20/08/2026
الحمدللہ، قوم برمحمدخیل فلاحی کمیٹی کے چیئرمین ملک موصل خان، بر محمد خیل فلاحی کمیٹی کے ممبران، قومی مشران اور دیگر معززین کی مسلسل کوششوں سے تپہ تیرائی میں لیاقت علی خاندان اور یونس علی خاندان کے درمیان جاری معاملے میں تیگے کی مدت اب باہمی رضامندی سے مزید پانچ ماہ (2/2/2027 ) کے لیے بڑھا دی گئی ہے۔
اس امن کے عمل میں تپہ تیرائی کے کردار کو بھی خراجِ تحسین پیش کرتے ہیں۔ دونوں خاندانوں نے صبر، برداشت اور امن کو ترجیح دیتے ہوئے پہلے 10 دن، پھر 2 ماہ اور اب 5 ماہ کے تیگے پر اتفاق کیا، جو مستقل صلح کی جانب ایک مثبت قدم ہے۔
قوم برمحمدخیل فلاحی کمیٹی کی جانب سے سابق ایم این اے حاجی جواد حسن صاحب، ملک نورجاف حاجی صاحب، تپہ تیرائی کے مشران و عمائدین اور ان تمام افراد کا تہہ دل سے شکریہ ادا کیا جاتا ہے جنہوں نے اس معاملے میں کسی بھی شکل میں تعاون کیا۔
خصوصی طور پر قوم شیخان سے تعلق رکھنے والے حاجی رفیق صاحب کے خلوص اور تعاون کو بھی قدر کی نگاہ سے دیکھتے ہوئے ان کا شکریہ ادا کرتے ہیں۔
ہم دونوں فریقین، لیاقت علی خاندان اور یونس علی خاندان کے صبر و تعاون کو بھی خراجِ تحسین پیش کرتے ہیں۔ امید ہے کہ یہ تیگہ مستقل صلح، امن اور بھائی چارے کی بنیاد بنے گا۔
