01/06/2026
رکنِ قومی اسمبلی این اے-237 اسد عالم نیازی صاحب نے ڈپٹی اسپیکر انتھونی نوید صاحب کے ہمراہ کشمیر کالونی کا دورہ کیا۔
دورے کے آغاز میں اسد عالم نیازی صاحب اور ڈپٹی اسپیکر انتھونی نوید صاحب چیئرمین یونین کونسل 6 اختر کالونی چوہدری حامد حسین صاحب کی رہائش گاہ پہنچے، جہاں عید ملن کے موقع پر ملاقات ہوئی۔ اس موقع پر چوہدری حامد حسین صاحب کے والد محترم کی خیریت دریافت کی گئی اور ان کی صحت و سلامتی کے لیے نیک تمناؤں کا اظہار کیا گیا۔
بعد ازاں دونوں رہنما حاجی محمد دورانی صاحب کی رہائش گاہ پہنچے، جہاں شکیل عباسی صاحب، فاضل عباسی صاحب، عباسی برادری، پٹھان برادری اور اہلِ علاقہ کی بڑی تعداد موجود تھی۔ اس موقع پر عید کی مبارکباد کا تبادلہ کیا گیا اور خوشیوں میں شریک ہوا گیا۔
اس موقع پر اہلِ علاقہ سے تفصیلی ملاقات بھی ہوئی، جس میں علاقائی مسائل، عوامی ضروریات اور علاقے کی بہتری سے متعلق مختلف امور پر گفتگو کی گئی۔ شرکاء نے اپنے خیالات اور تجاویز کا اظہار کیا، جبکہ اسد عالم نیازی صاحب نے مسائل کے حل کے لیے ہر ممکن تعاون کی یقین دہانی کروائی۔ یہ نشست انتہائی خوشگوار، پُرخلوص اور باہمی اعتماد کے ماحول میں منعقد ہوئی۔
اس موقع پر فدا حسین تنولی صاحب، سینئر نائب صدر پاکستان پیپلز پارٹی پی ایس-105، جہانگیر آفریدی صاحب، جنرل سیکریٹری یو سی-6 سمیت دیگر معزز شخصیات بھی موجود تھیں۔
عوام سے مسلسل رابطہ، ان کے مسائل کو سننا، ان کی خوشیوں اور مشکلات میں شریک رہنا اور خدمتِ خلق کے جذبے کے ساتھ ان کے شانہ بشانہ کھڑا رہنا ہماری اولین ترجیح ہے۔ ان شاء اللہ یہ عوامی خدمت کا سفر اسی عزم کے ساتھ جاری رہے گا۔
