26/02/2024
ساڈے ۔۔۔۔۔ اسلام نال مذاق اے
یہ جملہ اچھرہ بازار میں خالصتاً اسلامی فرط جذبات سے مغلوب ھجوم میں بار بار سننے کو ملا ۔۔۔۔ دل ملول تھا ۔۔۔ اسلام کے ساتھ ایسا مذاق ۔۔۔۔ ؟؟؟؟؟
کیسا شعور رکھتا تھا یہ ھجوم ۔۔۔۔۔ ؟؟؟؟
کتنی محبت تھی اسے اسلام سے ۔۔۔۔۔۔؟؟؟؟
ھماری بدقسمتی کہ ھر کوئی شعور اٹھا کر ھمارے وطن میں چلا آتا ھے بانٹنے کو ۔۔۔۔۔ اور ھمیں مفت میں جو بھی کچھ دے ھم بشکلِ ھجوم اپنوں کو ھی روندھتے ھوئے لینے کے لئے دوڑ پڑتے ھیں ۔۔۔۔۔
بچپن سے سنتے آرھے ھیں "جس کی لاٹھی اس کی بھینس"
مگر یہاں تو بھینس ھی نہیں مگر پھر بھی ھر شخص لٹھ اٹھائے پھرتا ھے ۔۔۔۔ قوم کے نام پر ایک بےھنگم ھجوم ھے جو بے سمت، بلا مقصد اندھا دھند دوڑا پھرتا ھے ۔۔۔ نہ کوئی روکنے والا ھے نہ یہ رک رھا ھے ۔۔۔۔ لگتا ھے یہ ھجوم پاکستانی انسانوں کو ملک بدر کرنے کی کوئی پلاننگ ھے ۔۔۔ جو استطاعت رکھتے ھیں وہ ملک چھوڑ کر بھاگ جائیں اور "بد استطاعت" یونہی خوف میں مبتلا ھو کر یا تو خود ھی مر مرا جائیں یا پھر ایسے ھی کسی اسلامی ھجوم کے ھاتھوں مار دئیے جائیں ۔۔۔۔۔
ریاست ماں جیسی ۔۔۔۔ پہلے پہل تو یہی سمجھتے رھے کہ سوتیلی مائیں بھی تو ھوتی ھیں ممکن ھے ھماری ریاست سوتیلی ماں جیسی ھو ۔۔۔۔۔ مگر نہیں ۔۔۔۔ یہ کوئی ڈائین ہے شائد جو سات گھر چھوڑنے کی بجائے اپنے ھی گھر کو چمٹ گئی ھے ۔۔۔ مگر توبہ! توبہ! توبہ! اسے ڈائن کہنے سے کہیں ڈائن کی توھین نہ ھو جائے ۔۔۔۔۔ اور ڈائینوں کا ھجوم ھی نہ پل پڑے ۔۔۔۔۔
مجھے لگتا ھے کہ ریاست کو گدھ سے تشبیہہ دی جا سکتی ھے ۔۔۔۔۔ اس پر نہ گدھ کو کوئی اعتراض ھو گا اور نہ ھی ریاست کو ۔۔۔۔۔
ایسے حالات میں مشکل صرف ان انسانوں کو ھے جو وطن عزیز سے فرار کی استطاعت نہیں رکھتے اور اس خوف کے متحمل بھی نہیں ھو سکتے ۔۔۔۔ ان لے لئے بلھے شاہ صاحب کا ایک مشورہ ھے ۔۔۔۔
چل بلھیا، چل اوتھے چلیے
جتھے سارے اَنّے
نہ کوئی ساڈی ذات پچھانڑے
نہ کوئی سانوں منّے
