Prisons Staff Training Academy, Haripur

01/06/2026

پریزنز سٹاف ٹریننگ اکیڈمی ہری پور میں نو تعینات ڈپٹی سپرنٹنڈنٹس جیلز کے لیے جاری تین ماہ بنیادی/جاب اورینٹڈ تربیتی کورس کے سلسلے میں آج ایک تربیتی سیشن منعقد ہوا۔

اس موقع پر ریجنل پرزنز آفس (RPO) ہزارہ کے سپرنٹنڈنٹ جناب عبد الحمید عباسی نے "پینشن رولز 2021 اور پینشن کی اقسام" کے موضوع پر جامع لیکچر دیا۔ انہوں نے سرکاری ملازمین کے لیے پینشن کے مختلف پہلوؤں، متعلقہ قواعد و ضوابط اور ان کے عملی اطلاق پر تفصیلی روشنی ڈالی۔

تربیتی سیشن نہایت معلوماتی اور مفید رہا، جس سے شرکاء کو پینشن کے نظام اور اس سے متعلقہ قانونی و انتظامی امور کے بارے میں بہتر آگاہی حاصل ہوئی۔

01/06/2026

پریزنز سٹاف ٹریننگ اکیڈمی ہری پور میں وارڈرز کے جاری دو ماہ پر محیط بنیادی تربیتی کورس کے سلسلے میں یکم۔جون 2026 کو تین اہم تربیتی سیشنز منعقد ہوئے۔

پہلے سیشن میں سنٹرل جیل ہری پور کی ماہرِ نفسیات محترمہ صومیہ بی بی نے ذہنی امراض کے اسباب پر تفصیلی لیکچر دیا۔
دوسرے سیشن میں ریجنل پریزنز آفس ہزارہ ریجن کے سپرنٹنڈنٹ جناب عبد الحمید عباسی نے پینشن رولز 2021 اور پینشن کی اقسام کے حوالے سے ٹرینیز کو آگاہ کیا۔

تیسرے سیشن میں پی ایس ٹی اے ہری پور کے جونیئر ویپن انسٹرکٹر جناب جنگریز خان نے AK-47 رائفل کے استعمال اور اس کی بنیادی خصوصیات پر عملی تربیت فراہم کی۔

تمام سیشنز معلوماتی، دلچسپ اور باہمی تبادلۂ خیال پر مبنی تھے۔ تربیت حاصل کرنے والے اہلکاروں نے بھرپور دلچسپی کا مظاہرہ کیا اور مباحثوں و عملی سرگرمیوں میں فعال شرکت کی، جس سے ان کے پیشہ ورانہ علم اور مہارتوں میں مزید اضافہ ہوا۔

27/05/2026

22/05/2026

جیل عملہ دورانِ ڈیوٹی اکثر نہایت مشکل، حساس اور دباؤ سے بھرپور حالات کا سامنا کرتا ہے، جو اُن کی ذہنی و نفسیاتی صحت پر گہرے اثرات مرتب کر سکتے ہیں۔ نفسیاتی صحت، ذہنی دباؤ کے مؤثر تدارک اور پیشہ ورانہ کارکردگی میں بہتری کی اہمیت کو مدنظر رکھتے ہوئے، کمانڈنٹ پریزنز سٹاف ٹریننگ اکیڈمی (PSTA) ہری پور محترمہ فوزیہ تاج نے نو تعینات ڈپٹی سپرنٹنڈنٹس جیلز اور وارڈرز کے بنیادی تربیتی کورس کے 100 زیرِ تربیت اہلکاروں کے لیے جاری تربیتی پروگرام میں خصوصی ذہنی صحت آگاہی سیشنز کو شامل کرنے کو ترجیح دی۔

