Pukhtoon SF Jamia Urdu Gulshan E Iqbal Unit

Pukhtoon SF Jamia Urdu Gulshan E Iqbal Unit Pukhtoon Students Federation ��

📌پریس ریلیز:-آج بتاریخ 25 اگست 2026 بروز منگل بی.ایس.سی بلاک انچارج نثار آفریدی کی جانب سے بی.ایس.سی بلاک میں اسٹینڈ لگا...
25/08/2026

📌پریس ریلیز:-

آج بتاریخ 25 اگست 2026 بروز منگل بی.ایس.سی بلاک انچارج نثار آفریدی کی جانب سے بی.ایس.سی بلاک میں اسٹینڈ لگایا گیا جس میں کارکنان نے شرکت کی.

اسٹینڈ کا مقصد سمسٹر کے آغاز میں ساتھیوں سے ملاقات تھی ساتھ ہی میں طلبہ کو تنظیمی ایکٹیوٹیز پر اور پڑھائی پر فوکس کرنے کا بھی کہا گیا.

اسٹینڈ میں پختون اسٹوڈنٹس فیڈریشن جامعہ اردو مارننگ یونٹ کے صدر آصف آغا اور جنرل سیکرٹری شاہد صافی نے بھی شرکت کی.

بلاک انچارج کی جانب سے تمام کارکنان و طلبہ کو یقین دہانی کرائی گئی کہ کسی قسم کا بھی مسئلہ ہو وہ اپنے ڈیپارٹمنٹ انچارج اور بلاک انچارج سے رابطہ کیا کریں تاکہ انکو کسی قسم کی مشکلات یا پریشانی کا سامنا نہ کرنا پڑے.

اسٹینڈ کے اختتام پر صدر اور جنرل سیکرٹری نے بھی اپنے خیالات کا اظہار کیا.

ترجمان:-
پختون اسٹوڈنٹس فیڈریشن جامعہ اردو مارننگ یونٹ، گلشن کیمپس 🚩

📌پریس ریلیز:-آج بتاریخ 24 اگست 2026 بروز پیر فارمیسی ڈپارٹمنٹ میں ڈپارٹمنٹ انچارج منور محسود کی جانب سے اور بی.بی.اے بلا...
24/08/2026

📌پریس ریلیز:-

آج بتاریخ 24 اگست 2026 بروز پیر فارمیسی ڈپارٹمنٹ میں ڈپارٹمنٹ انچارج منور محسود کی جانب سے اور بی.بی.اے بلاک میں بلاک انچارج شاہ جی کی جانب سے اسٹینڈ لگایا گیا جس میں کارکنان نے بھر پور شرکت کی.

اسٹینڈ کا مقصد طلبہ کو درپیش مسائل اور تعلیمی حوالے سے آگاہی دینا تھی جو منور محسود نے بہت احسن طریقے پوری کی اور ساتھ ہی ساتھ طلبہ کو تنظیمی ایکٹیوٹیز پر اور پڑھائی پر فوکس کرنے کا بھی کہا گیا.

اسٹینڈ کے موقع پر نیو بلڈنگ انچارج عمران بھی موجود تھے جنہوں نے پڑھائی کے حوالے سے طلبہ کو گائیڈ کیا.

اسی طرح بی بی اے بلاک انچارج شاہ جی اپنے بلاک میں طلبہ کو پڑھائی سے متعلق گائیڈ کیا.

صدر آصف آغا اور جنرل سیکرٹری شاہد صافی پختون اسٹوڈنٹس فیڈریشن جامعہ اردو مارننگ یونٹ نے دونوں بلاکس میں اسٹینڈز پر دورہ کیا اور جائزہ لیا.

ترجمان:-
پختون اسٹوڈنٹس فیڈریشن جامعہ اردو مارننگ یونٹ، گلشن کیمپس 🚩

سرحد یونیورسٹی واقعہ — طلبہ کے تحفظ کا سوال!سرحد یونیورسٹی اسلام آباد کیمپس میں طلبہ کے احتجاج کے دوران پیش آنے والے فائ...
24/08/2026

سرحد یونیورسٹی واقعہ — طلبہ کے تحفظ کا سوال!

