21/08/2026
اینٹی اسٹریٹ کرائم فورم کراچی اور لانڈھی کے غیور عوام کا مشترکہ اعلامیہ
لانڈھی 6 کربلا گرائونڈ (سب ڈویژن لانڈھی، ضلع کورنگی) میں کھیل کےمیدان پر قبضے کی کوشش ناکام بنانےپر خراجِ تحسین اور قبضہ مافیا کےخلاف فوری قانونی و فوجداری کارروائی کی سخت ترین اپیل۔
میدان پر قبضے کی مذموم کوشش اورعوام کا جرات مندانہ اقدام سب ڈویژن لانڈھی، ضلع کورنگی کے علاقےلانڈھی 6 نمبر میں واقع عوامی کھیل کے میدان پر قبضہ مافیا کی جانب سے زمین ہڑپنے کی ناپاک کوشش کولانڈھی کی غیور عوام اور اینٹی اسٹریٹ کرائم فورم کراچی نے بروقت اور متحد ہو کر ناکام بنا دیا ہے,اس جرات مندانہ اور باہمتی اقدام پر علاقہ مکین اور فورم کے تمام نمائندگان بےحد خراجِ تحسین کے مستحق ہیں جنہوں نے عوامی و سرکاری اثاثے کی حفاظت کے لیے جرائم پیشہ عناصر کےآگے ڈٹ جانے کا ثبوت دیا۔
ڈپٹی کمشنر ضلع کورنگی اور ایس ایس پی ضلع کورنگی سے فوری قانونی ایکشن کا مطالبہ ،قبضہ گروپ کی جانب سے کی جانے والی شدید فائرنگ اور غنڈہ گردی نے علاقے میں شدید خوف و ہراس اوراشتعال پھیلا دیا ہے،اس سنگین صورتحال کے پیش نظر فوری FIR کا اندراج کیا جائے ،قبضہ مافیا کے خلاف متعلقہ پولیس اسٹیشن (عوامی پولیس اسٹیشن) میں تعزیراتِ پاکستان کی سنگین دفعات (قبضہ کی کوشش، فائرنگ، اور عام شہریوں کی زندگیوں کو خطرے میں ڈالنے) کے تحت فوراً ایف آئی آر درج کی جائے۔
