقر ناصر کی بھی تعریف کی ـ سابق ایم پی اے کا کہنا تھا کہ مجھے جب بھی موقع ملا میں تعلیم پر زیادہ فوکس کی خاص کر گرلز اسکولوں پر تاکہ معاشرے میں خواتین کی تعلیم کو آگے لے جایا جائے اور انہیں بھی ترقی میں شامل کیا جائے اس کے لیے میں نے ہر تحصیل میں گرلز ہائی اسکول اور گرلز انٹر کالج کا قیام ممکن بنایا ـ اب بھی میرا یہی کوشش ہے کہ تعلیم پر زیادہ فوکس کیا جائے ـ

21/05/2026

نیشنل اسپتال گلہ گدام کے قریب بلوچستان نیشنل پارٹی تحصیل گوادر کے زیرِ اہتمام منعقدہ احتجاجی مظاہرہ ایک بڑے عوامی و سیاسی اجتماع میں تبدیل ہوگیا۔ یاد رہے کہ آج یہ ساتواں احتجاجی مظاہرہ تھا، جہاں پارٹی رہنماؤں نے رکنِ صوبائی اسمبلی گوادر، ضلعی انتظامیہ اور بلدیاتی نمائندوں کے خلاف سخت مؤقف اختیار کیا۔

جلسے سے ایم سی کونسلر ماسی بیگم، بی این پی تحصیل گوادر کے سینئر نائب صدر وہاب داؤدی، ضلعی صدر ماجد سہرابی، تحصیل صدر ناصر موسیٰ اور اسٹیج سیکرٹری ساجد فراز نے خطاب کیا۔ مقررین نے ماہیگیروں کے استحصال، سیلاب متاثرین کی حق تلفی اور بارش متاثرین کے لیے مختص امدادی رقوم کی تقسیم میں مبینہ بے ضابطگیوں کو شدید تنقید کا نشانہ بنایا۔

انہوں نے کہا کہ امدادی عمل شفافیت سے عاری ہے اور مبینہ طور پر ملی بھگت کے تحت من پسند افراد کو نوازا جا رہا ہے، جبکہ حقیقی متاثرین کو نظر انداز کیا جا رہا ہے۔ مقررین کا کہنا تھا کہ تمام ماہیگیروں کو بلاامتیاز امداد فراہم کی جائے اور من پسند فہرستیں کسی صورت قابلِ قبول نہیں، لہٰذا انہیں مکمل طور پر مسترد کیا جاتا ہے۔

رہنماؤں نے مزید کہا کہ امدادی چیکس کی تقسیم میں حق دو تحریک کے ذمہداران، میونسپل کمیٹی کے چیئرمین اور بعض کونسلران باہمی مشاورت سے فیصلے کر رہے ہیں، جس کے نتیجے میں مستحق افراد فہرستوں سے باہر ہو رہے ہیں۔ انہوں نے واضح کیا کہ بی این پی تحصیل گوادر ماہیگیروں کے ساتھ کھڑی ہے اور ان کے حقوق کے لیے جدوجہد جاری رکھے گی۔

مقررین نے خبردار کیا کہ یہی طرزِ عمل سمندری طوفان سے متاثرہ ماہیگیروں کے ساتھ بھی دہرایا جا رہا ہے، جو ایک سنگین ناانصافی ہوگی۔ انہوں نے مطالبہ کیا کہ بارش اور سمندری طوفان سے متاثرہ افراد کا ازسرِ نو، شفاف اور غیر جانبدار سروے کیا جائے تاکہ حقیقی متاثرین کو ریلیف اور بحالی کی سہولیات فراہم کی جا سکیں۔

جلسے کے دوران ٹرالرنگ کی بھرپور مذمت بھی کی گئی۔ گوادر کی موجودہ سیاسی صورتحال پر گفتگو کرتے ہوئے مقررین نے حق دو تحریک کے سربراہ اور موجودہ رکنِ صوبائی اسمبلی کی کارکردگی کو سخت تنقید کا نشانہ بنایا۔ ان کا کہنا تھا کہ ڈھائی سال گزرنے کے باوجود کوئی بڑا ترقیاتی منصوبہ سامنے نہیں آیا، جبکہ پرانے منصوبوں کو اپنی کارکردگی ظاہر کرکے عوام کو گمراہ کیا جا رہا ہے۔