سرحد یونیورسٹی اسلام آباد کیمپس میں طلبہ کے احتجاج کے دوران پیش آنے والے فائرنگ کے واقعے پر پختون اسٹوڈنٹس فیڈریشن جامعہ اردو گہری تشویش اور شدید مذمت کا اظہار کرتی ہے۔

تعلیمی ادارے طلبہ کے لیے علم، شعور اور اظہارِ رائے کے مراکز ہوتے ہیں، انہیں کسی بھی صورت خوف، دھمکی اور اسلحے کی نمائش کا مرکز نہیں بننا چاہیے۔ طلبہ اپنے جائز تعلیمی اور بنیادی حقوق کے لیے آواز اٹھائیں تو ان کے ساتھ طاقت کے بجائے مکالمے اور قانون کے مطابق معاملہ کیا جانا چاہیے۔

ہم مطالبہ کرتے ہیں کہ سرحد یونیورسٹی واقعے کی شفاف، غیر جانب دار اور مکمل تحقیقات کی جائیں، واقعے میں ملوث تمام افراد کو بلاامتیاز قانون کے کٹہرے میں لایا جائے اور یونیورسٹی میں طلبہ کی جان و مال اور بنیادی حقوق کا مکمل تحفظ یقینی بنایا جائے۔

پختون اسٹوڈنٹس فیڈریشن جامعہ اردو طلبہ کے پرامن، جمہوری اور آئینی حقِ احتجاج کے ساتھ کھڑی ہے اور واضح کرتی ہے کہ تعلیمی اداروں میں خوف نہیں، امن، آزادیِ اظہار اور طلبہ کا احترام ہونا چاہیے۔

صدر: آصف آغا
پختون اسٹوڈنٹس فیڈریشن جامعہ اردو مارننگ یونٹ،۔ گلشن کیمپس 🚩

12 اگست 1948 — سانحۂ بابڑہشہداء کو خراجِ عقیدتپختون اسٹوڈنٹس فیڈریشن سانحۂ بابڑہ کے تمام شہداء کو خراجِ عقیدت اور سلام...
12/08/2026

12 اگست 1948 — سانحۂ بابڑہ
شہداء کو خراجِ عقیدت

پختون اسٹوڈنٹس فیڈریشن سانحۂ بابڑہ کے تمام شہداء کو خراجِ عقیدت اور سلامِ احترام پیش کرتی ہے۔ 12 اگست 1948 پختون تاریخ کا ایک المناک اور ناقابلِ فراموش دن ہے، جب بابڑہ کے مقام پر پُرامن سیاسی کارکنوں کو ظلم و جبر کا نشانہ بنایا گیا۔

بابڑہ کے شہداء نے اپنے بنیادی حقوق، جمہوریت، امن اور سیاسی آزادی کے لیے اپنی جانوں کی قربانی دی۔ ان کی جدوجہد اور قربانیاں آج بھی ہمیں اپنے حقوق کے لیے پُرامن اور جمہوری جدوجہد کا درس دیتی ہیں۔

ہم شہداء کی قربانیوں کو سلام پیش کرتے ہوئے اس عزم کا اعادہ کرتے ہیں کہ امن، جمہوریت، عدمِ تشدد اور انسانی حقوق کے اصولوں کے لیے ہماری جدوجہد جاری رہے گی۔

بابڑہ کے شہداء کو سلامِ عقیدت۔
شہداء کی قربانیاں ہمیشہ ہماری تاریخ کا روشن باب رہیں گی۔

پختون اسٹوڈنٹس فیڈریشن جامعہ اردو مارننگ یونٹ گلشن کیمپس 🚩

📌8 اگست 2016سانحہ کوئٹہ کے حوالے سے بیان8 اگست 2016 کو کوئٹہ میں پیش آنے والا دہشت گردی کا المناک واقعہ ہمارے معاشرے پر ...
08/08/2026

📌8 اگست 2016

سانحہ کوئٹہ کے حوالے سے بیان

8 اگست 2016 کو کوئٹہ میں پیش آنے والا دہشت گردی کا المناک واقعہ ہمارے معاشرے پر ایک گہرا زخم ہے۔ سول ہسپتال کوئٹہ میں معصوم شہریوں، وکلاء اور صحافیوں کو نشانہ بنایا گیا، جس میں کئی قیمتی جانیں ضائع ہوئیں۔

پختون اسٹوڈنٹس فیڈریشن ان تمام شہداء کو خراجِ عقیدت پیش کرتی ہے اور ان کے اہلِ خانہ کے دکھ میں برابر کی شریک ہے۔

ہم سمجھتے ہیں کہ دہشت گردی کے خلاف جدوجہد صرف قانون نافذ کرنے والے اداروں کی نہیں بلکہ پوری قوم کی اجتماعی ذمہ داری ہے۔ ضرورت اس بات کی ہے کہ ایسے واقعات کی شفاف تحقیقات کرکے ذمہ دار عناصر کو قرارِ واقعی سزا دی جائے اور مستقبل میں ایسے حملوں کی روک تھام کے لیے ٹھوس اقدامات کیے جائیں۔

