Social Welfare & Special Education Department Gwadar

20/08/2026

اہم عوامی اطلاع

ضلع گوادر میں کام کرنے والے غیر رجسٹرڈ NGOs/INGOs اور دیگر غیر سرکاری اداروں کی رجسٹریشن کے حوالے سے اہم احکامات

اعلیٰ حکام کی ہدایات کی روشنی میں ضلع گوادر کی حدود میں سماجی بہبود، فلاحی، ترقیاتی یا دیگر عوامی مفاد کی سرگرمیاں انجام دینے والے تمام غیر رجسٹرڈ NGOs/NPOs اور دیگر متعلقہ غیر سرکاری/فلاحی اداروں کو مطلع کیا جاتا ہے کہ وہ Balochistan Charities (Registration, Regulation and Facilitation) Act, 2019 کے تحت اپنی رجسٹریشن کے عمل کا فوری طور پر آغاز کریں.
بی سی آر اے ایکٹ کے تحت فلاحی و خیراتی مقاصد کے لیے ادارے کی رجسٹریشن لازمی ہے۔ لہٰذا ضلع گوادر میں کام کرنے والے تمام غیر رجسٹرڈ ادارے اس عوامی اطلاع کے اجراء کے سات (07) دن کے اندر اندر اپنی رجسٹریشن کے عمل کے آغاز سے متعلق اس دفتر کو تحریری طور پر مطلع کریں اور رجسٹریشن کے لیے درکار متعلقہ کوائف و دستاویزات فراہم کریں۔

تمام متعلقہ اداروں کو مزید واضح کیا جاتا ہے کہ مقررہ مدت کے اندر رجسٹریشن کے عمل کا آغاز نہ کرنے، مطلوبہ معلومات/دستاویزات فراہم نہ کرنے یا قانون کے تحت عائد لازمی تقاضوں کی تعمیل نہ کرنے کی صورت میں متعلقہ ادارے کے خلاف BCRA Act, 2019 اور دیگر قابلِ اطلاق قوانین کے تحت سخت قانونی و انتظامی کارروائی عمل میں لائی جائے گی، جس میں قانون کے مطابق ادارے کی سرگرمیوں کی معطلی/روک تھام، رجسٹریشن سے متعلق کارروائی، جرمانے اور دیگر مجاز اقدامات شامل ہو سکتے ہیں۔

لہٰذا ضلع گوادر میں کام کرنے والے تمام غیر رجسٹرڈ NGOs/INGOs اور دیگر متعلقہ اداروں کو سختی سے ہدایت کی جاتی ہے کہ وہ مقررہ سات (07) روز کی مدت کے اندر اپنے رجسٹریشن عمل کا آغاز کریں اور اس دفتر کو اس بارے میں باقاعدہ تحریری اطلاع فراہم کریں۔

رجسٹریشن کے طریقۂ کار، مطلوبہ دستاویزات، آن لائن درخواست، فیس یا دیگر قانونی تقاضوں کے حوالے سے کسی قسم کی معلومات یا معاونت درکار ہو تو متعلقہ ادارے دفتر ڈپٹی ڈائریکٹر سوشل ویلفیئر، گوادر سے رجوع کر سکتے ہیں، جہاں انہیں رجسٹریشن کے عمل کو مکمل کرنے کے لیے حتی الامکان ضروری رہنمائی اور معاونت فراہم کی جائے گی۔

یہ اطلاع اعلیٰ حکام کی جانب سے جاری کردہ ہدایات کی روشنی میں جاری کی جا رہی ہے، لہٰذا تمام متعلقہ اداروں سے اس پر مکمل عملدرآمد یقینی بنانے کی ہدایت کی جاتی ہے۔

محکمہ سماجی بہبود و خصوصی تعلیم ضلع گوادر

15/08/2026

ضلع گوادر کے حدود میں کام کرنے والے تمام مقامی و بین الاقوامی NGOs/INGOs/IGOs کو مطلع کیا جاتا ہے کہ ڈپٹی کمشنر گوادر نقیب اللہ کاکڑ صاحب نے 17 اگست 2026 بوقت دوپہر 12 بجے ڈپٹی کمشنر آفس کے کانفرنس ہال میں ضلع گوادر کے حدود میں کام کرنے والے تمام NGOs/INGOs/NPOs کے سربراہان/ذمہ داران کے ساتھ ایک میٹنگ رکھنے کا حکم دیا ہے۔

لہذا ضلع گوادر کے حدود میں کام کرنے والے تمام NGOs/INGOs/IGOs کے ذمہ داران کو یہ ہدایات دی جاتی ہے کہ وہ مقررہ وقت اور تاریخ پر ڈپٹی کمشنر آفس پہنچ کر میٹنگ میں اپنی شرکت یقینی بنائیں۔