اسی سلسلے میں کمانڈنٹ PSTA ہری پور محترمہ فوزیہ تاج نے میڈیکل سپرنٹنڈنٹ، ڈسٹرکٹ ہیڈکوارٹر ہسپتال ہری پور، ڈاکٹر محسن رضا ترابی سے ایک اہم ملاقات کی۔ ملاقات کے دوران جیل عملہ کو درپیش ذہنی دباؤ، نفسیاتی مسائل، اصلاحی اداروں کے ماحول، اور ذہنی صحت سے متعلق آگاہی پروگرامز کے انعقاد پر تفصیلی تبادلۂ خیال کیا گیا۔ اس موقع پر جیل عملہ کے لیے ذہنی صحت آگاہی، ذہنی دباؤ کے مؤثر انتظام، اور نفسیاتی معاونت سے متعلق خصوصی تربیتی سرگرمیوں کے انعقاد پر اتفاق کیا گیا۔

بعد ازاں ڈاکٹر محسن رضا ترابی کی زیرِ نگرانی DHQ ہسپتال ہری پور کی ایک خصوصی طبی و نفسیاتی ٹیم نے PSTA ہری پور کا دورہ کیا۔ ٹیم میں اقوامِ متحدہ کے مینٹل ہیلتھ پراجیکٹ سے وابستہ ممتاز کیس مینجمنٹ آفیسر، سماجی کارکن، ماہرِ کلینیکل سائیکالوجسٹ اور اسپیچ اینڈ لینگویج پیتھالوجسٹ جناب وسیم خان، ڈاکٹر طاہرہ جبین (پی ایچ ڈی) لاہور وومن یونیورسٹی، اور لیکچرر/سائیکالوجسٹ ہزارہ یونیورسٹی مانسہرہ شامل تھیں۔

دورہ کرنے والی ٹیم کو کمانڈنٹ اکیڈمی فوزیہ تاج صاحبہ اور ڈپٹی کمانڈنٹ اکیڈمی سیّد محی الدین شاہ صاحب نے اکیڈمی کے تربیتی پروگرام، زیرِ تربیت اہلکاروں کے تعلیمی و سماجی پس منظر، جیل عملہ کی پیشہ ورانہ ذمہ داریوں، قیدیوں کے ساتھ روابط، اور اصلاحی اداروں میں درپیش ذہنی و پیشہ ورانہ دباؤ کے مختلف پہلوؤں پر تفصیلی بریفنگ دی گئی۔ باہمی مشاورت اور جائزے کے بعد ٹیم نے جون 2026 کے دوران PSTA ہری پور میں جیل عملہ کے لیے ذہنی صحت آگاہی، ذہنی دباؤ کے مؤثر انتظام، اور نفسیاتی معاونت سے متعلق خصوصی لیکچرز، ورکشاپس اور سیمینارز کے انعقاد پر اتفاق کیا۔

Khyber Pakhtunkhwa Prisons Department
DHQ Hospital Haripur .kpk . Pakistan
Wasim Khan Shanwazii
Hazara University

21/05/2026

پریزنز سٹاف ٹریننگ اکیڈمی ہری پور میں وارڈرز کے لیےسیکیورٹی ٹریننگ کے سلسلے میں ایک اھم سیشن منعقد ھوا۔ اس سیشن میں جی تھری اے تھری رائفل کی خصوصیات، آپریشن، ہینڈلنگ اور حفاظتی اقدامات سے متعلق عملی ٹریننگ ڈی گئی۔ اس دوران ٹریننگ انسٹرکٹرز
صیاد خان (سینئر ڈرل انسٹرکٹر)، جنگریز خان (جونیئر ویپن انسٹرکٹر) اور قاسم خان کانسٹیبل / ٹریننگ انسٹرکٹر
نے جی تھری/ اے تھری رائفل سے متعلق ایک عملی تربیتی سیشن منعقد کیا ۔ تربیت حاصل کرنے والے اہلکاروں کو اسلحہ کی بنیادی خصوصیات، مختلف حصوں، طریقۂ کار، اقدامات اور فیلڈ میں استعمال کے حوالے سے تفصیلیحفاظتی بریفنگ دی گئی۔
اس دوران شرکاء نے رائفل کو کھولنے اور جوڑنے، لوڈنگ و اَن لوڈنگ، اور اسلحہ کو محفوظ و مؤثر انداز میں ہینڈل کرنے کی عملی مشق بھی کی۔ ریسورس پرسنز نے اس بات پر زور دیا کہ جیل عملے کے لیے اسلحہ کے استعمال میں مہارت سکیورٹی کی ہنگامی صورتحال سے مؤثر انداز میں نمٹنے اور ادارہ جاتی تحفظ کو یقینی بنانے کے لیے نہایت اہم ہے۔
Khyber Pakhtunkhwa Prisons Department

