17/07/2026
ایس ایچ او شاہراہ نورجہاں سرفراز کمانڈو کو فوری طور پر عہدے سے برطرف کیا جائے۔ اے این پی ڈسٹرکٹ سینٹرل
کراچی کے علاقے شاہراہ نورجہاں کے ایس ایچ او سرفراز کمانڈو کی جانب سے اے این پی کے زمہ داران کو دھمکیاں دینا اور پختون قوم کے خلاف مبینہ طور پر انتہائی نازیبا، متعصبانہ زبان کے استعمال کی شدید مذمت کرتے ہوئے اعلیٰ حکام سے مذکورہ پولیس افسر کی فوری برطرفی اور قانونی کارروائی کا مطالبہ کیا ہے۔ پاکستان کا آئین تمام شہریوں کو برابر کے حقوق اور عزت فراہم کرتا ہے۔ کسی بھی سرکاری افسر کو یہ حق حاصل نہیں کہ وہ اپنے اختیارات کا ناجائز فائدہ اٹھاتے ہوئے کسی بھی قومیت کو نشانہ بنائے۔ ہم ہر قسم کے قومی و لسانی تعصب کی سخت ترین الفاظ میں مذمت کرتے ہیں۔ ہم قانون نافذ کرنے والے اداروں اور پولیس کی وردی کا دل سے احترام کرتے ہیں۔ وردی قانون کی بالادستی کی علامت ہے، لیکن جب قانون کا محافظ ہی قانون ہاتھ میں لے کر کسی قوم کی توہین کرے، تو وہ خود وردی کی ساکھ کو مٹی میں ملا دیتا ہے۔ سرفراز کمانڈو کے اس رویے نے وردی کے وقار کو مجروح کیا ہے۔ سندھ پولیس کے اعلیٰ حکام اس بات کو یقینی بنائیں کہ مستقبل میں کوئی بھی اہلکار کسی شہری کی قومیت کی بنیاد پر اس کی تذلیل نہ کرے۔ ہم پرامن اور قانون پسند شہری ہیں اور اپنے آئینی حقوق کے تحفظ کے لیے ہر قانونی اور جمہوری راستہ اختیار کرنے کا حق محفوظ رکھتے ہیں۔
ثاقب خان مداخیل سوشل میڈیا سیکرٹری اے این پی ڈسٹرکٹ سینٹرل کراچی ۔