ہم اس عزم کا اعادہ کرتے ہیں کہ شہداء کے مشن کو زندہ رکھیں گے اور امن، انصاف اور مساوات پر مبنی معاشرے کے لیے اپنی آواز بلند کرتے رہیں گے۔

آصف آغا
صدر
پختون اسٹوڈنٹس فیڈریشن❤️🚩

پختون اسٹوڈنٹس فیڈریشنصدر آصف آغا کا مذمتی بیانسوات کے علاقے کبل میں امن مظاہرے کے دوران ہونے والے دھماکے کی شدید الفاظ ...
02/08/2026

پختون اسٹوڈنٹس فیڈریشن
صدر آصف آغا کا مذمتی بیان

سوات کے علاقے کبل میں امن مظاہرے کے دوران ہونے والے دھماکے کی شدید الفاظ میں مذمت کرتے ہیں۔ نہتے اور پرامن شہریوں کو نشانہ بنانا ایک انتہائی افسوسناک اور انسانیت سوز عمل ہے، جس کی جتنی بھی مذمت کی جائے کم ہے۔ ابتدائی اطلاعات کے مطابق دھماکہ امن ریلی کے دوران پیش آیا، تاہم واقعے کی تفصیلات سامنے آ رہی ہیں۔

پختون اسٹوڈنٹس فیڈریشن شہداء کے اہلِ خانہ سے دلی ہمدردی اور تعزیت کا اظہار کرتی ہے، زخمیوں کی جلد صحت یابی کے لیے دعا گو ہے، اور مطالبہ کرتی ہے کہ واقعے کی شفاف تحقیقات کر کے ذمہ دار عناصر کو قانون کے مطابق سخت سزا دی جائے۔

ہم سمجھتے ہیں کہ امن ہر شہری کا بنیادی حق ہے، اور ایسے بزدلانہ حملے عوام کے حوصلے ہرگز پست نہیں کر سکتے۔ حکومت اور متعلقہ ادارے عوام کے جان و مال کے تحفظ کو یقینی بنائیں اور سوات سمیت پورے خطے میں پائیدار امن کے لیے مؤثر اقدامات کریں۔

آصف آغا
صدر
پختون اسٹوڈنٹس فیڈریشن گڈ مارننگ یونٹ گلشن کیمپس 🚩 (PSF)



پختون اسٹوڈنٹس فیڈریشن (PSF) مارننگ یونٹ جامعہ اردو کا کشمیر کی موجودہ صورتحال پر اظہارِ تشویش:-پختون اسٹوڈنٹس فیڈریشن (...
29/07/2026

پختون اسٹوڈنٹس فیڈریشن (PSF) مارننگ یونٹ جامعہ اردو کا کشمیر کی موجودہ صورتحال پر اظہارِ تشویش:-

پختون اسٹوڈنٹس فیڈریشن (PSF) مارننگ یونٹ مقبوضہ کشمیر میں حالیہ کشیدہ صورتحال، عوامی حقوق پر قدغن، اور ووٹنگ کے دوران پیش آنے والے افسوسناک واقعات پر گہری تشویش کا اظہار کرتی ہے۔

ہم سمجھتے ہیں کہ ہر شہری کو آزادانہ رائے کے اظہار، شفاف انتخابی عمل میں شرکت اور بنیادی انسانی حقوق سے مستفید ہونے کا حق حاصل ہے۔ کسی بھی قسم کی طاقت کے استعمال، خوف و ہراس کی فضا، یا عوام کی آواز کو دبانے کی کوشش جمہوری اقدار اور انسانی حقوق کے بنیادی اصولوں کے منافی ہے۔

پختون اسٹوڈنٹس فیڈریشن مطالبہ کرتی ہے کہ کشمیر میں امن، انصاف اور قانون کی بالادستی کو یقینی بنایا جائے، شہری آزادیوں کا مکمل احترام کیا جائے، اور تمام معاملات کو طاقت کے بجائے مذاکرات، برداشت اور سیاسی بصیرت کے ذریعے حل کیا جائے۔

ہم عالمی برادری، انسانی حقوق کی تنظیموں اور متعلقہ اداروں سے اپیل کرتے ہیں کہ وہ کشمیر کی موجودہ صورتحال کا سنجیدگی سے نوٹس لیں، عوام کے جان و مال کے تحفظ کو یقینی بنانے کے لیے مؤثر کردار ادا کریں، اور خطے میں پائیدار امن کے قیام کے لیے عملی اقدامات کریں۔

