01/06/2026
معزز تاجران آبپارہ مارکیٹ
اسلام علیکم
حکومت کی جانب سے تقریباً تیرہ دنوں کے لیے عید کے موقع پر جو ریلیف نوٹیفکیشن جاری کیا گیا تھا، اُس وقت موجودہ یونین کی جانب سے اسے اپنی بڑی کامیابی قرار دیا گیا، خوب مبارکبادیں وصول کی گئیں اور اسے اپنے احتجاج کا نتیجہ قرار دیا گیا۔
لیکن آج یکم جون سے حکومت نے وہی نرمی والا نوٹیفکیشن واپس لے لیا ہے اور دوبارہ رات 8 بجے مارکیٹ بند کرنے کا حکم نافذ ہو چکا ہے۔ اس صورتحال نے ایک بار پھر تاجروں کو پریشانی میں ڈال دیا ہے اور یونین کے تمام دعوؤں کی حقیقت سامنے آگئی ہے۔
اب تاجر انصاف گروپ یونین کو یاددہانی کراتا ہے کہ احتجاج کا اصل وقت آج رات 8 بجے ہے جب دوبارہ سے انتظامیہ زور زبردستی سے دکانیں بند کرائے گی اور حکم پہلی شروع ہوگی۔ اگر آپ واقعی دکانداروں کے ساتھ کھڑے ہیں اور آپ کا احتجاج حقیقی تھا تو اب اصل امتحان کا وقت ہے۔
*ہم کہتے ہیں کہ احتجاج دکانیں بند کر کے نہیں بلکہ دکانیں کھول کر کیا جائے۔ آج اصل موقع ہے کہ رات 8 بجے آپ خود مارکیٹ میں موجود ہوں، دکانیں کھلوائیں اور انتظامیہ کے سامنے عملی طور پر کھڑے ہوں۔ اس سارے عمل میں تاجر انصاف گروپ آبپارہ کے سارے عمائدین یونین کے شانہ بشانہ کھڑے ہوں گے*۔ دکانیں کھلوائیں گے اور پُرامن انداز میں اپنا موقف سامنے رکھیں گے۔
*آخر میں تاجر انصاف گروپ آبپارہ یونین سے پُرزور مطالبہ کرتا ہے کہ آئین کے مطابق چھ ماہ سے زائد کا عرصہ گزر چکا ہے اور آپ کے سینئر عہدیداروں کے استعفوں کے بعد آپ اخلاقی جواز بھی کھو چکے ہیں۔ لہٰذا فوری طور پر جنرل باڈی اجلاس بلایا جائے، تاجروں سے باضابطہ معافی مانگی جائے اور مستعفی ہوکر نئے الیکشن کا اعلان کریں*۔
Gauhar Ali Khan
Tajir insaf group Aabpara
