Fixit Karak

20/10/2026

20/10/2026

16/10/2026

🚧 فکس اٹ کرک کی ایک اور عوامی خدمت! 💚

طلبہ و طالبات کی آمدورفت میں آسانی اور عوامی مشکلات کے حل کے لیے فکس اٹ کرک نے ایک خراب راستے کی مرمت کا کام بہتر انداز میں مکمل کر لیا۔

اس راستے سے گورنمنٹ بوائز ہائی سکول، گورنمنٹ بوائز مڈل سکول، گورنمنٹ گرلز ہائی سکول، گورنمنٹ گرلز پرائمری سکول اور نیو ویژن پبلک سکول کے بچے روزانہ گزرتے تھے۔ راستہ خراب ہونے کی وجہ سے طلبہ و طالبات اور موٹر سائیکل سواروں کو بھی مشکلات کا سامنا تھا۔

الحمدللہ! فکس اٹ کرک کے رضاکاروں نے عملی قدم اٹھاتے ہوئے اس راستے کی مرمت کی، تاکہ بچوں اور اہلِ علاقہ کو آمدورفت میں آسانی میسر آ سکے۔ 🤝

ہمارا عزم: مسائل کی نشاندہی، عملی اقدامات اور عوام کی خدمت!

💚 Fixit Karak — Small Actions. Big Change.

07/10/2026

تختی نصرتی، ضلع کرک میں Fixit Karak کی ایک اور کاوش ❤️

گرلز ہائی سکول کے سامنے مین روڈ پر بنے گڑھوں کی وجہ سے ٹریفک اور سکول آنے جانے والی طالبات کو مشکلات کا سامنا تھا۔ عوامی شکایت پر Fixit Karak نے محدود وسائل کے باوجود اس مقام پر گڑھوں کی مرمت کر دی۔

اس ایکٹیویٹی میں حصہ لینے والے Fixit Karak کے تمام رضاکاروں کا دل سے شکریہ، جنہوں نے اپنا وقت اور محنت عوامی خدمت کے لیے وقف کی۔ 🤝❤️

Fixit Karak
Small Actions. Big Change.

03/10/2026

🚧 Fixit Karak — ایک اور عملی قدم

📍 تختِ نصرتی | مین بازار
🏫 گرلز ہائی سکول کے سامنے

تختِ نصرتی کے مین بازار میں گرلز ہائی سکول کے سامنے سڑک پر بنے گڑھوں کی وجہ سے شہریوں، طلبہ و طالبات اور ٹریفک کو مشکلات کا سامنا ہے۔

عوامی مسئلے کی نشاندہی کے بعد Fixit Karak ٹیم نے فیصلہ کیا ہے کہ اس مقام پر موجود گڑھوں کی مرمت اور سڑک کی بحالی کا کام اپنی مدد آپ کے تحت کیا جائے گا۔ 💪

یہ صرف ایک سڑک کی مرمت نہیں، بلکہ اس سوچ کا حصہ ہے کہ:

"مسائل صرف بتانے سے نہیں، مل کر حل کرنے سے ختم ہوتے ہیں۔"

🤝 اہلِ علاقہ، مخیر حضرات اور Fixit Karak کے تمام رضاکاروں سے تعاون کی اپیل ہے۔
آپ کا معمولی سا تعاون بھی کسی کے لیے محفوظ راستہ بن سکتا ہے۔

❤️ Fixit Karak
Small Actions. Big Change.

29/09/2026

🌹 فکس اٹ کرک | خدمتِ خلق کا ایک اور قدم 🌹

الحمدللہ! فکس اٹ کرک کی ٹیم نے مین جی ٹی روڈ، لتمبر پولیس اسٹیشن کے قریب ایک عرصے سے خراب پڑے راستے کی مرمت کا کام بہترین طریقے سے مکمل کر لیا ہے۔

یہ راستہ کافی عرصے سے خستہ حالی کا شکار تھا، جس کی وجہ سے یہاں سے گزرنے والے لوگوں کو شدید مشکلات کا سامنا کرنا پڑتا تھا اور کئی مرتبہ حادثات بھی پیش آ چکے تھے۔

