06/09/2026
آج وقت نے ثابت کردیا چھ سال قبل ہم عوام پاکستان پارٹی نے نظام کی تبدیلی کا جو نظریہ پیش کیا تھا وہ آج ضرورت بن گیا ہے ہم عوام پاکستان کے قائدین نے ملکی قوانین کا باریک بینی سے جائزہ لے کر نظام کی تبدیلی کی آواز بلند کی تھی کیونکہ یہ نظام عام آدمی کی زندگی میں مثبت تبدیلی لانے میں ناکام ہوچکا ہے یہ نظام صرف جاگیر داروں سرما داروں اور حکمران طبقوں کو نوازتا ہے اور ووٹ دینے والوں صرف نعروں دلاسوں اور جھوٹی امیدوں کے سراب میں دھکیلنے کے سوا کچھ نہیں دے سکا
اس نظام نے ریاست کو اس قدر مفلوج اور یرغمال بنادیا ہے کہ ریاست اپنی شہری کو پینے کا صاف پانی تعلیم علاج معالجہ تحفظ اور انصاف مہیا نہیں کرپا رہی مگر یہ سب کچھ اس ناکارہ نظام کے حامیوں کے ارد گرد بآسانی دستیاب ہے اس نظام میں مزدور کی نمائندگی سرمایہ دار کسان کی نمائندگی جاگیردار اور عام آدمی کی نمائندگی حکومتی ایوانوں میں بیٹھے غاصب کررہے ہیں جوکہ اس نظام کی ناکامی کا منہ بولتا ثبوت ہے
اب وقت آگیا ہے ہم عوام پاکستان کے ویژن کو عملی جامہ پہنا کر عام آدمی کی زندگی میں بہتری لائی جائے اگر اس موقع کو موقع پرستوں کی باتوں میں آکر ضائع کردیا تو پھر شائد ایسا اچھا موقع دوبارہ نا مل سکے
امداد حسین نقوی
سینئر وائس چیئرمین
