11/07/2026
اسامہ کا کیس دنیا بھر میں وائرل ہوا
سب نے دیکھا کہ بائیس سال بعد اسامہ کا خاندان ملا اور پھر کیسی صورتحال کا سامنا کرنا پڑا۔
اسامہ کا انٹرویو جب ہمارے چینل پر نشر ہوا تو ان کے گاؤں والوں نے اسامہ کے تمام عزیز و اقارب کو لنک بھیج کر اطلاع دی کہ ایسے ایسے مسئلہ ہے۔
سوائے اسامہ کی ایک خالہ کے کسی نے بھی اسامہ کو قبول نہیں کیا۔
یہ قبول کیا کہ ہاں ہمارا بیٹا/بھائی ہے لیکن اتنے سالوں بعد اچانک ملنا سمجھ میں نہیں آرہا وغیرہ۔
اسامہ کی خالہ زاد بہن ڈاکٹر صاحبہ تک خبر پہنچی تو انہوں نے ہم سے رابطہ کیا اور بہت اچھے طریقے سے بات کی،انکی باتوں سے صلہ رحمی اور انسانیت چھلک رہی تھی اور انہوں نے کہا کہ کوئی ملے نا ملے ہمارا خون ہے ہم اسامہ کو ایسے چھوڑ نہیں سکتے۔ انہوں نے تمام خاندان والوں کو سمجھانے کی کوشش بھی کی ہے۔
اسامہ کی نانی نے جب اسکے بچپن کی تصویر دیکھی ہے تو وہ بھی بہت روئی ہے اور جلد اپنے نواسے سے ملنے کا کہتی رہی ہے۔
اسامہ کو لیکر کل رات ہم کراچی سے روانہ ہوچکے ہیں ان شاءاللہ لاہور میں انکی خالہ نانی اور دیگر عزیز و اقارب سے ملاقات ہوگی۔
اللہ انکی اس خالہ اور خالہ زاد بہن کو خوب عزتیں عطا کرے جب سے انہوں نے اسامہ کو کال پر کہا کہ “اسامہ تم اکیلے نہیں ہو ہم تمہارے ساتھ ہیں،تم بالکل بھی پریشان مت ہونا” تب سے اسامہ کی سانسیں بحال ہوئی ہیں اور چہرے پر خوشی اور آنکھوں میں چمک آئی ہے۔
ایک بچہ جس نے بائیس سال تک کبھی خوشی نہیں دیکھی،تنہائی اور لاوارثی کی زندگی گزاری،جب ہم نے گزشتہ روز اسے کہا تھا کہ کل شاپنگ کے لئے جائیں گے کہیں مت جانا اپنے کواٹر میں رہنا۔تو اگلے روز تک خوشی کے مارے سویا نہیں اور دوستوں کو بتات رہا ہے کل ولی بھائی مجھے شاپنگ پر لےجائیں گے۔ اپنے ہم غم دوستوں میں مٹھائی لاکر بانٹی کہ میں خالہ سے ملنے جارہا ہوں۔
اسامہ کے کیس نے بڑے بڑے پتھر دل انسانوں کے دل کو موم کئے ہیں، بائک پارکنگ میں بائک کھڑی کی تو پارکنگ والے بھائی نے بھی اسامہ کو دیکھ کر پہچان لیا کہ یہ وہی لڑکا ہے جسے اپنوں نے منع کیا؟ اور پارکنگ کے پیسے لینے سے انکار کردیا۔جہاں کچھ خریدنے گئے یا کچھ کھانے پینے گئے اسامہ کو دیکھ کر لوگوں نے پہچانا کہ یہ وہی لڑکا ہے نا۔
آپ سب سے دعاؤں کی اشد درخواست ہے اللہ تعالی اسامہ سمیت ہم سب پر رحم فرمائے اور ہم سب کو اللہ ہدایت دے،آمین
Copy ✅