اس نیک کام کے لیے ایک بھائی نے اپنے مرحوم والد صاحب کے ایصالِ ثواب اور صدقۂ جاریہ کے لیے ہمیں مرمت کا مٹیریل خرید کر دیا، جس کی مدد سے ہم نے اس راستے کی مرمت کی۔

ہم ان تمام دوستوں اور بھائیوں کے تہہ دل سے شکر گزار ہیں جنہوں نے اس کارِ خیر میں ہمارا ساتھ دیا اور اپنا حصہ ڈالا۔

خصوصاً اس بھائی کا شکریہ جنہوں نے اپنے والد صاحب کے ایصالِ ثواب کے لیے یہ مٹیریل فراہم کیا۔

🤲 اللہ تعالیٰ ان کے مرحوم والد صاحب کی مغفرت فرمائے، ان کے درجات بلند فرمائے اور اس نیک کام کا پورا پورا اجر و ثواب انہیں عطا فرمائے۔ آمین یا رب العالمین۔

فکس اٹ کرک — چھوٹے اقدامات، بڑی تبدیلی۔

26/09/2026

📢 رضاکاروں کے لیے اہم اعلان

ان شاء اللہ کل فکس اٹ کرک کی ٹیم لتمبر پولیس اسٹیشن کے قریب مین جی ٹی روڈ (بنوں تا کوہاٹ / بنوں تا راولپنڈی) پر خراب سڑک کی مرمت کا کام کرے گی۔

اس کارِ خیر کو پایۂ تکمیل تک پہنچانے کے لیے ہمیں آپ کے تعاون اور افرادی قوت کی ضرورت ہے۔

تمام رضاکاروں سے گزارش ہے کہ کل اس نیک کام میں بھرپور شرکت کریں اور عوامی سہولت کے لیے ہمارا ساتھ دیں۔

آئیے! مل کر اپنے علاقے کو بہتر بنائیں۔

🤝 آپ کی شرکت، ہماری طاقت!

25/09/2026

آج ضلع کرک کی سرزمین اپنی ہونہار بیٹی حادیہ طارق پر فخر کر رہی ہے، جس نے ایم ڈی کیٹ (MDCAT) کے امتحان میں 180 میں سے شاندار 178 نمبر حاصل کرکے کامیابی کی ایک نئی تاریخ رقم کر دی۔ یہ صرف ایک طالبہ کی کامیابی نہیں بلکہ پورے ضلع کرک اور خیبر پختونخوا کے لیے اعزاز، فخر اور خوشی کا لمحہ ہے۔

حادیہ طارق نے اپنی غیر معمولی ذہانت، بے مثال صلاحیتوں اور انتھک محنت سے یہ ثابت کر دیا کہ کامیابی کسی کی میراث نہیں ہوتی بلکہ یہ اُن لوگوں کا مقدر بنتی ہے جو اپنے خوابوں کی تکمیل کے لیے دن رات ایک کر دیتے ہیں۔ واقعی:

"محنت کرے انسان تو کیا ہو نہیں سکتا،
اور کون سا عقدہ ہے جو حل ہو نہیں سکتا۔"

دخترِ کرک نے نوجوان نسل، بالخصوص بیٹیوں کے لیے ایک روشن مثال قائم کر دی ہے کہ عزم، حوصلہ اور لگن کے سامنے کوئی رکاوٹ بڑی نہیں ہوتی۔ ان کی یہ شاندار کامیابی آنے والی نسلوں کے لیے مشعلِ راہ ثابت ہوگی۔

دل کی اتھاہ گہرائیوں سے حادیہ طارق، ان کے قابلِ فخر والدین اور اساتذۂ کرام کو مبارکباد پیش کرتے ہیں۔ اللہ تعالیٰ حادیہ طارق کو مزید کامیابیوں، عزتوں اور بلند مقام سے نوازے اور انہیں مستقبل میں انسانیت کی خدمت کا عظیم ذریعہ بنائے۔