17/08/2026
صحافی راجہ فیصل نے لکھا ہے کہ قرض اتارو، مُلک سنوارو، آج کے GenZ کو بتانا چاہتا ہوں کہ 1997 میں نواز شریف کے دورحکومت میں یہ سکیم لائی گئی،میں آٹھویں جماعت کا طالبعلم تھا اورمیرےجیسے ہزاروں طلبا نے اپنے مٹی کے غلے توڑ کے حصہ ڈالا،اربوں روپے اکٹھے ہوئے، اور پھر۔۔۔"انہوں نے اس کیساتھ ہی سکیم سے مختلف اخبارات کی کٹنگ بھی شیئر کی جس کے مطابق کروڑوں ڈالر جمع ہوچکے تھے،نصرت فتح علی خان نے بھی عطیہ کیا تھا،سعودی باشندے اور میمن کمیونٹی نے بھی بھاری رقم دی تھی ، افواج کے سربراہان نے بھی دو ماہ کی تنخواہ دینے کافیصلہ کیاتھاجبکہ محنت کشوں نے بھی رقم دینے کا اعلان کیاتھا اور یہ بھی دعویٰ کیاگیا تھا کہ سکیم کے تحت رقم کا زیادہ ترحصہ آچکا۔
