28/10/2025
وزیرِ اعلیٰ سندھ، جناب سید مراد علی شاہ صاحب نے معاونِ خصوصی وزیرِ اعلیٰ و وزیرِ سائنس و انفارمیشن ٹیکنالوجی، جناب علی راشد صاحب کے ہمراہ “سندھ جاب پورٹل” کا افتتاح کیا۔
یہ جدید پورٹل صوبے میں سرکاری ملازمتوں کے عمل کو مکمل طور پر ڈیجیٹل اور شفاف بنانے کی جانب ایک اہم سنگِ میل ہے۔ جدید ٹیکنالوجی اور مصنوعی ذہانت کے استعمال سے یہ نظام امیدواروں کے لیے ملازمتوں تک آسان رسائی فراہم کرے گا، جبکہ بھرتی کے عمل میں میرٹ اور کارکردگی کو یقینی بنائے گا۔
وزیرِ اعلیٰ سندھ نے اس اقدام کو نوجوانوں کے لیے روزگار کے مواقع بڑھانے اور ڈیجیٹل سندھ کے وژن کو حقیقت میں بدلنے کی جانب ایک نمایاں پیش رفت قرار دیا۔