Sons of Tando Adam سنز آف ٹنڈوآدم

26/06/2026

08/06/2026

اسلام آباد: ایپسکا وفد کی مس کنول بجورو کی قیادت میں ڈی جی PNCA محمد ایوب جمالی سے ملاقات
اسلام آباد: آل پاکستان پرائیویٹ اسکولز اینڈ کالجز ایسوسی ایشن (ایپسکا) کے عہدیداران اور شعبۂ تعلیم سے وابستہ نمایاں شخصیات پر مشتمل ایک وفد نے ڈائریکٹر جنرل پاکستان نیشنل کونسل آف آرٹس (PNCA) محمد ایوب جمالی سے ان کے دفتر میں ملاقات کی۔
ملاقات خوشگوار اور دوستانہ ماحول میں ہوئی، جس میں تعلیم، فنونِ لطیفہ، نوجوانوں کی مثبت سرگرمیوں کے فروغ اور معاشرے میں تعمیری مواقع پیدا کرنے سے متعلق مختلف امور پر تفصیلی تبادلۂ خیال کیا گیا۔
اس موقع پر وفد نے پاکستان نیشنل کونسل آف آرٹس کے ملک بھر میں فنون اور ثقافتی سرگرمیوں کے فروغ کے لیے کردار کو سراہتے ہوئے کہا کہ تعلیمی اداروں اور قومی سطح پر خدمات انجام دینے والے اداروں کے درمیان رابطوں کو مزید مضبوط اور مؤثر بنانے کی ضرورت ہے تاکہ طلبہ اور نوجوانوں میں تخلیقی صلاحیتوں، مثبت سوچ اور تعمیری رجحانات کو فروغ دیا جا سکے۔
وفد میں ایپسکا اسلام آباد ویمن ونگ کی سینئر نائب صدر کنول بجورو، راولپنڈی ڈویژن ایپسکا کے سینئر نائب صدر گل زبیر خان، انفارمیشن سیکریٹری اویس احمد اور کینٹاب پبلشرز اسلام آباد کے ایریا منیجر عامر عباسی شامل تھے۔
ملاقات کے اختتام پر دونوں جانب سے باہمی تعاون، تعلیمی و ثقافتی سرگرمیوں کے فروغ اور نوجوان نسل کی مثبت تربیت کے لیے مشترکہ کوششوں کے عزم کا اظہار کیا گیا۔
#ایپسکا #تعلیم #نوجوان #ثقافت #پاکستان