21/05/2026

کمانڈنٹ پریزنز سٹاف ٹریننگ اکیڈمی ہری پور محترمہ فوزیہ تاج صاحبہ تربیت حاصل کرنے والے اہلکاروں کو بہترین سہولیات کی فراہمی اور اعلیٰ معیار کی پیشہ ورانہ تربیت یقینی بنانے کے لیے مسلسل عملی اقدامات کر رہی ہے۔
اسی سلسلے میں جناب عمیر خان اور جناب نجم حسین عباسی کو اکیڈمی انتظامیہ کی طرف سے اکیڈمی کے دورے کی دعوت دی گئی تاکہ اکیڈمی میں جاری دونوں تربیتی کورسز کے لیے دستیاب سہولیات کا تفصیلی جائزہ لیا جا سکے اور مزید درکار ضروریات کا تعین کیا جا سکے۔
یہ امر قابلِ تحسین ہے کہ ریجنل پریزنز آفس ہزارہ اور سنٹرل جیل ہری پور کی انتظامیہ نے 2022 میں اکیڈمی کے قیام سے لے کر اب تک ہر مرحلے پر بھرپور تعاون اور معاونت فراہم کی ہے۔ دورے کے دوران معزز افسران نے اکیڈمی کو درپیش آپریشنل ضروریات اور سہولیات کی فراہمی کے لیے اپنے مسلسل تعاون اور مکمل سرپرستی کی یقین دہانی بھی کروائی۔
اس موقع پر محترمہ فوزیہ تاج، کمانڈنٹ اکیڈمی، نے معزز افسران کی قیمتی معاونت، بھرپور تعاون اور اکیڈمی کی ترقی و مؤثر فعالیت کے لیے نیک تمناؤں پر دلی شکریہ ادا کیا۔
Khyber Pakhtunkhwa Prisons Department
Deputy Inspector General of Prisons,Hazara Region

20/05/2026

ٹریننگ رپورٹ برائے وارڈرز
مورخہ: 2026-05-20
پریزنز سٹاف ٹریننگ اکیڈمی ہری پور میں وارڈرز کے لیے درج ذیل چار تعلیمی سیشنز منعقد کیے گئے:

سیشن نمبر 1
ریسورس پرسن:
(Senior Instructor) جواد علی
موضوع: جیل رولز کا تعارف اور اہم اصطلاحات کی وضاحت
اس سیشن میں شرکاء کو جیل رولز کے بنیادی ڈھانچے اور اہم قانونی اصطلاحات سے متعارف کرایا گیا۔ مختلف دفعات اور ان کے عملی اطلاق پر روشنی ڈالی گئی۔