اوپر دیے گئے لیٹر اندر دیے گئے احکامات کی تکمیل یقینی بنایا جائے۔

محکمہ سماجی بہبود و خصوصی تعلیم ضلع گوادر

13/08/2026

*گوادر: بورڈ میٹنگ برائے رجسٹریشنِ افرادِ باہم معذوری*
*مقام: میڈیکل سوشل سروسز سنٹرڈسٹرکٹ ہیڈکوارٹر ہسپتال گوادر*
آج بمورخہ 13 اگست2026 کو میڈیکل سپرنٹنڈنٹ ڈاکٹر حفیظ الرحمن صاحب کی زیر صدارت
افرادِ باہم معذوری کی رجسٹریشن اور معذوری سرٹیفکیٹس کے اجراء کے سلسلے میں *میڈیکل بورڈ میٹنگ برائے رجسٹریشن افراد باہمی معزور* میڈیکل سوشل سروسز سنٹر ، ڈسٹرکٹ ہیڈکوارٹر ہسپتال گوادر میں منعقد ہوئی۔
اجلاس میں ڈپٹی ڈسٹرکٹ ایجوکشن آفیسر گوادر واجہ محمد حسن صاحب، میڈیکل ایکسپرٹ ڈاکٹر ثناء عابد سہرابی، ڈپٹی ڈسٹرکث ھیلتھ آفیسر ڈاکٹر فاروق صاحب، سوشل ویلفیئر آفیسر میڈیکل سوشل سروسز سنٹر عبیداللہ اور محکمہ سوشل ویلفیئر کے اسٹاف ولید پیر بخش نے شرکت کی۔
میڈیکل بورڈ کے دوران افرادِ باہم معذوری کی رجسٹریشن کے لیے موصول ہونے والی درخواستوں اور متعلقہ میڈیکل کیسز کا تفصیلی جائزہ لیا گیا۔ اس موقع پر مجموعی طور پر 24 درخواستیں موصول ہوئیں، جن میں سے 15 درخواست گزاروں کو طبی معائنے اور بورڈ کی سفارشات کی روشنی میں معذوری سرٹیفکیٹ جاری کرنے کی سفارش کی گئی، جبکہ 2 درخواستیں مقررہ طبی معیار پر پورا نہ اترنے کی بنا پر مسترد کر دی گئیں۔ مزید برآں، 7 درخواست گزار بورڈ کے سامنے پیش نہ ہو سکے، جن کے کیسز پر آئندہ پیشی کے بعد فیصلہ کیا جائے گا۔
اسی طرح تحصیل پسنی سے تعلق رکھنے والے 6 درخواست گزاروں کے کیسز کا بھی میڈیکل بورڈ کے روبرو جائزہ لیا گیا، جنہیں معذوری سرٹیفکیٹ جاری کرنے کی سفارش کی گئی۔
اجلاس میں اس امر پر زور دیا گیا کہ افرادِ باہم معذوری کی رجسٹریشن کا عمل شفاف، منصفانہ اور میرٹ کی بنیاد پر جاری رکھا جائے، تاکہ مستحق افراد کو معذوری سرٹیفکیٹس کے ساتھ ساتھ حکومت کی جانب سے فراہم کی جانے والی فلاحی سہولیات سے بھی مستفید ہونے کے مواقع میسر آ سکیں۔
میڈیکل بورڈ کا اجلاس باہمی مشاورت اور اتفاقِ رائے کے ساتھ اختتام پذیر ہوا۔

19/07/2026

17/07/2026

گوادر: مورخہ 2026-02-16
بورڈ میٹنگ برائے رجسٹریشنِ افرادِ باہم معذوری

ڈسٹرکٹ ہیڈکوارٹر ہسپتال گوادر میں
افرادِ باہمی معذوری کی رجسٹریشن اور معذوری سرٹیفکیٹس کے اجراء کے سلسلے میں ماہانہ بورڈ میٹنگ ڈسٹرکٹ ہیڈکوارٹر ہسپتال گوادر میں ڈپٹی میڈیکل سپرنٹنڈنٹ ڈاکٹر محمد یاسین صاحب کی زیرِ صدارت منعقد ہوئی۔

اجلاس میں ڈاکٹر عبدالمجید صاحب ڈی ایچ او آفس سےایم اینڈ ای آفیسر ظاہر حسین صاحب، سوشل ویلفیئر آفیسر میڈیکل سوشل سروسز سینٹر عبیداللہ، جبکہ محکمہ سوشل ویلفیئر کے عملے میں ولید پیر بخش، محمد افضل اور تاج یار نے شرکت کی۔

اجلاس کے دوران معذوری رجسٹریشن کے لیے موصول ہونے والی درخواستوں کا تفصیلی جائزہ لیا گیا۔ مجموعی طور پر 29 درخواستیں موصول ہوئیں، جن میں سے:

22 درخواست گزاروں کو معذوری سرٹیفکیٹ جاری کرنے کی سفارش کی گئی۔

4 درخواستیں مقررہ معیار پر پورا نہ اترنے کی بنا پر مسترد کر دی گئیں۔

3 درخواست گزار بورڈ کے سامنے پیش نہ ہونے کی وجہ سے ان کے کیسز زیر التواء رکھے گئے۔

مزید برآں، تحصیل پسنی سے تعلق رکھنے والے 9 درخواست گزاروں کے کیسز کا بھی جائزہ لیا گیا، جنہیں معذوری سرٹیفکیٹ جاری کرنے کی سفارش کی گئی۔

اجلاس خوش اسلوبی سے اختتام پذیر ہوا۔ شرکاء نے اس عزم کا اظہار کیا کہ مستحق افراد کو بروقت اور شفاف طریقہ کار کے تحت معذوری سرٹیفکیٹس اور متعلقہ سہولیات کی فراہمی کو یقینی بنایا جائے گا۔

30/06/2026

: ڈائریکٹر سوشل ویلفیئر ڈیپارٹمنٹ مکران ڈویژن، محترم محمد عیسیٰ صاحب نے آج جناب عبید اللہ کو بطور سوشل ویلفیئر آفیسر، میڈیکل سوشل سروسز سینٹر گوادر کا چارج باضابطہ طور پر سونپ دیا۔
اس موقع پر محترم عبید اللہ صاحب نے میڈیکل سوشل سروسز سینٹر گوادر کی ذمہ داریاں سنبھالتے ہوئے اس عزم کا اظہار کیا کہ وہ عوام کو بہتر سماجی و فلاحی خدمات کی فراہمی کے لیے اپنی تمام تر صلاحیتیں بروئے کار لائیں گے اور ادارے کی کارکردگی کو مزید مؤثر بنانے کے لیے بھرپور کوشش کریں گے۔
تقریب کے دوران میڈیکل سوشل سروسز سینٹر گوادر کے ملازمین جناب ولید پیر بخش عدنان جہان اور تاج یار بھی موجود تھے، جنہوں نے عبید اللہ صاحب کو چارج سنبھالنے پر مبارکباد پیش کی اور ان کے لیے نیک خواہشات کا اظہار کیا۔
اس موقع پر ڈائریکٹر سوشل ویلفیئر ڈیپارٹمنٹ مکران ڈویژن، محترم محمد عیسیٰ صاحب نے امید ظاہر کی کہ عبید اللہ صاحب اپنی پیشہ ورانہ صلاحیتوں اور تجربے کو بروئے کار لاتے ہوئے ادارے کی کارکردگی کو مزید بہتر بنائیں گے اور عوام کی فلاح و بہبود کے لیے مؤثر کردار ادا کریں گے۔ :::

12/02/2026

گوادر میں پیشہ ور گداگروں کی یلغار، محکمہ سوشل ویلفیئر متحرک، غیرمقامی گداگروں کے خلاف کارروائی کا آغاز
گوادر میں پیشہ ور گداگروں کی بڑھتی ہوئی یلغار کے خلاف محکمہ سوشل ویلفیئر حرکت میں آ گیا۔ ڈپٹی ڈائریکٹر سوشل ویلفیئر گوادر محمد عیسیٰ کی خصوصی ہدایات پر سوشل ویلفیئر آفیسر گوادر شاہ داد شاد نے گوادر پولیس کے ایس آئی عصمت بلوچ کے ہمراہ پیشہ ور گداگروں کے خلاف کریک ڈاؤن کرتے ہوئے شہر کے مختلف مقامات پر چھاپہ مار کارروائیاں کیں۔
کارروائی کے دوران 31 غیرمقامی گداگروں کو تحویل میں لے لیا گیا۔ گرفتار ہونے والوں میں بوڑھے مرد و خواتین کے ساتھ نوجوان اور کمسن بچے بچیاں بھی شامل تھیں۔ بعد ازاں انہیں تحویل میں لے کر ان کے آبائی علاقوں کو روانہ کرنے کا بندوبست کیا گیا۔
سوشل ویلفیئر آفیسر شاہ داد شاد کے مطابق انسانی ہمدردی کی بنیاد پر ان گداگروں کو سرکاری خرچ پر مسافر بسوں کے ذریعے ان کے آبائی علاقوں روانہ کیا گیا اور انہیں تنبیہ کی گئی کہ وہ دوبارہ گوادر کا رخ نہ کریں۔
ادھر گوادر کے سماجی حلقوں نے محکمہ سوشل ویلفیئر کی اس کارروائی کو سراہتے ہوئے کہا ہے کہ پیشہ ور گداگروں کی موجودگی سے شہر کا پرامن اور مہذب ماحول متاثر ہو رہا تھا، لہٰذا ایسے عناصر کے خلاف کارروائیاں تسلسل کے ساتھ جاری رکھی جانی چاہئیں۔