صدر : آصف آغا

پختون اسٹوڈنٹس فیڈریشن (PSF) مارننگ یونٹ، جامعہ اردو کراچی🚩

مـــــبارکـــــــ بـــاد 🎉🚩پختون اسٹوڈنٹس فیڈریشن جامعہ اردو مارننگ یونٹ، گلشن کیمپس کی جانب سے ایڈووکیٹ صاحبزادہ صاحب ک...
29/07/2026

مـــــبارکـــــــ بـــاد 🎉🚩

پختون اسٹوڈنٹس فیڈریشن جامعہ اردو مارننگ یونٹ، گلشن کیمپس کی جانب سے ایڈووکیٹ صاحبزادہ صاحب کو لیگل ایڈوائزر، بورڈ آف انٹرمیڈیٹ ایجوکیشن کراچی منتخب ہونے پر دلی مبارکباد پیش کرتے ہیں۔

یہ کامیابی نہ صرف آپ کی محنت، قابلیت اور دیانت داری کا اعتراف ہے بلکہ پختون اسٹوڈنٹس فیڈریشن اور جامعہ اردو کے لیے بھی باعثِ فخر ہے۔

ایڈووکیٹ صاحبزادہ صاحب ہمیشہ طلبہ اور نوجوان وکلاء کی قانونی رہنمائی، حوصلہ افزائی اور ہر مشکل وقت میں ان کے شانہ بشانہ کھڑے رہے ہیں۔ آپ کی خدمات، خلوص اور قیادت ہم سب کے لیے مشعلِ راہ ہیں۔

ہم دعا گو ہیں کہ اللہ تعالیٰ آپ کو مزید عزت، کامیابیاں، صحت اور ترقی عطا فرمائے، اور آپ کو ہمیشہ حق و انصاف کی خدمت کی توفیق دے۔

اللہ تعالیٰ آپ کو مزید کامیابیوں سے نوازے۔ آمین۔ ❤️🚩

پختون اسٹوڈنٹس فیڈریشن 🚩
جامعہ اردو مارننگ یونٹ، گلشن کیمپس

🚩

꧁♛ یوم تاسیس مبارک ❤️ 🚩♛꧂
26/07/2026

꧁♛ یوم تاسیس مبارک ❤️ 🚩♛꧂

📌مذمتی بیان:-پختون سٹوڈنٹس فیڈریشن جامعہ اردو مارننگ یونٹ کے صدر آصف آغا اور ایوننگ یونٹ کے صدر رحمت اللہ خان خوشحال کیم...
15/07/2026

📌مذمتی بیان:-

پختون سٹوڈنٹس فیڈریشن جامعہ اردو مارننگ یونٹ کے صدر آصف آغا اور ایوننگ یونٹ کے صدر رحمت اللہ خان خوشحال کیمپس آفیسر عدنان اختر پر ہونے والے بزدلانہ قاتلانہ حملے کی شدید الفاظ میں مذمت کرتے ہیں۔

جامعات علم، تحقیق اور امن کے مراکز ہوتی ہیں۔ یونیورسٹی سے وابستہ افسران، اساتذہ، ملازمین اور طلبہ کے جان و مال کا تحفظ ریاست اور متعلقہ اداروں کی بنیادی ذمہ داری ہے۔ دن دہاڑے ایک یونیورسٹی افسر کو نشانہ بنانا نہ صرف انتہائی افسوسناک اور قابلِ مذمت عمل ہے بلکہ یہ تعلیمی ماحول اور امن و امان کے لیے بھی سنگین خطرے کی علامت ہے۔

ہم قانون نافذ کرنے والے اداروں سے مطالبہ کرتے ہیں کہ واقعے کی غیر جانبدارانہ، شفاف اور فوری تحقیقات کرکے ملوث عناصر کو قانون کے مطابق سخت سزا دی جائے، جبکہ یونیورسٹی سے وابستہ تمام افراد کی سیکیورٹی کو مؤثر بنانے کے لیے فوری اقدامات کیے جائیں۔

پختون سٹوڈنٹس فیڈریشن عدنان اختر صاحب اور ان کے اہلِ خانہ کے ساتھ مکمل یکجہتی کا اظہار کرتی ہے اور ان کی جلد صحت یابی کے لیے دعاگو ہے۔

آصف آغا
صدر، جامعہ مارننگ

رحمت اللہ خان خوشحال
صدر، جامعہ اردو ایوننگ

Federal Urdu University of Arts, Sciences And Technology - Fuuast

Address

Federal Urdu University Gulshan Unit
Karachi

Website

Alerts

Be the first to know and let us send you an email when Pukhtoon SF Jamia Urdu Gulshan E Iqbal Unit posts news and promotions. Your email address will not be used for any other purpose, and you can unsubscribe at any time.

Shortcuts

Share

Category