سیشن نمبر 2
ریسورس پرسن:
(Senior Instructor) طارق شیخ
موضوع: قانون کا عمومی تعارف اور قانونی اصول
اس لیکچر میں قانون کے بنیادی تصورات، اصولوں اور ان کی عملی اہمیت پر تفصیلی بریفنگ دی گئی، تاکہ وارڈرز اپنی ذمہ داریوں کو قانونی فریم ورک کے مطابق انجام دے سکیں۔
سیشن نمبر 3
ریسورس پرسن:
(Jnr Weapon Instructor) جنگریز خان
موضوع: جی تھری (G3-A3) رائفل کا تعارفی اور تکنیکی جائزہ
اس سیشن میں G3-A3 رائفل کے بنیادی حصوں، تکنیکی خصوصیات اور اس کے محفوظ استعمال کے بارے میں ابتدائی معلومات فراہم کی گئیں۔
سیشن نمبر 4
ریسورس پرسن:
(Database Administrator) محمد نوید
موضوع: پریزن مینجمنٹ انفارمیشن سسٹم (PMIS) کا تعارف اور جدید جیل انتظامیہ میں اس کا کردار
اس سیشن میں شرکاء کو PMIS کے بنیادی ڈھانچے، اس کے استعمال اور جدید جیل مینجمنٹ میں اس کی اہمیت سے آگاہ کیا گیا۔۔

20/05/2026

پریزنز سٹاف ٹریننگ اکیڈمی ہری پور میں جاری ڈپٹی سپرنٹنڈنٹس جیلز کی تربیت کے سلسلے میں مورخہ :2026-05-20 کو درج ذیل دو تعلیمی سیشنز منعقد کیے گئے:

سیشن نمبر 1
ریسورس پرسن:
سید محی الدین شاہ
ڈپٹی کمانڈنٹ، PSTA ہری پور
موضوع: Leadership Skills
اس سیشن میں ڈپٹی سپرنٹنڈنٹس جیلز کے لیے قائدانہ صلاحیتوں کی اہمیت پر تفصیلی روشنی ڈالی گئی۔ تربیت حاصل کرنے والے افسران کو نظم و ضبط کے قیام، مؤثر جیل انتظامیہ، بروقت فیصلہ سازی، عملے کی مؤثر نگرانی، اور جیلوں میں ہنگامی صورتحال سے نمٹنے کے حوالے سے
قائدانہ کردار اور پیشہ ورانہ ذمہ داریوں سے آگاہ کیا گیا۔

سیشن نمبر 2
ریسورس پرسن:
محمد نوید
ڈیٹا بیس ایڈمنسٹریٹر، سنٹرل جیل ہری پور
موضوع: Prison Management Information System (PMIS)
اس سیشن میں جدید جیل انتظامی نظام میں Prison Management Information System (PMIS) کے کردار اور افادیت پر تفصیلی بریفنگ دی گئی۔ شرکاء کو قیدیوں کے ریکارڈ کی ڈیجیٹل مینجمنٹ، ڈیٹا ہینڈلنگ، اور انتظامی امور میں جدید ٹیکنالوجی کے مؤثر استعمال سے متعلق آگاہ کیا گیا۔

19/05/2026

پریزنز سٹاف ٹریننگ اکیڈمی (PSTA) ہری پور
اکیڈمک سیشنز

مورخہ: 2026-05-19

پریزنز سٹاف ٹریننگ اکیڈمی (PSTA) ہری پور میں جاری بنیادی تربیتی کورس کے شرکاء کے لیے تربیتی شیڈول کے مطابق درج ذیل لیکچرز منعقد کیے گئے:

سیشن -1
جناب وقاص علی، ڈپٹی سپرنٹنڈنٹ، سنٹرل جیل ہری پور
موضوع:
تعارف برائے پریزن مینجمنٹ
پہلے سیشن میں ریسورس پرسن نے پریزن مینجمنٹ کے بنیادی مقاصد اور اصلاحی نظام میں اس کی اہمیت پر تفصیلی روشنی ڈالی۔ تربیت حاصل کرنے والے اہلکاروں کو جیل انتظامیہ کے بنیادی تصورات، نظم و ضبط، قیدیوں کی اصلاح و بحالی، سکیورٹی انتظامات اور پیشہ ورانہ ذمہ داریوں سے آگاہ کیا گیا۔ مزید برآں، مؤثر جیل انتظام کے ذریعے اصلاحی ماحول کو بہتر بنانے کے مختلف پہلوؤں پر بھی گفتگو کی گئی۔

