FIA Islamabad Zone ICT

10/07/2026

وفاقی تحقیقاتی ادارہ (ایف آئی اے) اسلام آباد زون عوام الناس کو آگاہ کرتا ہے کہ انسانی اسمگلنگ میں ملوث عناصر جھوٹے وعدوں اور گمراہ کن دعووں کے ذریعے شہریوں کو غیر قانونی طریقے سے بیرون ملک بھجوانے کی کوشش کرتے ہیں۔ ایسے غیر قانونی راستوں کے نتیجے میں گرفتاری، مالی نقصان اور جانی خطرات جیسے سنگین مسائل جنم لے سکتے ہیں۔

ایف آئی اے تمام شہریوں سے استدعا کرتی ہے کہ روزگار یا بیرون ملک سفر کے لیے صرف قانونی و مصدقہ ذرائع کا استعمال کریں اور کسی بھی مشکوک ایجنٹ یا انسانی اسمگلنگ کی سرگرمی کی اطلاع فوری طور پر متعلقہ حکام کو دیں۔

09/07/2026

09/07/2026

فیڈرل انوسٹیگیشن ایجنسی،
اسلام آباد زون

*جعلی ساؤتھ افریقہ ویزے پر بیرون ملک جانے کی کوشش ناکام -

ایف آئی اے امیگریشن اسلام آباد ائرپورٹ کی کارروائی

اسلام آباد: 8 جولائی 2026 کو ایف آئی اے امیگریشن اسلام آباد ائرپورٹ نے سیکنڈری پروفائلنگ کے دوران ایک مسافر کو آف لوڈ کر دیا۔ مسافر سلام ایئر فلائٹ OV-564 کے ذریعے ورک ویزے پر قطر جا رہا تھا۔

دستاویزات کی تفصیلی جانچ کے دوران مسافر کے پاسپورٹ کے صفحہ نمبر 9 پر لگے ساؤتھ افریقہ کے اسٹیکر ویزے کو جعلی پایا گیا جس سے غیر قانونی مائیگریشن کی کوشش اور انسانی سمگلروں سے مسافر کے روابط کا شبہ پیدا ہوا۔

مسافر کو آف لوڈ کر کے مزید قانونی کارروائی کے لیے اینٹی ہیومن ٹریفکنگ سرکل اسلام آباد کے حوالے کر دیا گیا۔ اس کے ساتھ ساتھ بیورو آف ایمیگریشن کے متعلقہ اہلکاروں کے کردار کا تعین کرنے کے لیے باقاعدہ انکوائری شروع کرنے کی سفارش بھی کی گئی ہے۔

مزید تفتیش جاری ہے۔

09/07/2026

فیڈرل انوسٹیگیشن ایجنسی،
اسلام آباد زون

*بحریہ ٹاؤن غیر قانونی زرِمبادلہ کیس - تین ملزمان کو سزا، ایک ایک سال قید اور پانچ پانچ لاکھ جرمانہ*

ایف آئی اے کمرشل بینکنگ سرکل اسلام آباد کی بڑی عدالتی کامیابی

اسلام آباد: فیڈرل انوسٹیگیشن ایجنسی کمرشل بینکنگ سرکل اسلام آباد نے غیر قانونی زرِمبادلہ اور حوالہ ہنڈی کے کاروبار میں ملوث ملزمان کے خلاف ایف آئی آر نمبر 48/2025 دفعات 4، 5، 8، 9 اور 23 فارن ایکسچینج ریگولیشن ایکٹ 1947 (ترمیم شدہ 2020) کے تحت درج کی تھی۔ تحقیقات میں انکشاف ہوا کہ ملزمان نے بڑے پیمانے پر غیر دستاویزی مالی لین دین حوالہ ہنڈی چینلز کے ذریعے کیا جو فارن ایکسچینج ریگولیشن ایکٹ کی صریح خلاف ورزی ہے۔ مالی ریکارڈ کے تجزیے سے ملزمان کی دولت میں غیر معمولی اضافہ سامنے آیا جو ان کے معروف مالی پروفائل سے مطابقت نہیں رکھتا تھا۔

آج 9 جولائی 2026 کو ایڈیشنل سیشن جج ویسٹ اسلام آباد نصرمن اللہ بلوچ نے مقدمے کی سماعت مکمل کرتے ہوئے تینوں ملزمان کرنل (ریٹائرڈ) خلیل الرحمان نائب چیف ایگزیکٹو بحریہ ٹاؤن، عمران کاکا حوالہ ایجنٹ اور مشتاق احمد پراپرٹی ڈیلر کو مجرم قرار دیتے ہوئے ہر ایک کو ایک ایک سال قید، پانچ پانچ لاکھ روپے جرمانہ اور غیر قانونی مالی لین دین سے منسلک اثاثہ جات کی ضبطگی کی سزا سنائی۔

یہ کامیابی ایف آئی اے ٹیم کی پیشہ ورانہ صلاحیت کا منہ بولتا ثبوت ہے جس میں ڈپٹی ڈائریکٹر اینٹی منی لانڈرنگ سرکل اسلام آباد رانا عابد حسین، تفتیشی افسر انسپکٹر زاہد بھٹی اور اسسٹنٹ ڈائریکٹر لیگل محمد افضال نے کلیدی کردار ادا کیا۔

یہ عدالتی فیصلہ غیر قانونی حوالہ ہنڈی نیٹ ورکس اور غیر دستاویزی مالی لین دین کے خلاف ایف آئی اے کے جاری کریک ڈاؤن میں ایک اہم سنگِ میل ہے۔

