08/10/2026
جناب چیئرمین پاکستان پیپلز پارٹی بلاول بھٹو زرداری صاحب،
جناب گورنر گلگت بلتستان مہدی شاہ صاحب،
جناب وزیرِ اعلیٰ گلگت بلتستان امجد حسین ایڈووکیٹ صاحب!
ہم حلقہ نمبر 2 سکردو کے پاکستان پیپلز پارٹی کے کارکنان، نوجوانوں، بزرگوں اور پیپلز پارٹی سے محبت رکھنے والے تمام عوام کی جانب سے آپ معزز رہنماؤں سے پُرزور اپیل کرتے ہیں کہ سید محمد علی شاہ صاحب کو کوئی مناسب سیٹ دے کر عوام کی نمائندگی کا موقع فراہم کیا جائے۔
حلقہ نمبر 2 میں سید محمد علی شاہ صاحب کا مقابلہ مختلف سیاسی اور مذہبی جماعتوں سے تھا۔ انہوں نے ایک مشکل سیاسی مقابلے کا سامنا کیا اور تقریباً ساڑھے دس ہزار ووٹ حاصل کیے۔ ہار اور جیت سیاست اور انتخابات کا حصہ ہیں، لیکن عوام کی طرف سے ملنے والا اعتماد اپنی جگہ اہمیت رکھتا ہے۔ ہم سید محمد علی شاہ صاحب کو ان کی سیاسی جدوجہد اور مقابلے پر خراجِ تحسین پیش کرتے ہیں۔
جب جب پاکستان پیپلز پارٹی حلقہ نمبر 2 میں مشکل دور سے گزری، تب تب سید محمد علی شاہ نے پارٹی اور اس کے کارکنوں کو سنبھالا، کارکنوں کے ساتھ کھڑے رہے اور حلقہ نمبر 2 میں پارٹی کو متحرک رکھنے کے لیے اپنا کردار ادا کیا۔ آج جب پاکستان پیپلز پارٹی صوبے میں حکومت میں ہے، ہمیں امید ہے کہ پارٹی بھی اپنے دیرینہ اور وفادار کارکنوں کو نظرانداز نہیں کرے گی۔
حلقہ نمبر 2 کے عوام اور پاکستان پیپلز پارٹی کے کارکنان گزشتہ کئی برسوں سے پارٹی کے ساتھ وابستہ ہیں اور مسلسل پیپلز پارٹی کو ووٹ دیتے آئے ہیں۔ آج گلگت بلتستان میں پاکستان پیپلز پارٹی کی حکومت ہے، وزیرِ اعلیٰ بھی پیپلز پارٹی سے ہیں اور گورنر بھی پیپلز پارٹی سے ہیں۔ لہٰذا ہماری امید ہے کہ حلقہ نمبر 2 کے عوام، کارکنان اور ان کی آواز کو نظرانداز نہیں کیا جائے گا۔
ہم جناب بلاول بھٹو زرداری صاحب، جناب گورنر مہدی شاہ صاحب اور جناب وزیرِ اعلیٰ امجد حسین ایڈووکیٹ صاحب سے ایک بار پھر پُرزور اپیل کرتے ہیں کہ سید محمد علی شاہ صاحب کو کوئی مناسب سیٹ دے کر اسمبلی میں عوام کی نمائندگی کرنے کا موقع فراہم کیا جائے، تاکہ حلقہ نمبر 2 کے عوام کی آواز بھی ایوان تک پہنچ سکے۔
ہمیں امید ہے کہ ہماری اس درخواست، حلقہ نمبر 2 کے عوام کی آواز اور کارکنان کے جذبات کو مدنظر رکھتے ہوئے مثبت فیصلہ کیا جائے گا۔
پاکستان پیپلز پارٹی زندہ باد
منجانب
خواجہ محمد شکیل سکریٹری انفارمیشن سب ڈویژن گمبہ سکردو