سیشن-2
محمد زاہد
جونیئر کلرک (حافظِ قرآن)، PSTA ہری پور
موضوع:
قرآنِ پاک کی عظمت، حقوقُ اللّٰہ اور حقوقُ العباد۔

اس سیشن میں قرآنِ پاک کی عظمت، فضیلت اور اسلامی تعلیمات کی روشنی میں حقوقُ اللہ اور حقوقُ العباد کی اہمیت کو اجاگر کیا گیا۔ اُنہوں نے قرآنی آیات اور اسلامی تعلیمات کے ذریعے اخلاق، دیانتداری، صبر، برداشت اور احساسِ ذمہ داری کی اہمیت بیان کی۔ مزید برآں، تربیت حاصل کرنے والے اہلکاروں کو اپنے فرائض ایمانداری، حسنِ اخلاق اور پیشہ ورانہ دیانت کے ساتھ انجام دینے کی تلقین کی گئی۔
تمام تربیت حاصل کرنے والے اہلکاروں نے دونوں اکیڈمک سیشنز میں بھرپور دلچسپی کے ساتھ شرکت کی اور موضوعات سے متعلق مفید گفتگو میں حصہ لیا، جس سے ان کے پیشہ ورانہ جذبے، سیکھنے کے شوق اور تربیتی سرگرمیوں میں سنجیدگی کا اظہار ہوا۔

18/05/2026

پریزنز سٹاف ٹریننگ اکیڈمی ہری پور میں تربیتی سیشنز کی تفصیل۔
مورخہ: 2026-05-18
پریزنز سٹاف ٹریننگ اکیڈمی (PSTA) ہری پور میں جاری دو ماہ کی بنیادی تربیتی کورس برائے وارڈرز کے سلسلے میں پہلے دن تین اہم تربیتی سیشنز منعقد کیے گئے، جن کا مقصد تربیت حاصل کرنے والے وارڈرز کی پیشہ ورانہ صلاحیتوں، نظم و ضبط اور ذاتی کردار کو مزید بہتر بنانا تھا۔
سیشن نمبر 1

محترمہ سومیہ بی بی، ماہرِ نفسیات، سنٹرل جیل ہری پور
موضوع: ذہنی صحت
اس سیشن میں ذہنی صحت سے متعلق عام مسائل، ذہنی دباؤ سے بچاؤ، ذہنی سکون کے فروغ، اور ذہنی مسائل کے مؤثر تدارک و انتظام کے عملی طریقوں پر تفصیلی گفتگو کی گئی۔

سیشن نمبر 2

جناب عبد الحمید عباسی، سپرنٹنڈنٹ، ریجنل پرزنز آفس ایبٹ آباد برائے ہری پور۔
موضوع: ایفی شنسی اینڈ ڈسپلن رولز 2011 کا تعارف
اس سیشن میں ایفی شنسی اینڈ ڈسپلن رولز 2011 کا بنیادی تعارف پیش کیا گیا اور سرکاری ملازمت میں پیشہ ورانہ نظم و ضبط، ذمہ داری اور احتساب کی اہمیت کو اجاگر کیا گیا۔

سیشن نمبر 3

جناب اسد اللہ خان، مذہبی مدرس، PSTA ہری پور
موضوعات:
اسلام کا اخلاقی نظام،
اخلاق کا مفہوم
سچائی
اس سیشن میں اسلامی تعلیمات کی روشنی میں اخلاقی اقدار، حسنِ کردار اور سچائی کی اہمیت پر روشنی ڈالی گئی، اور ذاتی و پیشہ ورانہ زندگی میں ان اصولوں کو اپنانے پر زور دیا گیا۔

تمام سیشنز انتہائی معلوماتی اور باہمی گفتگو پر مبنی رہے۔ تربیت حاصل کرنے والے وارڈرز نے بھرپور دلچسپی اور جوش و جذبے کے ساتھ شرکت کی، جو ان کے سیکھنے، پیشہ ورانہ ترقی اور استعداد کار میں بہتری کے عزم کی عکاسی کرتا ہے۔