08/07/2026

فیڈرل انوسٹیگیشن ایجنسی،
اسلام آباد زون

*غیر قانونی منی ٹرانسفر سروسز میں ملوث اشتہاری ملزم گرفتار، 3 روزہ ریمانڈ منظور*

ایف آئی اے کمرشل بینکنگ سرکل اسلام آباد کی کارروائی

اسلام آباد: فیڈرل انوسٹیگیشن ایجنسی کمرشل بینکنگ سرکل اسلام آباد نے خفیہ اطلاع پر کارروائی کرتے ہوئے غیر قانونی منی ویلیو ٹرانسفر سروسز میں ملوث مفرور ملزم حمزہ فیصل ولد فیصل مشتاق کو راولپنڈی سے گرفتار کر لیا۔

ملزم ایف آئی آر نمبر 42/2025 ایف آئی اے کمرشل بینکنگ سرکل اسلام آباد میں نامزد اشتہاری ملزم تھا جو گرفتاری سے بچنے کے لیے روپوش تھا۔

تحقیقات کے مطابق ملزم نے غیر قانونی منی ویلیو ٹرانسفر سروسز کے ذریعے شکایت کنندہ کو 56 لاکھ روپے کا نقصان پہنچایا۔

گرفتاری کے بعد ملزم کو عدالت میں پیش کیا گیا جہاں معزز عدالت نے 3 روزہ جسمانی ریمانڈ منظور کر لیا۔

مزید تفتیش جاری ہے۔

07/07/2026

فیڈرل انوسٹیگیشن ایجنسی،
اسلام آباد زون

*افغان شہری کو جعلی پاکستانی شناختی کارڈ دلوانے میں ملوث افراد بے نقاب - ملزمان کی ضمانتیں خارج*

ایف آئی اے اینٹی کرپشن سرکل اسلام آباد کی اہم کارروائی

نادرا ریجنل ہیڈ آفس اسلام آباد کی شکایت پر افغان شہری محمد امین ولد حیدر گل کے خلاف انکوائری کا آغاز کیا گیا

تحقیقات میں انکشاف ہوا کہ ملزم افغان نیشنل ہے جس نے غلط بیانی کے ذریعے پاکستانی سی این آئی سی حاصل کی

ملزم کا معاملہ نادرا زونل بورڈ کو بھجوایا گیا جس نے ملزم کی سی این آئی سی منظور کی

تحقیقات مکمل ہونے پر 28 اپریل 2026 کو ملزم محمد امین اور نادرا زونل بورڈ کے ملوث ممبران کے خلاف ایف آئی آر نمبر 13/2026 متعلقہ دفعات کے تحت درج کی گئی

ملزم محمد امین گرفتار ہو کر اڈیالہ جیل میں ہے جبکہ عدالت اس کی پوسٹ اریسٹ بیل پہلے ہی خارج کر چکی ہے

آج 07 جولائی 2026 کو سپیشل جج سنٹرل اسلام آباد نے نادرا زونل بورڈ کے تین ملوث ممبران شہزاد محمد نسیم اسسٹنٹ ڈائریکٹر، راجہ تیمور سینئر ایگزیکٹو اور سجید محمود انٹیلی جنس آفیسر کی بیل بفور اریسٹ خارج کر دی

تمام ملزمان کے خلاف تفتیش انویسٹی گیشن آفیسر شہزاد خاکوانی سب انسپکٹر ایف آئی اے اینٹی کرپشن سرکل اسلام آباد سرانجام دے رہے ہیں

مزید تفتیش جاری ہے

ترجمان ایف آئی اے، اسلام آباد زون

04/07/2026

ایف آئی اے اسلام آباد زون کی اہم کارروائی

ویزا فراڈ کیس میں ملوث ملزم سے 20 لاکھ روپے نقد برآمد کر لیے گئے، جو مکمل طور پر شکایت کنندہ کے حوالے کر دیے گئے۔ ایف آئی اے اسلام آباد زون شہریوں کے حقوق کے تحفظ اور فراڈ کے مکمل خاتمے کے لیے پرعزم ہے۔

عوام سے اپیل ہے کہ کسی بھی مشکوک سرگرمی یا فراڈ کی صورت میں فوری طور پر ایف آئی اے سے رابطہ کریں۔

#

03/07/2026

FIA Recruitment 2026 – Roll Number Slips Issued

Candidates are advised to download their roll number slips using their CNIC by visiting the link below:

https://datesheet.vu.edu.pk/ets/default.aspx

FIA Islamabad Zone wishes all candidates the very best of luck for their examination.

Stay confident and give your best!

03/07/2026

ہزاروں روپے دے کر جعلی ایجنٹوں کے جال میں نہ پھنسیں۔

بیرون ملک جانے کا درست طریقہ اپنائیں۔

مشکوک ایجنٹ یا انسانی اسمگلر کی اطلاع فوری ایف آئی اے کو دیں۔

02/07/2026

آج مورخہ 02-07-2026 کو ایف آئی اے اینٹی ہیومن ٹریفکنگ سرکل نے کارروائی کرتے ہوئے ملزم (ٹریول ایجنٹ) کو مقدمہ نمبر 131/25، زیر دفعات 17، 18/22 امیگریشن آرڈیننس 1979 بمعہ دفعات 420، 468 اور 471 تعزیراتِ پاکستان میں گرفتار کر لیا۔

ملزم نے متاثرہ شہری کو جمہوریہ چیک (Czech Republic) بھجوانے کا جھانسہ دے کر 23 لاکھ 50 ہزار روپے ہتھیا لیے تھے۔ مقدمے کی مزید تفتیش جاری ہے۔

ریڈنگ ٹیم:

* محمد عظیم، IP
* انضمام الحق FC