PashtoonKhuwa Students Organization IIUI

د پښتونخوا سټو ډنټس ارګنایزیشن منو ګرام

زمونږ مونوګرام د نړۍ د ګلوب په پس منظر کښې د پښتنو د غریځ هېواد په جګو څوکو د لمر وړانګې ښکاروي او دا وړانګې د پښتنو د راتلونکي روڼ صباون،خپلواکۍ،پوهنې،ټولنیز عدالت او د ښه ورورلۍ د ژوند ښکارونه کوي.

خو دا هم بیخي تجربه شوې خبره ده چې د دغه ښه روڼ صباون ګټه بې له دغه دوو شیانو لکه کتاب او ټوپک چې په مونوګرام کښې انځور شوي دي تر اوسه هیڅ چېرې او هیچا نه ده

کړې.

د مونوګرام په لاندې برخه کښې د غنمو وږي د ستر احمد شاه بابا له وخته زمونږ ملي سیمبل او نښان دی چې د هېواد سمسورتیا او وداني ښکاروي.

د نړۍ هېوادونه یو بل سره په جغرافیایي،معاشي،سیاسي او ټولنیځ مزو تړلي دي. د شریکو ګټو پر بنسټ نړي وال اتحادونه جوړ شوي دي، د امن،جمهوریت،ازادۍ او ټولنیز عدالت غوښتونکي په یو او دښمنان په بل قطار کښې ولاړ دي او د نړۍ ښه او بد په پښتونخوا او د پښتونخوا ښه او بد په نړۍ اثر ښندي ځکه خو د پښتونخوا د ازادۍ،جمهوریت، ټولنیز عدالت او امن انقلابي بهیر له امن کېمپ کارګري تحریکو او د ملي ازادي له غورزنګو سره په نه شلېدونکي ډول تړلي دي. په مونوګرام کښې ګلوب د دې ښکارندوی دی
منشور) د پښتونخوا سټوډنټس ارګنایزیشن مرامنامه)
د ګران او تاریخي ټول وطنپال،روښان فکره،جمهوري،مترقي طلباعلمان او د وطن او اولس د خپلواکۍ او ترقۍ سره مینه لرونکي باسواده ځوانان په یو فلېټ فارم متحد کول او په علمي جهابینۍ باندې د هغوي زهنونه منوره کول او د افغان مړني اولس د ملي ازادۍ،جمهوریت،ټولنیز عدالت،امن ترقي د انقلابي ملي سیاسي لښکر د یوې دستې په حېث د لوستونکو د تعلیمي او ټول جمهوري حقوقو لپاره جدوجهد کول

جدید ترقي یافته نظام تعليم راځول، تعليم عام کول او د ټولو و‌طنپالو لپاره مفت تر مټرکه لازمي ګرځول

د ساينس او ټکنالوجۍ د عصري تقاضو مطابق نصاب تعلیم مرتب کول.د ښونې او روزنې د جدید ادارو قایمولو او ډېرولو فني پشه وارانه تعلیم ته وده ورکولو لپاره مبارزه کول

پښتو او پښتون وطن کښې د اوسېدونکو مورنۍ سرکاري تعلیم تر مټرک او بیا ورپسې د پوهنتون تر سطحې ټول تعلیم په خپله مورنۍ ژبه راځول او پښتو ژبې اداب اولسي ثقافت ته وده ورکول.

په تعلیمي اداره کښې د نظریاتي ازادي علمي او جمهوري فضا قایمول او تعلیمي ادارو کښې تفاوت ختمول او بلا رنګ ، نسل ، ژبه طبقه،مذهب او د هر وګړي لپاره یوشانتې تعلیمي اسانتیاوې برابرول

د استاذانو وقار لوړول ، د هغوي د ملازمت او هرډول جمهوري حقوقو لپاره مبارزه کول

تعلیم او د ژوند په ټولو برخو کښې د ښځې او نر د برابرۍ حقوق عملي کول

د مستعمره مشرقي پښتونخوا (موجوده خېبرپښتونخوا)، مستعمره جنوبي پښتونخوا ( موجوده بلوچیستان پښتون علاقې) په وحدت مبني د پښتون اولس د قومي حق خوداختیارۍ په بنیاد د افغانیې، پښتونخوا یا پښتونیستان په نامه خپلواکه صوبه قایمول

په ملک کښې استعماري حوکمراني نسکورول او د برابرۍ ، سیالۍ او باهمي احترام په بنیاد د بلوڅ ، سیندهي ، سرايکي محکومو قامونو د قومي ، جمهوري او د پنجاب د زپلي او زیار کښ اولس او نور جمهوري تحریکونو سره د پښتون د ملي خپلوکۍ جمهوري اولسي تحریک د متحد کولو او د پښتون اولس د جمهوري اقتدار په لاس د یوې مترقي ټولنې د جوړولو په لار کښې د ژور ټولنیزانقلاب د قومي ازادۍ جمهوري انقلاب تکمیل د رسولو لپاره مبارزه کول

د ساینسي مفکورې په رڼا کښې د وطن د ملي خپلواکۍ او جمهوري تحریک متحد کول او په محکوم (مستعمره مشرقي او جنوبي پښتونخوا) او نیم محکوم (منځنۍ پښتونخوا ازاد پښتون قبایل) باندې د زیار کښ افغان اولس د قومي اختیار او جمهوري سیاسي اقتدار د راوستلو لپاره مبارزه کول

په ملکي ائین کښې د قران و سنت مخالف دفعات نه پرېښودل

ازاد تاریخي افغانیستان د وطنپال اولس د افغان خاورې تمامیت ملي استقلال امن ، جمهوریت ، ترقي او خوشحالي ملي او اولسي ارمانونه پوره کولو د پاره مبارزه کولو کښې د هغوي حمایه او فعاله برخه درلودنه

د سامراجي استعماري (ګماشته) او جاګیردارانه نظام د ختمولو او د ملي خودمخاري او ټولنيز عدالت د قیام لپاره په ځوانانو کښې قومي او طبقاتي شعور پیدا کول او د ځوانانو د ذهني او بدني روزنې او نشونما لپاره علمي ادابي هونري ثقافتي او د لوبو پروګرامونه ترتیبول ، کلتوري ادارې تشکیلول

د خیتې او ټولې نړۍ د ځوانانو جمهوري سازمانونو سره د باهمي همکارۍ او پېوستون اړیکې ټیګول او په متحده ډول د نوي نسل د تعلیمي او هر ډول جمهوري حقوقو لپاره مبارزه کول

د ټولې نړۍ محکوم قومو او د مظلوم انسانانو د ازادۍ جمهوري جدوجهد حمایه او د ټولې نړۍ د سامرج دوښمن جمهوري قوتو ملاتړ کول او د خپال اولس په زریع د هغوي سره تر خپل وڅه اخلاقي او مادي مرسته کول او د هغوي نه د دغسې حمایې او کومک هیله کول

د زوړ او نوي استعمار، صېهونیت، نسل پرستي، مذهبي فرقه پرستي، جنونیت او بنیاد ګري په خلاف د اولسونو او قومونو د ازادۍ برابرۍ او انسان دوستۍ په حمایت کښې نه ستړې کېدونکې مبارزه کول.