بی این پی رہنماؤں نے اپنے خطاب کے اختتام پر اس عزم کا اظہار کیا کہ وہ عوامی حقوق کے تحفظ، شفاف حکمرانی اور وسائل کی منصفانہ تقسیم کے لیے اپنی سیاسی جدوجہد ہر سطح پر جاری رکھیں گے اور کسی بھی قسم کی ناانصافی کو ہرگز قبول نہیں کیا جائے گا۔

بی این پی میڈیا سیل گوادر

15/05/2026

پدی زر ماہیگیر چاپڈہ میں بلوچستان نیشنل پارٹی تحصیل گوادر کے زیرِ اہتمام منعقدہ احتجاجی مظاہرہ ایک بڑے عوامی و سیاسی اجتماع میں تبدیل ہوگیا۔
یاد رہے کہ آج یہ چھٹا احتجاجی مظاہرہ تھا، جہاں پارٹی رہنماؤں نے ایم پی اے گوادر، ضلعی انتظامیہ اور بلدیاتی نمائندوں کے خلاف سخت مؤقف اختیار کیا۔
جلسے سے خطاب کرتے ہوئے تحصیل انفارمیشن سیکرٹری حنیف کامریڈ، بی این پی تحصیل گوادر کے سینئر نائب صدر وہاب داؤدی، کوچ رسول بخش، غنی آصف، مکران بار کونسل کے ایڈووکیٹ سعید فیض، ضلعی صدر ماجد سہرابی، تحصیل صدر ناصر موسیٰ اور اسٹیج سیکرٹری ساجد فراز نے ماہیگیروں کے استحصال، حق تلفی اور بارش متاثرین کے لیے مختص امدادی رقوم کی تقسیم پر شدید تنقید کی۔
مقررین کا کہنا تھا کہ امدادی عمل شفافیت سے عاری ہے اور مبینہ ملی بھگت کے تحت من پسند افراد کو نوازا جا رہا ہے، جبکہ حقیقی متاثرین کو مسلسل نظر انداز کیا جا رہا ہے۔ انہوں نے مطالبہ کیا کہ تمام متاثرہ ماہیگیروں کو بلاامتیاز امداد فراہم کی جائے اور “من پسند فہرستوں” کو مکمل طور پر مسترد کیا جائے۔
رہنماؤں نے کہاکہ امدادی چیکس کی تقسیم میں حق دو تحریک کے بعض ذمہداران، میونسپل کمیٹی کے چیئرمین اور کچھ کونسلران باہمی مشاورت سے فیصلے کر رہے ہیں، جس کے باعث کئی مستحق افراد فہرستوں سے باہر رہ گئے ہیں۔
مقررین نے اس عزم کا اظہار کیا کہ بی این پی ہر صورت ماہیگیروں کے ساتھ کھڑی رہے گی اور ان کے حقوق کے لیے جدوجہد جاری رکھے گی۔ انہوں نے خبردار کیا کہ اگر سمندری طوفان سے متاثرہ ماہیگیروں کے ساتھ بھی یہی رویہ اختیار کیا گیا تو یہ ایک سنگین ناانصافی ہوگی۔
جلسے کے دوران ٹرالرنگ کی شدید مذمت کی گئی، جبکہ گوادر کی موجودہ سیاسی صورتحال پر بھی تفصیلی گفتگو ہوئی۔ مقررین نے موجودہ رکنِ صوبائی اسمبلی کی کارکردگی کو تنقید کا نشانہ بناتے ہوئے کہا کہ ڈھائی سال گزرنے کے باوجود کوئی بڑا ترقیاتی منصوبہ سامنے نہیں آیا، جبکہ پرانے منصوبوں کو اپنی کارکردگی کے طور پر پیش کرکے عوام کو گمراہ کیا جا رہا ہے۔
بی این پی رہنماؤں نے اپنے خطاب کے اختتام پر اس عزم کا اعادہ کیا کہ وہ عوامی حقوق کے تحفظ، شفاف حکمرانی اور وسائل کی منصفانہ تقسیم کے لیے اپنی سیاسی جدوجہد ہر سطح پر جاری رکھیں گے اور کسی بھی قسم کی ناانصافی کو ہرگز قبول نہیں کیا جائے گا۔
بی این پی میڈیا سیل گوادر

