15/07/2026
ہم مولانا فضل الرحمان کی جانب سے شہداء اور غازیوں کے متعلق دیے گئے غیر ذمہ دارانہ اور نامناسب بیان کی شدید الفاظ میں مذمت کرتے ہیں۔ ہمارے شہداء اور غازی قوم کا فخر ہیں، جنہوں نے وطنِ عزیز کی سلامتی، امن اور استحکام کے لیے بے شمار قربانیاں دی ہیں.
شہداء نے اپنی جانوں کا نذرانہ پیش کرکے قوم کا سر فخر سے بلند کیا، جبکہ غازیوں نے اپنی بہادری اور قربانیوں سے ملک کے دفاع کو ناقابلِ تسخیر بنایا۔ ایسے عظیم سپوتوں کے بارے میں غیر محتاط اور توہین آمیز بیانات نہ صرف قابلِ افسوس ہیں بلکہ پوری قوم کے جذبات کو مجروح کرتے ہیں.
ہم مطالبہ کرتے ہیں کہ قومی ہیروز اور ملک کے محافظوں کے بارے میں گفتگو کرتے وقت ذمہ داری، احتیاط اور احترام کا دامن ہاتھ سے نہ چھوڑا جائے۔ شہداء اور غازیوں کی قربانیاں ہمیشہ قوم کے دلوں میں زندہ رہیں گی اور پوری قوم ان کے ساتھ کھڑی ہے.
