10/03/2025
کراچی۔ چیئرمین صدر ٹاؤن منصور احمد شیخ نے کہا ہے کہ رمضان المبارک عبادتوں اور برکتوں والا مہینہ ہے مسلمان اس ماہ مبارک میں اپنا تزکیہ نفس کرتے ہیں اور روحانی وبدنی عبادات کی لذّتوں سے فیضیاب ہوتے ہیں ہماری حتی الامکان کوشش ہے کہ اس مقدس مہینے میں عوام کو بلدیاتی سہولیات کی فراہمی کے ضمن میں کسی بھی قسم کی تکلیف کا سامنانہ کرنا پڑے ان خیالات کا اظہارانہوں نے رمضان المبارک کے دوران بلدیاتی سہولیات کی فراہمی کے حوالے سے منعقدہ اجلاس سے خطاب کرتے ہوئے کیا اس موقع پر میونسپل کمشنر نور حسن جوکھیو، مختلف یوسیز کے وائس چیئرمینزشیر محمد کاکٹر، سلمان مدنی، عاطف بلو، حامد حسین، سپریٹنڈنٹ انجیئیر بی اینڈ آر رفیق شیخ، چیف فنانس آفیسر نعیم یوسفی، ڈائریکٹر ایڈمنسٹریشن محمد رئیسی و دیگر متعلقہ افسران بھی موجود تھے چیئرمین منصور احمد شیخ کاکہنا تھا کہ صدر ٹاؤن کی حدود میں موجود مساجد،امام بارگاہوں، تراویح ومحافل شبینہ کے مقامات و اطراف میں سڑکوں کی استر کاری اور روشنی کیلئے کئے گئے انتظامات کے علاوہ اگر مزید بھی کہیں ترقیاتی کاموں کی ضرورت ہوتو اسے فوری مکمل کیا جائے ٹاؤن انتظامیہ کیجانب سے واٹر اینڈ سیوریج بورڈ کے افسران کوپابند کیا گیا ہے کہ رمضان المبارک کے دوران مساجد،امام بارگاہوں، تراویح ومحافل شبینہ کے مقامات کے اطراف پانی کے رساؤ کی کسی بھی شکایت کی صورت میں ہنگامی بنیادوں پر فوری کاروائی عمل میں لائیں اور اگر کسی مقام پر مین ہولز کھلے ہوئے ہوں تو فوری طور پر وہاں کور لگائے جائیں جبکہ کے الیکڑک کے اعلی حکام سے بھی کہا گیا ہے کہ وہ خصوصا سحراور افطارکے مواقع پر لوڈشیڈنگ نہ کریں تاکہ عوام ان مواقع پر ہر طرح کی ذہنی اذیت سے محفوظ رہے میونسپل کمشنر نورحسن جوکھیو نے محکمہ تجاوزات کو ہدایت دیتے ہوئے کہا کہ گلیوں سڑکوں اور کاروباری وتجارتی مراکزپر ٹاؤن مین جاری انسداد تجاوزات مہم کو مزید موثر بناتے ہوئے اس امر کو یاقینی بنایا جائے کہ سہ پہر و شام کے اوقات خصوصا افطار سے قبل شاہراؤں اور سڑکون پر ٹریفک جام نہ ہونے پائے تا کہ عوام کسی بھی قسم کی پریشانی کا سامنا نہ کرناپڑے