15/05/2026

15/05/2026

بی این پی مرکزی سنٹرل کمیٹی کے رکن سابق صوبائی وزیر میر حمل کلمتی ضلعی چیرمین شے مختار کلدان کے دورے شمش الحق کلمتی کی رہشگاہ لوگوں سے ملاقات کررہاھے

15/05/2026

بلوچستان نیشنل پارٹی کے مرکزی رہنما و سابق وزیر فشریز کا مختلف علاقوں کا دورہ، سیاسی و سماجی شخصیات سے تعزیت
بلوچستان نیشنل پارٹی کے مرکزی رہنما اور سابق صوبائی وزیر فشریز نے پارٹی وفد کے ہمراہ پلیری، کلدان، پانوان اور دیگر علاقوں کا تفصیلی دورہ کیا اور متعدد سوگوار خاندانوں سے تعزیت کی۔
تعزیتی ملاقاتیں اور دعائے مغفرت
دورے کے دوران سابق وزیر نے درج ذیل شخصیات سے ان کے پیاروں کے انتقال پر دلی ہمدردی کا اظہار کیا:
*پلیری* شئے عبدالغنی سے ان کی بیٹی کے انتقال پر تعزیت کی اس موقع پر شئے جمیل بھی موجود تھا۔ علاوہ ازیں، یو سی پلیریکے چیئرمین علی بخش کلمتی سے بھی ان کی بیٹی کے انتقال پر افسوس کا اظہار کیا گیا۔
*کلدان* شمس الحق کلمتی، داؤد کلمتی کی والدہ کے انتقال پر سوگواران سے ملاقات کی اور مرحومہ کے بلند درجات کے لیے دعا کی اور ماسٹر عبدلغنی کے والدہ کے وفات پرماسٹر سے اظہار افسوس کیا
*حمل بازار* (کرمی) و صادق بازار: ملا بابل کے والدہ کے انتقال پر تعزیت کی گئی، جبکہ صادق بازار میں مولانا محمد ایوب سے ان کی والدہ کی وفات پر ہمدردی کا اظہار کیا گیا۔
*پانوان* سید محمد کے انتقال پر ان کے والد شاہو، لیاقت کے انتقال پر ان کے والد سخیداد اور بھائی شوکت، جبکہ داد محمد کے انتقال پر ان کے بھائی عظیم سے ان کی رہائش گاہوں پر جا کر تعزیت کی۔
*روبار*: معروف معتبر شخصیت داد محمد ولد محراب کے انتقال پر ان کے لواحقین، بالخصوص نوید سے ملاقات کی اور فاتحہ خوانی کی۔
وفد میں شامل شخصیات
اس موقع پر سابق وزیر کے ہمراہ ایک بڑا وفد موجود تھا جس میں درج ذیل رہنما اور معتبرین شامل تھے شئے مختار (ڈسٹرکٹ چیئرمین میر انور ضلعی رہنما، بی این پی شئے طارق معتبر شخصیت عبدالمجید کلمتی وائس چیئرمین، یو سی گبدحاجی فیض چیئرمین، یو سی گنز کہدہ عبدالصمد،سیٹ اکبر، انور مراد بابا کامل اور حاجی یعقوب کلمتی
رہنماؤں نے تمام سوگوار خاندانوں کے لیے صبرِ جمیل اور مرحومین کے لیے مغفرت کی دعا کرتے ہوئے کہا کہ دکھ کی اس گھڑی میں وہ ان کے غم میں برابر کے شریک ہیں۔

