D.D Local Government Haripur

08/09/2026

08/09/2026

11/08/2026

05/08/2026

تحصیل ہری پور میں پیدائش کے اندراج کے نظام کی بہتری سے متعلق تربیتی سیشن کامیابی سے منعقد

ڈائریکٹوریٹ جنرل لوکل گورنمنٹ، خیبر پختونخوا کے زیرِ اہتمام، یونیسف پشاور (چائلڈ پروٹیکشن سیکشن) کے اشتراک سے "خیبر پختونخوا میں پیدائش کے اندراج کے نظام کی بہتری (Revamping the Birth Registration System in Khyber Pakhtunkhwa)" کے موضوع پر ایک روزہ تربیتی سیشن تحصیل ہری پور میں کامیابی سے منعقد کیا گیا۔

تربیتی سیشن میں تحصیل ہری پور کے تمام ولیج سیکرٹریز نے شرکت کی۔ سیشن کا بنیادی مقصد پیدائش کے اندراج کے نظام کو مزید مؤثر، شفاف اور جدید تقاضوں سے ہم آہنگ بنانا، متعلقہ عملے کی پیشہ ورانہ استعداد کار میں اضافہ، معیاری آپریشنل طریقۂ کار (Standard Operating Procedures) پر عمل درآمد کو یقینی بنانا، اور عوام کو بروقت، مؤثر اور معیاری خدمات کی فراہمی کو مزید بہتر بنانا تھا۔

تربیت انتہائی منظم، پیشہ ورانہ اور عملی نوعیت کی تھی، جس کے دوران شرکاء کو پیدائش کے اندراج کے قانونی، انتظامی اور تکنیکی پہلوؤں، ریکارڈ مینجمنٹ، سروس ڈلیوری کے معیارات اور عوامی سہولت کے مؤثر طریقۂ کار سے متعلق جامع رہنمائی فراہم کی گئی۔ شرکاء نے عملی مشقوں اور سوال و جواب کے ذریعے اپنے پیشہ ورانہ علم اور مہارت میں مزید اضافہ کیا۔

تربیتی سیشن میں ماسٹر ٹرینر جناب محبوب الٰہی (یونیسف) نے بطور ریسورس پرسن خصوصی تربیت فراہم کی، جبکہ اسسٹنٹ ڈائریکٹر نادرا ہری پور، ڈسٹرکٹ سپروائزر نادرا، اسسٹنٹ ڈائریکٹر (سینئر) لوکل گورنمنٹ ہری پور جناب راشد اسلم اور تحصیل سپروائزر جناب محمد ارشد نے سیشن میں شرکت کرتے ہوئے مؤثر رہنمائی اور تکنیکی معاونت فراہم کی۔

اس تربیتی اقدام سے پیدائش کے اندراج کے نظام کو مزید مؤثر، شفاف اور عوام دوست بنانے کے ساتھ ساتھ صوبہ خیبر پختونخوا میں شہریوں کو بروقت اور معیاری رجسٹریشن خدمات کی فراہمی کے حکومتی وژن کو تقویت ملے گی۔

05/08/2026

01/06/2026

Local Government Elections & Rural Development Department KP
Directorate General Local Government & Rural Development
Deputy Commissioner, Haripur
Assistant Commissioner Haripur