15/05/2026

*بلوچستان نیشنل پارٹی کے مرکزی رہنما اور سابق صوبائی وزیر میر حمل کلمتی نے ڈسٹرکٹ چیئرمین شئے مختار* اور پارٹی وفد کے ہمراہ پلیری اور کلدان کے مختلف علاقوں کا دورہ کیا۔ اس موقع پر انہوں نے عوامی مسائل سنے اور جاری ترقیاتی منصوبوں کا معائنہ کیا۔
تعمیراتی کاموں میں سستی اور ناقص معیار پر برہمی
*میر حمل کلمتی* نے پلیری، شئے موسیٰ بازار میں اپنے دورِ اقتدار کے منظور شدہ *گورنمنٹ بوائز ہائی اسکول اور ملٹی پرپز ہال* کے زیرِ تعمیر منصوبوں کا جائزہ لیا۔
• علاقہ مکینوں نے شکایت کی کہ محکمہ بی اینڈ آر (B&R) کی عدم توجہی اور سستی کی وجہ سے کام نامکمل ہے اور جو کام ہوا ہے وہ بھی انتہائی ناقص ہے۔اس موقع میں میرحمل کلمتی نے بی ایچ یو پلیری کا دورہ کیا
• *میر حمل کلمتی* نے حکامِ بالا سے مطالبہ کیا کہ سرکاری فنڈز کے ضیاع اور کام میں کوتاہی کا فوری نوٹس لیا جائے۔
کنٹانی کاروبار پر پابندیاں اور عوامی مشکلات
دورے کے دوران مقامی لوگوں کی بڑی تعداد نے میر حمل کلمتی کو کنٹانی *(سرحدی تجارت)* کے حوالے سے درپیش سنگین مسائل سے آگاہ کیا۔
• عوام نے شکایت کی کہ حکومت اور انتظامیہ کی جانب سے کنٹانی کاروبار میں بے جا رکاوٹیں کھڑی کی جا رہی ہیں، جس سے علاقے کے ہزاروں خاندانوں کا روزگار متاثر ہو رہا ہے اور لوگ معاشی طور پر دیوار سے لگ گئے ہیں۔
• اہالیانِ علاقہ نے میر حمل کلمتی سے اس حوالے سے مدد کی اپیل کی۔ جس پر انہوں نے موقف اختیار کیا کہ مقامی لوگوں کے روزگار پر قدغن لگانا سراسر ناانصافی ہے، حکومت فوری طور پر کنٹانی کاروبار میں آسانیاں پیدا کرے۔
پانی کا بحران اور دیگر مسائل
کلدان میں آر ایچ سی (RHC) کے معائنے کے موقع پر کلدان، کرمی، ڈومب اور زہران کے لوگوں نے بتایا کہ پورے علاقے میں پینے کے پانی کی سپلائی معطل ہے اور صورتحال تشویشناک ہو چکی ہے۔
وفد کی شرکت
اس موقع پر بی این پی کے ضلعی رہنما میر انو، شئے طارق، وائس چیئرمین عبدالمجید کلمتی، کہدہ عبدالصمد، چیرمین یوسی گنز حاجی فیض، چیرمین یوسی پلیری علی بخش ،سیٹ اکبر، انور مراد،بابا کامل اور حاجی یعقوب کلمتی بھی میر حمل کلمتی کے ہمراہ تھے۔
میر حمل کلمتی نے تمام مسائل کو نوٹ کرتے ہوئے یقین دلایا کہ وہ عوام کو تنہا نہیں چھوڑیں گے اور ان تمام مطالبات کو اعلیٰ حکام تک پہنچا کر حل کرانے کی بھرپور کوشش کریں گے۔

14/05/2026

میر حمل کلمتی نے آج بلوچ وارڈ کا دورہ کیا، جہاں انہوں نے اپنے ساتھیوں کے ہمراہ شئے وحید، ماسٹر سبزل، شئے صالح اور شئے شاہ بخش سے ان کے لواحقین کے انتقال پر دلی تعزیت اور افسوس کا اظہار کیا۔
اس موقع پر ان کے ہمراہ ڈسٹرکٹ چیئرمین شئے مختار، میر انور، شئے حارث، ڈاکٹر عبدالغفور اور اسماعیل داد بھی موجود تھے۔ وفد نے مرحومین کے درجاتِ بلندی اور پسماندگان کے لیے صبرِ جمیل کی دعا کی۔
میر حمل کلمتی نے کہا کہ دکھ اور غم کی اس گھڑی میں ہم اپنے بھائیوں کے ساتھ کھڑے ہیں اور ان کے غم میں برابر کے شریک ہیں۔ انہوں نے اس بات پر زور دیا کہ سماجی روابط، باہمی ہمدردی اور ایک دوسرے کے دکھ درد میں شریک ہونا ہماری روایات کا اہم حصہ ہے۔